مساااااااعده

[q8 knosha]

بناات بسألكم انا الحين والده طبيعي الحمدلله وصارلي 8تيام ولخياط شاقني طبعا اليوم كانت مراجعتي وشافت لخياط وقالتلي كل شي اوك بس بعد سبوع يالله يطيب ..

- بس سؤالي متى يوقف الدم؟؟ :080402ask_prv:

ومتى اقدر اسبح؟؟

امممم بنات انا كنت ناويه ايب رداده من باجر بس اختى قالتلي دام خياطج يعورج نطري بعد جم يوم انتو شرايكم؟؟
ولا عادي مايظر؟؟ يعني ماراح تقرب يمه!

وبنات انا كنت ناويه اييب ايرانيه لان يقولون اهما الشطار بهل سوالف
بس من تجارب البنات كانو يمدحون الصينيات انتو شرايكم؟؟ انا محتاره :080402ask_prv: ​

 

[كويتيه مذهله 87]

للررررررررررفع لعيونج

 

[دآنة آلرشآيده]

الله يعينج انتي نفسي
انا الخياط يعورني وكنت ابجي منه
بس الحمدلله كل ماله ويخف

مادري للحين ماجبت رداده
بس يمدحون الايرانيات اكثر

بالنسبه لـ الدم انا للحين ينزل علي
ماخف بس اختي تقول بعد 20 يوم
يبدى يخف ..

بالنسبه لـ السبوح انا عادي تسبحت
بالمستشفى ماقدرت اتحمل بس الناس يقولون موزين


الحمدلله على سلامتج

 

[om al ghaleen]

الحمدالله ع سلامتج "
بالنسبه للرداه اييبها يوم عاشر وتكون الافضل ايرانيه او باكستانيه
لانه الصينيه بس تسوي مساج
واذا ع الخياط قولي لها انه يعورج علشان يكوٌن عندها خبر
ويفضل تستشرينها بالاول

وبالنسبه للدم مكرم السامع على حسب الوحده اذا تاخذين ادويه نفاس اتوقع بسرعه تخلصين
اما اذا مااخذتي راح تتم مقطعه لبعد الاربعين "

\\

 

[شيــوخه]

هلا اختي الاخياط تو الناس عليه يبيله اسبوعين يا انه يطيح ابروحه

او الدكتوره تشيله مرات

ومن ناحيت وقوف الدم تو الناس علييييج انتي لج 8 ايام الوالده تقعد 25 يوم وعلى حسب مرات تنضف وتيليها اخت النفاس

ومرات تتم اربعين يوم وتشبك معها اخت النفاس الي هي الدوره
ومن ناحيت السباحه والله عن نفسي انا اتسبح ثاني يوم او ثالث يوم واتدفى عدل مدل وخاصه انه انتي ولادتج بشتاء
حاولي اتدفين عدددل

 

[دنيتى زوجي M]

الحمدالله على سلامتج والله ماعندي فكره حبيبتي ( بجر )

 

[موجة ~ بحر]

انا الخياط طاح بيوم ١٤. وبخصوص الدم انا من يوم ٦ خف علي. الحين تقدرين تسبحين. انا يبت ردادة صينية الصراحه كانت خوارة تسوي مساج ماتردد. يمكن من وحده لي وحده تفرق*

 

[Om 3zo0oz_2011]

رد : مساااااااعده

بجريه ومنكم نستفيد



للرفع بنات نبي الي جربت الرداده وتكوون زينه للامانه تحط رقمها

 

[OM AWWASHA]

رد : مساااااااعده

انا بكل ولاداتي الخيط من نفسه يتحلل ما يحتاج يشيلونه

واول شي اسويه من ادش بيت اهلي اسسسسببببححححح ما اتحمل بدون سباحه احط لي كرسي واسبح

 

[ابله ديما]

رد : مساااااااعده

حطي خوه جوه على الخياط يمكن خياطج شام عليج

 

[q8 knosha]

رد : مساااااااعده

تسلمين كويتيه مذهله
مشكورين بناات
بس انت سمعت ان الدم ياخذ سبوعين ويوقف وانصدمت توني ان طول الاربعين بينزل دم !! :/
والله انا محتاره بالرداده

 

[زينانه]

مبروك البيبي
وبخصوص الدم يبيله وقت بعض الحريم 15 يوم والبعض ينظفون عال25
يعني مو شرط
تقدرين تسبحين الحين بس لاتطولين بالحمام يعني بسرعه بسرعه..ومو كل يوم تسبحين لا حاولي تطولين بين كل سبوح والثاني
وانتبهي لايدشج هوا ترى تتعبين حيل
الرداده حلاتها باليوم العاشر حتى لو ماطاح الخيط لاتخافين ماراح تجي صوبه
وانا جربت صينيه وارتحت معاها. وهم ام نادر عجيبه

 

[q8 knosha]

رد : مساااااااعده

زين بسألج الصينيه بس مساج سوتلج؟؟
ولا تردد بعد؟

 

[q8 knosha]

رد : مساااااااعده

انا مفكره بصينيه
لان مابي شغل تبخرني بماي دياي ومادري شنو هل خرابيط
ولا ابي وحده تدوس بحوضي وتمصع فيني
ابي مساج وترديد بيدها علي بطني