مساااااعده ياخواتي كويتيات

[ضحاوي الحلوه]

السلام عليكم ورحمة الله وبركاته

خواتي الله يجزاكم كل خير يارب ساعدوني وعسى ربي ياكريم ياحي ياقيوم ترزق كل محرومه واللي ت علي وتساعدني

ابي اشتري طلع النخيل يجي نفس البودره ابيض انا سمعت عنه يقولووون زين حق الضعف وحالات الصفر وبجرب مع زوجي واخلطه مع عسل بس ما ادري من وين يشترونه له اسم ثاني بس ما اعرفه
تكفوووووووون خواتي فيدوني
انتظر ردوووودكم؟؟؟؟؟؟

 

[عطر الدوحه]

والله ماادري

الله يرزقج يارب

 

[أحلى عيون]

تلقينه عند المشاتل


او تلقينه مطحون عن الي يبيعون عسل مثل العويد وغيره

 

[كويتيه طموحه]

السلام إختي .. إقري موضوع الاخت ملكه بطيبتي كاتبه عن طلع النخيل او لقاح النخيل بالتفصيل واهي كاتبه ينباع بالعطار او الحواي مطحون .. إقري الموضوع بالتفصيل يمكن يفيدج انشاءالله .

 

[جديده 1]

عند العطار او اللي يبيعون نحل و سمعت انه عسل الرجل عند الفايز او المرشد ممتاز لحاله زوجج الله يوفقج

 

[سعودية بالكويت]

أنا وزوجي آخذناه من المرشد

عسل الرجل وعسل المرأة وعسل التكيس

ويارب ينفعنا فيه للحين ماخلصنا العلبة

والله يشفينا جميعا​

 

[قاهره عذالي]

روحي عسل العويد يبيعونه

 

[وفيت لين مليت]

عسل العويد يبيعه

 

[ضحاوي الحلوه]

الله يجزاكم خير ويااارب يرزقكم بالذريه الصالحه وكل محرووووومه ان شاءاللله
بس اذا ماعليكم امر ماتعرفون اماكن تبيعه غير محلااااات العسل

تكفووووووون خواتي اللي شرته او تعرف وين يبيعونه لاتبخل علي

 

[جديده 1]

اختي محلات العسل احسن و اضمن لانه من ضمن تخصصهم

 

[ضحاوي الحلوه]

الله يجزاكم خير اختي عطر الدوحه /احلى عيون/ جديده١/ وفيت لين مليت/ قاهره عذالي
سعوديه بالكويت

ماقصرتوا والله يرزقكم ياااارب

بس اشرايكم بناااااات ياخذه بروحه مع ماي او ملعقه عسل بس يكون بس عسل بروحه بدون شي ومعاه طلع النخيل

او اشتري الكامل اللي يبيعونه محلات العسل معاه كذا شغله ابي الشي القوي ويفيد

تكفوووون خوووواتي ردووو علي ابي تجربه منو جربت هالعسل وزوجها كان صفر
كان صفر مو ضعف
صفر وفاد معاهم او تحسنت النتيجه حتى لو ١٪

لاتبخلوووون علي بردودكم فديتكم

بسوي اللي علي والباقي على الله مالنا غيره نتوكل عليه
ياحي ياقيووم ترزقني وترزق كل خواتي بمنتدى كويتيات والمسلمات اجمعيييين ياااااارب

 

[أحبك يالبنفسج]

عسل الفايز خلطته حلوه يحطلج طلع النخيل وحبوب اللقاح والحبه السوده وزنجبيل وووغذاء ملكات النحل ويخلطها جدامج يعني ماعنده شي قديم

 

[بحر الذكريات]

الله يرزقكم يارب

انتبهي لاتاخذونه بروووحه

انا بغيت اموت اختنقت طارت البودره بحلقي اخلطيه مع العسل عدل مدل او اخذيه من عسل الفايز وهو يخلطه لج مع العسل

وتلقينه بعد عند العطارين

 

[حنان1983]

عند مال العسل حبيبتي البودره بروحها معجزه الشفاء وهو يخلطهم مع عسل

 

[lavendara]

انا شايفه انه بعد يبيعونه بالجمعيات صوب العسل

 

[عسل حدي]

رب لا تذرني فردا وانت خير الوارثين