مسااعده بخصوص بانكوك وبوكت الخبيرااات تعالووو

[q8 knosha]

السلام عليكم...

بنات انا بعد شهر تقريبا بروح تايلند (بانكوك - بوكت - بانكوك)

وترا اول مره بنسافر لها انا وريلي

ودشيت على مواضيع البنات بس ماحصلت كل شي ابيه

يعني خذيت اسم هل مجمعين كانو مادحينهم
مجمع mbk
platinium
موجودين فبانكوك

وخذيت هل دريم وورلد او مدينة الاحلام

وابي اماكن جذي حلوه

يعني مثل سمعت عن حديقه حيوانات وفيها فراشات او شي جذي

ويعني جذي اماكن ترفيهيه

وياليت اللي تكتبلي اسم شغله تقولي وين مكانها عشان ما اضييع

لان كلش ماعرف ولا اندل شي هناك ومابي تضيع الايام على ولا شي

وبنقعد 12 يوم جذي

نااطرتكم :eh_s(7):​

 

[mweegah]

سيام بارك حديقه مائية تهبل عجييييبه
عندج يم دريم وورلد مجمع اسمع بارك بلازا روحيلهم بنفس اليوم المجمع واااااايد حلو
الويك اند ماركت يونس بس لبسي ململ لا رحتي حر
ببوكيت روحي رحلة الرافتينج تونننننننننس

 

[البسمه العذبه]

بانكوك فيها سفاري حديقه حيوان مفتوحه تدشون لها بباص يتجول وعقب تدشين الحديقه وتشوفون عروض القرده والدلفين وعرض افلام اذكر فيلم أكشن امريكي
وعالعموم بانكوك شوبينق في شوبينق حتي الشوارع بسطات علي طول الطريق واذكر أنا سكنت في ارنوما هوتيل الفندق كان قديم شوي بس حلو موقعه وقريب سوق الباتونام لايطوفج يمكن ٧ ادوار كل دور يبيعون شي مثل دور كل ملابس دور اكسسوارت وترا هم مجمعين جنب بعض بس واحد جديد واحد قديم وكلها حلوه
اما بوكيت مارحت
لايطوفج الفكس والكريمات الي بالفكس وصاير مثل المرطب صغير الخشم تلقينها بالمطار وانتي راده الكويت أخذي
وبعد لايطوفج الفواكه المجففه ‏​‏​‏​​‏​‏​‏​‏​تهبل
وتروحين وتردين بالسلامه

 

[q8 knosha]

تسلمون ياقلبي :* ماقصرتو

 

[um khaled]

خووووش وقت حق تايلند الجو عجييييب

ما عندي فكره عن بوكيت لان ريلي ما يرضى يودينا هناك

لكن بانكوك تكفيني

المجمعات في بانكوك :
سنترال وورلد صاير جنه سنتر بوينت بس كلهع ماركات ويخبل مال خساير واتوقع لو تدشين ما تبين تطلعين من حلاته
ولانه ست ادوار عجيييب
كارفور نفس اللي عندنا بس البضاعه طبعا غير والمخبر فيه عجيب و الاكل والاغراض .. شنو خليت رهيب ..
بيغ سي صاير جنه رامز بس حلو
فاشن ايلاند مجمع عجيييب
سيام باراغون جنه الصالحيه وفيه ocean world الاكواريوم
الديسكفري بعد كله ماركات وفيه متحف مدام توسو لشمع واي رهيب عجيب وفي محل مكياج اسمه هوليوود ستوديو ماك اب انصحج فيه
بوباي .. جمله وشكله بو طقه لكن رهيبب للبجايم وغيره
بلاتينيوم رهيب مجمعين متلاصقين كل مجمع ست ادوار للتسوق وكل دور يختص بشي احلى شيي الاكسسوارات
مجمع ام بي كي ما عجبني وايد غير بووتس وروبنسون (محل كبير نفس جمعيه) واحلى شي فيه فيه محل اسمه هووليوود ستور للملابس اتوقع ريلج راح تعجبه التي شيرتات اللي عندهم .. وبعد محل بولو .. وفيه محلات للجنط توصل اسعارهم لل 60 وال 70 وبعض المحلات يبيعون من تحت لي تحت الدرجه الماستر وتوصل سعرهم لي 200 دينار
ذا موول .. رهيب شويه عليه وايد حبيته

وفي كل شارع تلقين سوبر ماكت سفن اليفين 7-11 حتى هذا ما سلم مني انصحج عندهم سلاش بيبسي رهيب انتي تعبينه من المكينه
سنداي ماركت بس عادي مو ذاك الزود

واغلب المحلات في بانكوك يسكرون بين ال 6 وال 7 ومنهم ينزلون بالشارع افتري بينهم راح تلقين شغلات

و للوناسه
دريم وورلد فيه عالم الثلج و سينما 4 دي
سفاري وورلد
سيام وورلد فيه ال water park
boat market
وفيه شغلات وايد بالفندق سألي عنهم يعطونج كتالوج ويوفرون لكم تذاكر عليهم عروض وخصم

وبس حاااضرين لاي استفسار

تحياتي .. ادمان تايلند

 

[q8 knosha]

تسلمين ياقلبي ماقصرتي