مسابقة شاعرات منتدى كويتيات حياكم الله

[دلوعة ولي حق بنت عز]

السلام عليكم
اشلونكم مسابقة شاعرات كويتيات لتنافس
وابراز الموهبة الشعرة
والفوز بلقب (شاعرة منتدى كويتيات)
حياكم وارجو التفاعل
والفكرو منقوله ​

 

[قلبين وسهم]

:stars:


يعطيـــــــــــــــــــــــــج العافيــــــــــــــــــــه ياقلبي

تمنيت اشارك بس للآسف انا متذوقه لشعر بس ما اكتب شعر يعني اذا تبيني بلجنة التحكيييييييييم ههههههههههههه تراني بالخدمه

واتمنى من الكل يشارك ونكتشف مواهب كويتيات


وبالتوفيق للجميع



:stars:​

 

[بنت الفقيد]

<<<<<< راح أبتدي المسابقه

وأنا قد التحدي


ياعيوني لا تجودي بالبكا
إنسي الكلمات وإنسي اللي حكى


يوم جاني قال أريدك ثم شكى
شفت أنا الأعذار في قلبه تخون


صابر (ن) قلبي وصبري مو قليل
والرفايق تهتني بقلبي العليل


من سبايب شخص ينقاله (خليل)
يوم شفته صابني شر وجنون


يوم شفته كان ودي أكفخه
وأمسك دماغه وثم (ن) أفضخه


وأمسك الشوشه وثم (ن) أرضخه
وأطعنه طعن (ن) مثل ذيك الطعون


وفي الحقيقه يوم شفته ماسليت
لا فرحت ولا حزنت ولا بكيت


قلت وا عـــــــــــــزاه ياليتك دريت
إن قلبي ألحين ساحرته عيون

>>>>>(فديتـــــــــــها)

 

[%سلام الله علينا%]

واااااااااااااااااااااااااااااااو


مسابقه روووووووووعه أحب المسابقات اللي من هذا القبيل <<<<< يعني مثقفه :>


افا عليس قد التحدي وأنا عن نفسي بدون غرور >>>> شاعره ومتمكنه بعد


واللي يبي يختبرني يحاورني بالأبيات والمجارات


احم احم ......................


وأول مره أنشر قصيده لي بذالمنتدى أتمنى يكون لها ردة فعل طيبه


طبعا القصيده لها موقف ولها سالفه


واللبيب بالإشارة يفهم <<<<<<<


أخليكم مع القصيدة :


كانه وجودي لبعض الأشخاص عله
الصمت والحقران أفضل وسيله

وكان القلوب اللي تحسدني مغله
(بنسى) وأجازي غلهم بالفضيله

من جيت للدنيا وسيفي أسله
وربعي تفاخربي بروس الطويله

مكاني العالي محد قد وصله
ماهو غرور أستغفر الله >>نبيله<<

ماقد خطيت بحق خلن وخله
ولانويت أسلك دروب الفشيله

ماأرضى على غيري ونفسي مذله
%ولا أخون بصاحبن أنتمي له%

رح بلغ الحاسد عشاني وقله :
قل : صاحبي يسواك مابه مثيله

وإن قال: هو أخطى. أنا بأعتذر له
وأعرف وش أخطائي بعدهاواجيله

كانه خطاي ((أهديتك القلب كله))
يموت ماينهي &غلانا& ويزيله

و

كانه يبي تغفرله اللي حصله
تقدر تعدل وضعكم أو تميله

و

كانه يبي الفرقا وقلبي يشله
((افراقنا)) ينساه ... ذي مستحيله

بيموت مايمسك علي ربع زله
ريح ضميره ثمن أطلق سبيله

لاعاد (يجرحني) وذي عادتن له
رح بلغه عني ... وأنا من قبيله

قله يجنبني حبيبي ..... وقله :
قل : %صاحبي وأهواه ماأرضى بديله%





وسلااااااااااااااااااامتكم



بقلم الشاعره : %سلام الله علينا%

 

[pure feminine]

:ggdw::ggdw: عاشــــووووووو البنـــاااات :ggdw::ggdw:

صراحه ابدااااع

قصايدكم روعه والتنافس باين قوي

يالله طلعوا مواهبكم يا كويتيات والله انكم قدها :tek:

 

[مطيريه ماركه]

:ggdw: عاااشوا :ggdw:

:ggdw: عاااشوا :ggdw:

بنت الفقيد

% سلام الله علينا %

يااسلام عليكم شعركم فيه اعتداد بالنفش وثقه كبيره

ماشاء الله عليكم بالتوفيق ياارب


دلوعه ولي حق بنت عز

اذا تبين احد من اللجنه :gathering: انا حااضره :dddds:

 

[قطوف الخير]

فكرة رائعه موفقين

 

[فـــــــــــــــــز1عـــه]

ياماااااال العااااااافيه

فكره حلوه بس كنها مكرره

سلام الله عليناااا <<<< قصيدتتس ابدااااااااااااع وربي ابدااااااااااااااااااااع صح لسانتس وعلا شاااااااانتس يابعدي ولاهاااااااانو الباقيااااااااااااات

نتحراااااااااا بووووووحكم العذب

 

[خفايا جرح]

صراحه ................ابدااااااااااااااااااااااااااااااااااااع يا كويتيات ..

سلام الله علينا ..شعرج خيال

 

[صلاتي-حياتي]

خوش اقتراح ومسابقة يالله بنشوف كويتيات الشاعرات
----------------------------------------------------------------------------------


صح لسانج بنت الفقيد خوووووش قصيدة واعتقد انها على المروبع

---------------------------------------------------------------------------------



سلام الله علينا

صح لسانج وحبيت اجاريج فابياتج الجزلة وارجو ان تعجبج مجاراتي

أقول :


صح الله لسانك وذي عادتله
ماينطق ألا كل حسنه وجزيله

ياشاعره لك مني ورده وفله
بنت الهواجر ماتجيب الهزيله----------------------

 

[نواعس]

احلىىىىىىىىىىى ياشااعرات

واناا

ويااااااااااااااااااااكم

بس لي رجعه مع نصي ’’’’’’’’’’’’’

تحياتي

 

[بنت الفقيد]

حبوبه

مطيريه ماركه

قطوف الخير

صلاتي حياتي

نواعس

مشكورين على تفاعلكم معانا

ونبي تصويت حاااااااااااااااااااااااااااار

 

[ضحـاوي]

بنت الفقيد روووووووووعه صح لسانج يالغلاااااااااااااااااااا

 

[بنت الفقيد]

بنت الفقيد روووووووووعه صح لسانج يالغلاااااااااااااااااااا

صح بدنج يا حيـــــــــــــــــــــــــــــــــــاتي

 

[دلوعة ولي حق بنت عز]

تشكرات على التفاعل
والحين عندنا التصويت حق شاعرات كويتيات:
1- بنت الفهيد
2-سلام الله علينا
لتصوبيت كل وحدة تدش تكتب رقم الشاعرة
ومشكرين يا حياتي على القصيد الروعة وموفقين

 

[سابقه جيلها]

يعطيكم العافيه

بكتب قصيده لك واحطها اذا خلصت >>الا يا الثقه
بس من زمان اكتب واشطب بس الحين بفضفض لكم

والله كريم

 

[ضحـاوي]

اصوت حق رقم 1

بنت الفقيد

 

[أميره ماهمها لبس العقود]

أصوت حق رقم (1)

بنت الفقيد

 

[هيااااا]

تسلمين على الموضوع الروعه والمسابقه الاروع
وصح لسانج بنت الفقيد
وصح لسانج سلام الله علينا

واصوت لرقم <2> وبصراحه لو بيدي اصوت للاثنين كلهم حلوين

 

[كيت كات]

صوتي لبنت الفقيد رقم 1
روووووووووووووعه:tek: