مساج التنحيف

[شكنوومه]

بنات شلونكم ان شاء الله بخير

حبيباتي ابي وحده تقولي وعن واقع تجربه احسن مساج تنحيف بأاي عياده او صالون ...
ابي اضعف

قلبي يتقطع كل مااروح مجمع او سوق يعجبني شي ...اشياء تعجبني وضيجه علي ولا ساعات البايع الملقوف يقولي ماكو مقاسج
وقتها ودي ازنطه

 

[شكنوومه]

للرفع

 

[lazaward]

والله انا ماسويت بس انشالله راح اسوي تعديل حق جسمي لان انا مو متينه
بس رفيجتي مسويه بصالون كوين مساج اللي بالشعب وباسبوع اعتقد نازله 3 كيلو
واشتراك عشر جلسات ب 120 دينار

 

[سمسميه]

حبيبتي اخذي لج فره بقسم النادي الصحي وايد بنات متكلمين عن المراكز المتخصصه بالمساج وشوفي الي يناسبج
انا اكثر شي اشوفهم يكلمون عن مركز كوين وفيلا روزي

تم نقل الموضوع بواسطة المشرفه للقسم المختص

 

[بـــطوووطه]

اي والله بنات ابي مساج للتنحيف بس مضمون ثقه

 

[math2020]

منو جربت جوري المطيري للمساج في ناس تمدحة وناس اذمه ما ادري ؟؟؟

 

[om keshaa]

احسن مساج اكوين مساج ١٢٠د من ٣ لي ٨ كيلو بالشعب البحري يم نادي فلكس

 

[حنانيكي]

حبيبتي انا جربت مساج تسويه وحدة هندية بصالون بالجابرية اسمة صالون انوشكا وايد عجيب قصبن عليج تضعفين بس اقولج لازم تصكين حلجج مقابل بنك الدم نفس الشارع لما توقفين عند دجاج نايف تشوفينه العمارة الجانبية له وادعيلي ان الله يوفجني وضعفني وتزوج قولي آميين 10 جلسات بخمسين دينار سعر الجلسة 5 دنانير

 

[حنانيكي]

الحين صارلي 3 جلسات بين علي وايد نزلت تقريبن 3 اصابع او 3 انش تقريبا بس مثل ماقلتلج مع رجيم هذا رقم صالون انوشكا بالجابرية 5313669 وصراحة الي اتسوي مساج هندية بس تينن وايد

 

[هـــــاواي]

انا متردده بسوي عمليه تحويل مسار وخايفه من عواقبها وايد يقولون مو صحيحه عطوني الرد والله يسلمكم

 

[ii DareeN ii]

انا ودي احصل على شغله ان شاء الله وبعرضها بالمنتدى الورقه التعهد الي يوقها المريض قبل عملية التحويل

تحسين جنج تشوفين فلم رعب شي يخرع كل الاحتمالات الخطرة تشوفينها غير البنج ومخاطرة الله لايحطنا تحت بنج ولا مشرط جراح واحنا مو بعازتها صج سوي رجيم احسن لج اختي

 

[فلانه_الفلاني]

انا سويت بصالون ريكفري بالجابريه واهو صالون متخصص بس بالمساج العلاجي .. حق التخسيس عندهم حق الجسم كله .. وعندهم حق البطن بس .. انا سويت مال البطن ووايد حسيت بفرق .. بس خل اقولج انا مو متينه وايد بس كان عندي بطن والحين تقريبا راح الحمدالله​

 

[كويتيه_غاويه]

فلانه الفلاني

كم اسعارهم؟

 

[اقووول حدج شي]

انا اختي وبنات عمتي مسوين طبع اول شي الجسم بقع بس بعدين شد ولازم مع المساج تخففين الاكل علشان النتيجه تكون مضمونه