رد : مساعدة ابى اروح لندن
متا بتروحين ام عبد المحسن؟
بالنسبه للشقق للاسف ماقدر افيدج لان ولا مره قعدت بشقه
احس غلقه
بس اذا تبين فنجق رخيص وكويس وموقعه ممتاز وسعره حيل مناسب
انصحج بثيستل ماربل ارتش
اهو مو كشخه
بس سعره زين
وغرفه تعتبر معقوله الي عاديه يعني مو مستوا كراون بلازا سكه ولا سلفردجز لوعه ماككو مكان تفترين
ولاهو قديم مثل تشرشل
ولا حلو مستوا بورتمان ساس
يعني معقول
ومكانه عز اكسوفرد
اتعرفين ماربل ارتش ستيشن؟؟ ابد اهو هناك
اتعرفين وين نكست اللي باكسفورد ستيرت اهو القلبه مالته
يعني تطلعين من الباب تكسرين يمين تمشين سيدا نفه الويهه الثاني للمبني اهو نكست مال ماربل ارتش الحلو فيه انه عنده باس ستيشن واندر غراوند ستيشن
بالنسبه للتسوق
لندن كلها غاليه بالمشتري وكل شي موجود بالكويت
تبين سوقهه رخيصه عندج سوق الاحد والسبت
واحد تنزلين بمحطه ليفربول ستيشن (مالت الاندر غراوند) ولحقي الزحمه امشي تلقين عمرج بسوق السبت
وسوق الاحد نسيت شنو اسم محطته بالاندر غراند
جنه جنه نوتغ هيل او اللي عقب نوتنغ هيل
نزلي ولحقي الزحمه تلقين الناس كلها متوجهه هناك
وعندج بوند ستريت فيه ماركات
واكسفورد وخرشته ولويته
كل شي موجود عندنا الاغاب
واستغلي السيل مالهم
وكل ممابعدتي عن اكسفورد رخص السعر
روحي ريجنتس تمشي وتسوقي من هالمحلات
هيمليز مال الالعاب سبع طوابق كل طابق متخصص بشي
عجييييييييييييييييب ايهبل اشيائه غريبه انا تطير عيوني منه
وفيه يمه جيمبوري لليهال
وقباله بربري وشويه ماركات
وبعدين تقعدين ببكادلي و بظهر بيكادلي عندج تشاينا تاون
تمشي وونااااااسه تاجرين عربانه اللي يسحبها واحد وتفتر فيج
وتشوفين البط معلق فقاره بس شنو نصابين غاليين
وعندج عكس تشانيا تاون سوهو
وناااااااااااااااااااااااااسه وتسوق راقي وقعدات اللي هيا
بعد شنو تبين؟
