مساعدة الشيخ سالم العلى الله يجزاه الجنه

[طال السكوت]

السلام عليكم

بنات نبي يكون هنيه مرجع لنا ........وبصيص امل لكل شخص عليه ديون ومقدم على بيت التمويل


يعنى اللى وصلها شي من بيت الزكاة لهاااااا او لاحد من اهلها او رفيجاتها بالدوام .......تبلغنااااااااا

عشان نحس ان فعلااااا طاحت همومنا او هموم غيرناااااا

ونحس انه اول الغيث

لان حاليا نسسسسسال ولا جواب وقاعدين ننتظر الفرج من بيت الزكاة

عسى الله يفرجها على صاحب الفكره ويوسع رزقه

 

[om hasoooooooooon]

سلام عليكم اختي
آنا سمعت من اختي ان رفيجتها نزلها بحسابها الاسبوع الي فات 400 دينار من بيت الزكاة
وان البنك قايل يوم الاحد في دفعه يديده بتنزل
والله اعلم

 

[طال السكوت]

الله يجزاج خير على صراحتج وسرعة ردج ......وان شاء الله يرزقنا جميع

ويفك ديونناااا

والبنات الباجى الضاهر كلهم بنات هوامير ؟؟؟؟؟؟؟ وما عندهم ديون مثلناااا

الله كريم

 

[صوت السهارى]

والله احنا الحمدالله يانا الدور

والفال ان شاء الله حق الباجي المقدمين والله يفرج عالكل ان شاء الله

 

[طال السكوت]

الله يسمع منج يا عمري

ويقضي ديننا ودينكم يالغاليه...تسلمين

 

[جنتي^و^ناري]

وحده تقول نزلها 1000 وهي عليها فوق ال 30000

بس عليها بالعافيه ونعم الله على اللي عطى

وتقول فيها بعد السالفه واسطات عشان الظاهر يعطون والله يعلم والفال للمحتاج

 

[سمو]

اي انا اعرف ناس وايد نزلهم بحدود ال 400

 

[طال السكوت]

الله يبشرررركم

وعسى فالنا فالهم

 

[الحب الخالد]

ما سمعنا شي ولا شفنا شي

 

[طال السكوت]

اليوم الاحد؟؟


وهذا احنا ننتظر

 

[المـ انـ يـه]

أنا بعد اعرف ناس نزلهم 1000
بس شكلهم ماشين على الحروف
ترتيبهم يعني

 

[غوالي الكويت]

أختي نزل لريلها 1000

 

[دلوعة حمني]

زوجي نزله 400 نزل يوم 12 5 و مادرينا الا ب 23 لا و البنك قاص منه 300 دينار قيمة قسط القرض! شفتوا الحرامية!

 

[!! شوق !!]

بنااااااااااات فيه رقم حطيته لكم بموضوع دقو عليه واسالوووو اكثر عن الظرف يقولكم اذا باللجنه او للحين ماوصله الدور

الرقم 4897229 دقوا العصر

 

[سمو]

اخر شي سمعته ان مو معترفين بالظروف ولازم التسجيل من يديد بالموقع


ولد عمتي راح لهم جان يقولون ما نزلوا اي شي للحين ؟!

واعتقد كلامهم صح لان الشيخ سالم العلي ما عطاهم المبلغ كله مره وحده لا ... وااخر مده للتسجيل كانت 25 \5 .. يعني اتوقع ما مداهم شافوا الحالات ... والله اعلم

 

[طال السكوت]

بالانتظااااااااااااااااااااااااار

صبرا جميلا والله المستعان

 

[atooma]

حتى هاليوم اخوي عنده امل ينزله دينار من بيت الزكاة

 

[العنا]

بنات ما عندكم اخبار عن المنحه

 

[طال السكوت]

لاوالله مافي اخبار

على امل ......والله كريم ان شاء الله

 

[احلا السمر]

بنات عندي لكم بشااارة

وبشارتي دعوة " ان ربي يرزقني كل اللي في بالي""

هم باديين يوزعون من فترة:eh_s(9):

كل فترة قيمة.. قبل اسبوعين او اكثر كانوا يوزعون 5 الاف
وهالاسببوع بلشوا ب 7
وهكذا.. لين... يوفون اللي علا الناس

وربي يفك ضيقته.. ويشافيه ويعافيه
واللي فرج عن الناس ضيقتهم​

روحوا سالوا... شنو صار عليكم

​