مساعدة بامريكا

[AsmaaQ8]

السلام عليكم
بنات ابي مساعدتكم و استحي اسال احد اعرفه
بنات انا بروح امريكا انشاءالله و اول مرة اسافر دولة مو مسلمة
شلون تصلون هناك؟ خاصة انا مو متحجبة يعني صلاة الفجر و العشا نصلي بالفندق بس باجي الصلوات شلون اصليهم؟ مابي افشل نفسي

 

[om l3yal]

لا يا عمري مع اني متحجبة بس اقولج الحل حطي سجادتج وثوب الصلاة معاج بالجنطة وخليهم بالسيارة ووقت الصلاة طلعيهم وصلي وخلي عندج ثقة لانج مو قاعدة تسوين شي غلط يا عمري وترا محد لا شغل فيج
احنا كنا نفرش ونصلي باي مكان ولا لنا شغل باي مخلوق
وموفقة يالغالية

 

[أميره الغلا]

اي والله اخذي لبس الصلاه وياج
اهم شي الصلاه فديتج

 

[أميره الغلا]

اي والله اخذي لبس الصلاه وياج
اهم شي الصلاه فديتج

 

[AsmaaQ8]

مشكورين بنات بس انا كان قصدي مابي افشل نفسي مع اللي رايحين وياي اني اول مرة اسافر ,مو من الاجانب,الحمدلله مفتخرة اب ديني
انزين و اذا ماعندي سيارة خاصة فيني؟ لان اهيا رحلة عمل. صعبة احط السجادة و ثوب الصلاة اب جنطتي.مايدشون

 

[لولوة الكويتية]

أممم

 

[طوق الياسمين]

شوفي انا كنت اجمع الظهر مع العصر تقديم والمغرب مع العشا جمع تاخير
والفجر في الفندق..وحتى الصلوات الجمع كنت اصلي في الفندق بس في المطار صادف ان كان وقت الصلاه وانا عندي سجاده الجيب اللي تنحط بالشنطه دوري عليها مادري وين بتلقينها بالكويت بس هي موجوده بوايد اماكن سالي وبتحصلينهاحطيها عندج وصلي في اي مكان...انا صليت بصاله الانتظار ويوم شافوني اصلي محد جه المكان لين خلصت صلاتي مع ان كنت بنيويورك..وحاولي تصلين الظهر والعصر في الفندق وعقب تطلعين

 

[الجوري74]

اولا اهنيج علي حرصج علي الصلاة
ثانيا بما انها سفرة عمل خلي ثوبج وسيادتج بمكان العمل عشان مو كل يوم تروحين وتردين فيهم
او انج تصلين الظهر والعصر جمع تأخير يعني لي ٥-٦ اذا رديتي الفندق بس اهم شي قبل دخول وقت صلاة المغرب يعتمد علي حسب المنطقه اللي انتي رايحتلها
والمغرب والعشي عادي اذا رديتي الفندق بالليل تصلينهم جمع تاخير

وبالنسبة لسجادة الجيب تحصلينها بجمعية الفيحا فوق عند ام محمد *