مساعدة بليز عوار اسفل الظهر (العزيزو) بعد الانجاب

[Lady-_-fushia]

السلام عليكم ورحمة الله و بركاته

موضوعي مبين واضح من العنوان
انا اعاني من الم في منطقه العزيزو خاصه اذا كنت قاعده
وييت بقوم ما اقدر اقوم من العوار و اضطر اني احاول اكثر من مره اني اقوم من الالم
وارد اقعد
صارلي 8 شهور بعد الولاده وكانت قيصريه
فاللي بعرفه شنو سبب هالعوار ووين اقدر اروح اشوفله علاج
دكتور شنو؟؟

وشكرا :eh_s(7):

ملاحظه: رجاءا المشكله جديه و اتمنى الردود تكون جديه واللي ماله علم بالمشكله لا يكتب رد سخيف لان ماراح ينرد عليه مني :eh_s(4):

 

[جـــواهر]

يمكن من ابرة الظهر ؟
اخذتي ابرة ظهر ؟


اذا مو من ابرة الظهر سوي مساج
او ترديد

 

[Lady-_-fushia]

جواهر

اخذت ابرة ظهر وانا قيصريه لان يبت توم
ووزني ضعيف بعد فثقل الحمال انا توقعت ان اللي سوا جذي
لان اللي اعرفه ابرة الظهر مالها شغل بهالشي

 

[Lady-_-fushia]

وفي شغلة انا مرة وانا حامل عال 7 يمكن او السادس ماذكر
بس طحت على مقعدتي عالارض وكانت قوية الطيحة ..
مادري شنو السبب بس ابي اعرف اراجع ويين عند دكتور شنو؟
نسا ولا عظام ولا شنو بالضبط

 

[جـــواهر]

شوفي حبي ترا انا بعد ولاداتي تصادفني نفس المشكله بس انا كانت تستمر معاي ٦ شهور وتروح
كنت لمن انام ع ظهري ماااقوم الا لمن احد يقومني واااااااه لو انام ع الارض شوفي شيصير فيني
في ناس تقول من ابرة الظهر وناس تقول من تعب الولاده وانا مااخذ ابرة الظهر وانتي دامج توم
وكنتي ضعيفه معناته تعب ولاده روحي دكتورج وكلميه ولا بعد جم مساج للظهر صدقيني ترتاحين
وريحي نفسج الظاهر التوم متعبينج

 

[Lady-_-fushia]

جواهر

اي والله حبيبتي شسوي بعد اسم الله عليهم
بس انا بعد جذي 3 شهور حسيت بالالم و اهوا ساعات احس فيه و ساعات لا بس يعور وايد
واهما بجري التوم
بس يعني اروح طبيبه نساء تقصدين ؟

 

[جـــواهر]

اي قوليلها المشكله واكيد راح تحولج لمختص

 

[حرم_الغلا]

نفسي

واخذت اشاعه وطلع التهااب وبروووده



اخذي اشاعه وشوفي شنوو منه اخاااف رضه قويه بعد الطيحه


وماتشوفين شر

 

[أبكاني ذنبي]

اخذي اشعه عالظهر وشوفي

وعسى ربي يشاافيج

 

[KOKO_284I]

شوفي حبوبه أنا حاسه فيج لان صار فيني نفسح واستمر معاي لي سنه

وخل أقولج الأسباب أنا ولدت طبيعي ومن كثر شد الدكاترة عالرحم تحرك العزيزو من مكانه والثقل والقعده هم سبب من اسباب الألم

الحل : أنا رحت استشاريين ودفعت فلوس وما فادوني الا دكتور جورج دباغ ساعدني بشغلتين

اول شي لازم أترو حين الصيد ليه وأشتري المخده المدورة المفتوحة من النص ودائما قعدي عليها عشان يخف الضغط علي العزيزو

تمارين رياضيه الصبح وبليل وانتي بالفراش شتسوين

نامي علي ظهرج. ورفعي ريل ونزلي ريل خمس مرات كل ريل ومع الوقت زيدي المرات عشان لا تتعبين

الثاني : هم وانتي علي ظهرج خلي ريولج الثنتين يم بعض وبوضع مستقيم رفعيهم ونزليهم مع بعض خمس مرات بس لين تتعودين راح اتحسين بصعوبة والم بس هذا كله يساعد


لان بعد الولادة عضلات البطن والظهر ترتخي فيصير الضغط كله اسفل الظهر علي العزيز و

ولمه نسوي هالتمارين دائماً راح يشد العضلات فيخف الضغط ويخف الألم

وضروري المخده حيل أتخفف الألم

وأي استفسار أنا حاضره بالخاص او مني او حتي واتساب علي رقمي ربي يشافيج