مساعدة لتركيااااااااااااااا

[الراجية رضى الله]

بروح تركيا ساعدووووووووووووني يا خبيرات تركيا

السلام عليكم حبيباتي بروح اسطنبول ابي مساعدتكم لاني بروح تركيا ان شاء الله من 1-8-2008 الى 7-8-2008 راح يكون الصبح عندي كورس واخلص على 2 وين اروح شسوي وشنو الاسواق اللي اروحها وأماكن راقية بعد والمطاعم والمتاحف ابي استانس مع زوجي فيها فساعدوني غفية وصج شلون على اللبس وخاصة اني البس عباة ابي مساعدتكم ياخبيرات تركيا مابي اضيع هناك واضيع وقتي وخواتي موجودين في موقع كويتيات يساعدونيييييييييييييييييييييييييي بسكن انشاءالله في فندق رمادا بلازا شرايكم فيه زين؟ وشلون اسعارها ابي كل شيء عفية مابي اكون غشيمة وشلون على الجو بهالفترة؟

 

[حرير*]

حبيبتي الراجيه انا كاتبه اللي اعرفه عن تركيا وما اذكر اكثر من جذي هاذي المجمعات وايد حلوه وبالنسبه للجوبالنهار حارة وبالليل اخذي جاكيت خفييييييف لاني اخر مرة رحت لها من قبل سنتين ..والفندق اللي كاتبته ما اعرفه والاسعار يقولون هالسنه صارت غاليه....وروحي بالمترو عند ماكدونالد يم شارع استقلال اسرع وارخص من التكسي
شارع عثمان بيك شوق على اللي انا كاتبته بصفحة معلومات عن اسطنبول..
انشالله اكون فدتج ياحلوه​

 

[الراجية رضى الله]

مشكورة يا حرير كلك خير وبركة على المعلومات الطيبة وه الله محد عبرني الا انتي

 

[حرير*]

حاضرين للحلوييييييييييييين​

 

[أبلة كويتية]

أولا بالنسبة للعباية عادي آنا رحت بنقابي بعضهم كانو يستغربون من النقاب بس العباية عادي
بالنسبة للجو حلو وااايد
المسواق بوجهة نظري ما يسوى لأن التركي بالكويت متروس وأرخص لان سوقهم غاالي
ومو ذاك الزود
بس آنا أقولج ملابسهم الداخلية روعة مالت مكدة وبعد الفوط رووعة وجودة

في إسطنبول العيشة شوي غالية
المطاعم منتشرة بكل مكان سواء المطاعم التركية
او مطاعم الوجبات السريعة
أحسن الاماكن بإسطنبول
منطقة المتاحف إسمها السلطان أحمد وهي
منطقة فيها المساجد القديمة وحلوة

وأنصحكم بسوق تقسيم حلو وااايد
السوق عبارة عن شارع طويل فيه كل ما تتمنينه
وفي بآخر الشارع على إيدج اليسار سرداب
السرداب هذا فيه كله إستوكات للماركات لا يطوووفكم
في ناس يسكنون بتقسيم بس آنا ما أنصحكم
تكثر فيها الحرامية مو امينة للعوايل

بعد لا تنسون تروحون جزيرة الأميرات رووووعة
إسمها بيوك أظا
بس ديروا بالكم لاتروحون لها سبت وأحد لأنه عطلتهم
يصير زحمة وروحو له بالعبارة البطيئة أرخص
بس العبارة السريعة أريح وأغلى بوايد

عندكم بعد جبل العرايس أو يسمونه جبل التلفزيون
وفيه كل عروس تتزوج عندهم لازم تيي للجبل
ببدلة العرس
عاد تخيلوا المنظر
لا يطوفكم سوق بكر كوي
وعثمان بيك

عندكم بعد المجمعات الغالية شوي
مجمع كانيون
مجمع جواهر
مجمع كابتال
نسيت في مجمعات وااايد
ممكن تشوفونها بمواقع السياحة في النت
وعندهم مدينة ألعاب إسمه تعطيليا غالية وما تسوى تتعنون لها

7
7
بالنسبة لبورصة
عندكم جبل اولداغ وااايد حلو
فيه تلفريك وشوي وبارد ديرو بالكم أخذوا شال معاكم
وفيه عندهم سوق كابلي جارجا حلو
وفيه مجمع على إهرامات بس نسيت إسمه
وعندهم الشلالات تاخذين سيارة من المكاتب ويودونج
ومدينة العاب لونا بارك
7

7
وفي منطقة تبعد عن بورصة تقريبا ساعة ونصف
إسمها تيرمال
فيها حمامات بخار عجيبة
وهذي المدينة كأنج قاعدة بالخليج
يأجرون الخليجيين فيها شقق ويقعدون
شهر وشهرين في مدينة لازقة فيها إسمها يوك جدرا وإذا ما عرفوها قولو لهم تيرمال
وفيها الأتراك يتكلمون عربي
والشقق فيه رخيصة
لا تطوفكم لازم ترحون لها

7
7

اتمنى أفدتكم
ولا تنسون بالدعاء
دعوة المسافر مستجابة
الله يخليكم أدعوا
بالشفاء العاجل لأبوي​

 

[الراجية رضى الله]

جزاك الله خير يا أبله كويتية ما قصرتي ... أفا وينكم محد رايج تركيا الا ابلة كويتية وحرير صج ماصروا بس وين الباجي أفا ماعليكم أمر مابقى شيء وظاسافر