مساعدة

[آحبه حب هآلكني]

السلام عليكم شلونكم شخباركم



بنات حبيت اسئلك في دورات تعليم الفوتشوب الحين وين اي صوب وجم سعرهم وجم بالاسبوع وكل يوم ولا شنو بظبط ارجو الافاده

 

[uniqueah]

رد : مساعدة

وعليكم السلام حبوبه مادري والله

بس في دروس بالمنتدى تساعدج ابدي خطوه خطوه وبتعرفيييين اول شي راح تواجهين صعوبه يبيلج اكثر من شهرين عشان تصيرين احترافيه بالفوتوشوب واكثر بعد من شهرين ...} لازم تعرفين الادوات شنو وضيفتهاا وغيره

بس المنتديات الثانيه توفر لج الدورس + تحصلينهم باليوتيوب واذا عندج اي استفسار بخصوص الفوتوشوب ان شاء الله ما نقصر معاج

 

[آحبه حب هآلكني]

رد : مساعدة

تسلمين حياتي بس حبيت اسئل بخصوص النص المتحرك انا اعرف بس ابي اسويها بأشكال مختلفه شلون

 

[يـــا بعدهـــم]

وَ عليكم السسلآم

مآ أزيد على كلآم يونيكيآ ..

،

بالنسسبة لتحريك الكلآم ششوفي هالقسم فيه كل دروس تحريك الكلآم

http://www.q8yat.com/forumdisplay.php?f=210

وَ أي سؤآل حـآضرين

موفقه

 

[آحبه حب هآلكني]

رد : مساعدة

تسلمين ياقلبي بغيت هالدروس ماعليج امر بس ابي شرح كامل لاني انا توني ماعرف للفوتشوب عدل




شلون نحط الكلامات بهالطريقه والمربعات الي على الصوره


ثاني واحد



ابي شلون اقدر ارتبه بهالشكل





الايطار والشكل والاحرف عجيب صراحه ابي اعرف شلون الطريقه



وفي شغله ثانيه حابه استفسر عنها قريتها بس مافهمتها لما نحمل الفرش والاشكال شلون الطريقه وحق شنو


ادري ثقلت عليكم بس ميخالف تحملوني .. وجزاكم اللـــه الف خير

 

[حـوريـه]

غلاتي

بالنسبه للتحريك ، تلقينه بالرابط اللي عطتج [يابعدهم]

اما الاستفسار الثاني

مثلا عندج جملة من شعر :


اضحكي ماعليك من الحكي ، انتي اجمل من وطى فوق الثرى


اضغطي على أداة t مالة الكتابه

واكتبي كلمة أضحكي ... وكبري الخط .. و حطيلها لون و ظل و اللي تبين

بعدين استخدمي الاداة t بمكان مناسب ثاني وغيري الخط واكتبي الجملة "ماعليك من الحكي انتي اجمل من وطى فوق الثرى "
حطيلها لون ثاني و ظل و تأثيرات على كيفج وكبري الخط

وبس حاولي تتلاعبين بالاحجام والالوان و نوعي بالخطوط

 

[حـوريـه]

وعشان تضيفين تأثيرات للنص

من قائمة [طبقة] > [ نمط الطبقة]

واذا الفوتوشوب انقلش من قائمة layer اختاري layer style

للتوضيح :

لاي استفسار
لاتتردين فديتج