مساعدتكم خواتي

[** Noura **]

السلام عليكم ورحمة الله وبركاته

بنات شلونكم شخباركم ؟؟

في موضوع صاير وادعي من كل قلبي انه يصير حق هالانسانه اللي صج احبها من كل قلبي والله يوفقها يارب

صديقتي اخطبوها ناس وشافوها يوم السبت واهلها اسألو عنه طلع خوش ريال والكل يمدح فيه ماشاءالله

الله يهداها صديقتي وايد تحاتي تقوم امي بترد عليهم ان شاءالله باجر تقول اخاف مايبوني !

بنات انا قلتلها صدقيني لو مايبونج جان اتصلو اليوم الثاني قالو مافي نصيب وهذا المعروف عندنا

تقول امي قالت لهم متى تردون علينا بالغلط لان امي مرتبكه قلتلها عادي امج ماتقصد شي واطلعت منها بحسن نيه

صح كلامي ولالا ؟

واتمنى انكم تدعون لها والله يجمع بينهم يارب ويوفقهم ويتمم عليهم ان شاءالله

والله يرزقني ويرزق كل بنت بالزوج الصالح يارب :eh_s(7):
​

 

[Tom ♥ Jerry]

,


آلله يكتب لها الي فيه الخير يً رب

 

[سمر20]

الله يجمع بينهم يارب ويوفقهم ويتمم عليهم ان شاءالله

والله يرزقك ويرزق كل بنت بالزوج الصالح يارب

 

[هناء - Hana]

الله ان شاءالله بيكتب لها الخييير وخلها تتفائل (تفائلوا بالخير تجدوه)ليششش شفيها خايفة ليش قوليلها شناقصصج يرفضضج..وموفقة؛*

 

[لآلئ وردية]

الله يكتـب لها الخيـر يا رب

و يزوجج و انا و كل بنات آدم و حـوا يا رب​

 

[latkt7as]

خليها تصلي استخاره اكثر من مره


وصدقيني الله بيكتب لها الخير وين ماكان

تقبلي مروري

 

[milke SHiKe]

الله يكتـب لها الخيـر يا رب
قواج ربي

 

[** Noura **]

تسلمووون بنااات اللهم آميييين يارب ويوفقكم ويرزقكم بالزوج الصالح

 

[** Noura **]

اتصدقون بنااات ام صديقتي اتصلت على ام الولد على اساس تقولها انه البنت موافقه تخيلو تتصل ماترد اتصلت مرتين !!!

هذي مو اول سالفه اسمعها وايد ناس يتشكون من هالشغله ترى قلة ادب ماتبون البنت اتصلو اليوم الثاني اعتذرو ليش جذي

يعني لو بناتهم مايرضون بهالشغله اللي ماترضونه على بناتكم لاترضونه على بنات الناس والله هالناس صارو مايستحون والله

انا اكلمكم وحدي منقهره انا من قبل صار لي موقف سخيف وسبب هالموضوع ,,, اصلا من الذوق تتصلون وتعتذرون والله مافي

نصيب مو جذي تسكتون وام البنت علبالها انه موافقين بس ناطرين موافقتهم وتتصل وام الولد ماترد مرتين اتصلت صج شي يقهر ما

ننكر انه كل شي قسمة ونصيب وخيره حق الاثنين بس الاعتراض على طريقتهم

 

[ŦSЩД3УФИУ]

^^

وليش يخطبون من البداية اذا ما يبوون .!



​

 

[قمر بيت أبوها]

الله يوفقها

 

[** Noura **]

ŦSЩД3УФИУ

والله علمي علمج هالاوادم صارو شي فظيع والله تتعجبين من اللي يسووونه ربي لك الحمد



قمر بيت أبوها

اللهم آمييين حبيبتي ويوفقج يارب

 

[Patcholli]

اولشي الله يرزق ارفيجتج بالزوج الصالح ولا تستعيل على نصيبها كله مكتوب وربج مايسنى عباده كل واحد نصيبه ورزقه مقسومله وبياخذه ..

ثاني شي ام ارفيجتج الله يهداها غلطت بموقفين اولشي يوم سالتهم متى بتردون علينا .. اهني بينت انها ملهوفه حيل ومستعيله وهالشي بيعطي انطباع مو حلو عنها حق الطرف الثاني المفروض تكون ثقيله وتقول الله يكتب اللي فيه الخير مو تستعيل وتقول متى بتردون .. وانتي قلتي انها بدون قصد نقول انها كانت مرتبكه مثلا .. بس تصرفها الثاني يوم دقت يدل انها فعلا مستعيله ..

ثالث شي المفروض لما تدق او مره ومايردون عليها ماترد تدق ثاني مره ..
يمكن اهما طبيعتهم جذي اذا مافي نصيب ينحرجون يدقون ويقولون مانبي .. وايد ناس جذي ترى صج انه غلط بس الغلط الاكبر ان ام البنت تدق .. جذي بتحسسهم انها تبي الفكه من بنتها وانها ميته عليهم ..
وغلط تدق تقولهم بنتي موافقه واهم اساسا ماطلبو رايها ليلحين ولا قالولها انهم موافقين ..!! جذي بتنحرج اكثر .. المفروض تنطر ردهم بعدين تقولهم احنا موافقين يعني تخيلي اتقولهم بنتي موافقه واهم يقولون ماكو نصيب او ولدنا مايبي .. مو احراج ؟؟

انا هاذي وجهة نظري للموضوع وحطيت روحي بالموقف وكتبت ردي بناء على هالشي

اختي اتمنى تستقبلين مشاركتي بصدر رحب وانا مادري شنو عاداتكم يمكن تختلف عنا بس احنا عندنا عيب الام تدق على ام الولد .. من جذي كنت ناقده على ام ارفيجتج اكثر من اهل الولد ..

 

[** Noura **]

Patcholli

اللهم آميييين يارب وصح كل شي قسمه ونصيب وخيره لها والله يوفقج حبيبتي ويرزقج بالزوج الصالح ويعطيج على قد نيتج

اول شي احب اشكرج على مشاركتج وعلى كلامج الراقي ،، احنا احنا ام البنت اهيا تتصل في ام الولد مو العكس علشان جذي وام

صديقتي اول مره احد يخطب بنتها ايييون لين البيت كل مره بالتليفون وترفض صديقتي علشان جذي مرتبكه وماكان قصدها تقول

مادري شلون اطلعت مني المفروض اقول ان شاءالله خير ونعطيكم خبر بصراحه انا ما الومها يمكن عشان اول مره ومرتبكه تخيلي

صديقتي اول مادرت انه امها اتصلت على ام الولد وماردت ضاق خلقها شوي بس تقولي حسيت براحه نورة شي فظيع وحسيت

بوناسه وبراحه اكثر من اللي حسيته بالاستخاره قلتلها الحمدالله خيره

 

[BaiTotia]

مع باتشولي

المفروض كلش ماتتصل لا مرة ولا مرتين

أهم يدقون ومادقوا يعني مايبون وكل شي خيره من الله

 

[مـلـآذ الخـوآطر]

الله يرزقها اللي أحسن منها
والمفروض ام الولد تتصل

 

[** Noura **]

مـلـآذ الخـوآطر

اللهم آميييين ويرزقج حبيبتي ويعطيج على قد نيتج

بس احنا عندنا ام البنت اترد مو الولد