مساعدتكم كويتيات ؟؟ {الفاونديشن الي مايبهت ولا يتكتل}

[أوريانتيا]

مرحباا
شلونكم كويتيات
بصراحة بدون مجاملات الكويتيات ملكات في المكياج وانا لمن اجوف لوكاتكم احلى وارقى من وايد صالونات عندنا ماشاءالله ،،
وألاحظ على الكويتيات لمن ينزلون عندنا البحرين مكياجهم مميز مميز صج انه احيانا يكون اوفر بس حتى الاوفرر بترتيب وذرابه ويكون ثابت ولا يبين باهت خصوصا الفاونديشن وايد حلوو في ويوهم
ماعرف شالسر ؟؟ مشكلتي انا مع الفاونديشن دايما يبهت ومادري شلون وكل فتره وفتره اجرب ماركة ولا ماركة تعجبني واثبت عليها جربت ديور جربت ماكس فاكتر جربت بوبي براون جربت بودي شوب وايد غيرهم مادري شلون مايعطوني النتيجه المرضيه والي احب اجوفها

أتمنى تنصحوني بالفاونديشن الي مايبهت ولا يتكتل ويطلع البشرة مخمليه وناعمه وطبيعيه

ومشكورين مقدما

 

[نبض القلوب]

رد : مساعدتكم كويتيات ؟؟

حبيبتي والله عيونج الحلوه فديتج

وما يشوف الزين إلا الزين


انتي شنو نوع بشرتج ؟؟


وشنو تستخدمين حالياً عشان أفيدج أكثر

 

[mischocolat]

نفس أسئلة الأخت نبض القلوب ؟؟؟يمكن انت تستخدمين فاونديشن ما يناسب بشرتج عشان جيه يظهر متكتل أو ما يثبت
مب بس ماركه والسلام ...ترا حتى الفاونديشن من نفس الماركه أنواع لان البشرات أنواع

 

[احبك بس منت ملكي]

حتى انا ابي اغير الفونديشن
بس ابي حق الصباح ماابي اوفر
انا استخدم مك اب فوريفر
بس احس بالاونه الاخيره انه اخترب

 

[قطووه حلووه]

رد : مساعدتكم كويتيات ؟؟ {الفاونديشن الي مايبهت ولا يتكتل}

مااكس فاكتوور


وبسسس حلوو ونااعم وماا يتكتل وتقدرين تتحكمين بخفته

 

[bibi]

حبيبتي كلج ذوق .
شوفي صج نوعية كريم الأساس مهمة بس الخطوات اللي قبله أهم وأغلب الكويتيات الحين لو تلاحظين مشاركاتهم بقسم المكياج صاروا يهتمون بالخطوات الأساسية من برايمر وفكس ومرطب والفرش لها دور كبير بعد . وصدقيني اذا اتبعتي الأساسيات بتشوفين نتيجة حلوة حتى مع الكريمات اللي استعملتيها وما عجبتج .
وطريقتي بالتفصيل :
1- أرش فكس بلس من ماك ( مثبت غني بالمعادن )
2- بعد ما ينشف أحط الكريم المرطب من ماك وبكمية كبيرة وأسوي مساج ( ملاحظة بشرتي دهنية بس مرطباتهم أساسها مائي ) وعلى فكرة عدم رطوبة البشرة وعطشها سبب تكتل وتشقق كريم الأساس .
3- أحط البرايمر من ماك وبعدها المصحح من ماك ( بيور أورانج ) على البقع والهالات والتقاسيم .
4- أحط الفاونديشن أوزعه بفرشاة ماك 190 وبعد التوزيع سوي دمج بفرشاة الدمج 189والفراشي لها دور كبير بتثبيت المكياج .
5- بعدها الكومباكت باودر بفرشاة ميك اب فور ايفر الكابوكي ، وأحط البلش والخطوة الأخيرة رشة خفيفة بالفكس من مسافة بعيدة .



لا تستصعبين الخطوات واذا تعودتي مع الوقت راح تصير من ضمن روتينج وماتاخذ منج وقت والنتيجة شي ما تتخيلينه وبتشوفين تأثيرها مع أغلب أنواع الكريمات ، حتى الكريمات اللي كنت راكنتهم وماعجبوني رجعت استعملهم .

 

[WAAAW]

فاونديشن كريولان العصار عجيييييييب واحط بعده الفكس من نفس الماركه ثابت وما يتكتل

 

[MoonDiamond]

يا قلبي العيون الحلو
انا ابقولج شي غييييييييير عن اللي قالوه البنات
لاني مريت بهالمرحله
خصوصا الماركات اللي تقولينها حلوه حييييييييل
يا قلبي اهتمي في بشرتج وغذيها وسوي جلسات تنظيف بشره وماسكات واذا امكاناتج تسمح سوي ليزر لانه يحسن البشره وااااااااااايد مو شويه

واذا كانت البشره حلوه ونضره ورطبه بتريحج باستقبال كريم الاساس اللي لازم يكون افتح من لون بشرتج بدرجه واذا فيها تصبغات اخذي اغمج من لون بشرتج بدرجه او درجتين بالكثير وحتى لو ما اخفاها ميه بالميه طنشي وواثق الخطى يمشي ملكا احنا جذي الكويتيات حتى لو فيه مكياجنا شي خواره بس بسيط ترى محد راح ينتبه له غيرج فا نطنش ونتوكل هههههه والله انا اطلع من البيت مكياج عين غير عين العين الثانيه بشي بسيط انا ملاحظته بس لما اسال اختي والا رفيجتي تقولي بالعكس شحلات مكياجج اليوم هههه ( واي قرقت وايد)

الزبده اهتمي بالقاعده وهي البشره دليليها ودلعيها وشكرن

 

[إبشر بعزك]

اول شي قبل الفاونديشن حطي مرطب وخليه ينشف بعدين حطي الفاونديشن انا الحين استخدم فاونديشن ميبيلين ليكود خفيف وحلو حق الدوام واستخدم كومباكت ماكس فاكتور الذهبيه غنيه عن التعريف وبس الله يسهل لج وتصير بشرتج مخمليه يارب

ومرسيييييييي عيونج الحلو

 

[yam_yam]

رد : مساعدتكم كويتيات ؟؟ {الفاونديشن الي مايبهت ولا يتكتل}

انا كله استي لودر عجييييييب
مع الكومباكت ماله

 

[دلع الكون]

حبيبتي كلج ذوق .
شوفي صج نوعية كريم الأساس مهمة بس الخطوات اللي قبله أهم وأغلب الكويتيات الحين لو تلاحظين مشاركاتهم بقسم المكياج صاروا يهتمون بالخطوات الأساسية من برايمر وفكس ومرطب والفرش لها دور كبير بعد . وصدقيني اذا اتبعتي الأساسيات بتشوفين نتيجة حلوة حتى مع الكريمات اللي استعملتيها وما عجبتج .
وطريقتي بالتفصيل :
1- أرش فكس بلس من ماك ( مثبت غني بالمعادن )
2- بعد ما ينشف أحط الكريم المرطب من ماك وبكمية كبيرة وأسوي مساج ( ملاحظة بشرتي دهنية بس مرطباتهم أساسها مائي ) وعلى فكرة عدم رطوبة البشرة وعطشها سبب تكتل وتشقق كريم الأساس .
3- أحط البرايمر من ماك وبعدها المصحح من ماك ( بيور أورانج ) على البقع والهالات والتقاسيم .
4- أحط الفاونديشن أوزعه بفرشاة ماك 190 وبعد التوزيع سوي دمج بفرشاة الدمج 189والفراشي لها دور كبير بتثبيت المكياج .
5- بعدها الكومباكت باودر بفرشاة ميك اب فور ايفر الكابوكي ، وأحط البلش والخطوة الأخيرة رشة خفيفة بالفكس من مسافة بعيدة .



لا تستصعبين الخطوات واذا تعودتي مع الوقت راح تصير من ضمن روتينج وماتاخذ منج وقت والنتيجة شي ما تتخيلينه وبتشوفين تأثيرها مع أغلب أنواع الكريمات ، حتى الكريمات اللي كنت راكنتهم وماعجبوني رجعت استعملهم .

:nbvppw::nbvppw::nbvppw:

:s142: انا معاها

فعلا الكلام حده منطقي​

 

[<Miss ROoSe >]

واااااااااااااااااى هذا اللى أعاني منه كل يوم

 

[أوريانتيا]

شكرا حبيابي على النصايح ماقصرتوا ،، وبالضبط اتوقع انه الخلل مو في الماركات الي استخدمها لانه بصراحة اجوفهم على غيري وايد حلوين انشاء الله اخذ بنصايحكم ويصير في تقدم

حبيبتي bibi عجبتني طريقتج وانشاء الله جاري التطبيق واحصل النتيجه المطلوبه

يعطيكم العافيه كلكم حبيباتي