مساعدتكم ومشورتكم الله يسعدكم

[ام متلق]

السلام عليكم
بنات انا حيل محتاره ومتردده وموكله امري لله بس حابه
اسمع رايكم واشوف ردودكم وماخاب من استخار
انا عمري داخله علي 43 عندي ولدين وثلاث بنات
الله يحفظهم اصغرهم بنت عمرها 10 سنوات عندي
مشاكل بالكلي وروماتويد وحالتي حاليا مستقره
والحمدالله انا خاطري احمل وكل يوم هالفكره تروح
وتجي براسي استشرة طبيب الكلي قالي مو مشكله
اذا بخاطرج حيل مع اني مافضل هالشي واستشرت طبيب
النسا قالي انتي تاخذين كرتيزون عشان الكلي والكرتيزون
مو زين خلال الحمل وثانيا عمرج مايساعد لان احتمال
التشوهات والاعاقات والاطفال المغوليين تصير كبيره
وانا والله مادري شنو الخيره بس خاطري حيل بطفل جديد ينعش حياتي ويجددها
شرايكم بالنات الله يوفقكم ردوا علي ناطرتكم

 

[الفوز حلو]

ياعمري والله ماعندي فكره بالضبط
ربي يعطيج على قد نيتج بس الافضل تشوفين دكتوره شاطره وتشرحين حالتج
انا خالتي جابت بعمرج بس ماكانت تاخذ كرتزون وعمرج مااشوف كبير ع الحمل بس الكرتزون اهو السبب شوفي احد مختص افضل

 

[أم حسوون]

عليكم السلام
أستخيري وشوفي ، عمرج مو كبير حيل عادي بس الله يعينج على التعب ، بس أهم شي الكورتيزون اسألي عنه ، والله يصلح ذريتج ويكتب لج الخيره.

 

[سمو النفس]

بالعكس عمرج مو حييل كبير اعرف وحده ولدت وعمرها ٤٦ وماشاء الله بنتها سليمه هذا شي بيد ربنا سبحانه انتي ادعي بكل صلاتج يرزقج الذريه السليمه المعافاه ويصلحهم لج وبالاوول والاخير لازم اتابعين دكتور عشان الكرتزون والله يرزقج باللي تتمنيين يارب

 

[ام متلق]

الله يوفقكم ويسعدكم ويرزقكم من حيث لاتحتسبون لانكم رديتوا علي وعطيتوا سؤالي اهميه
لاخلا ولاعدم حبايبي
كان ودي اعرف تجربة احد حملت واهي تاخذ كرتيزون وماصار بجنينها شي

 

[بنفسجيه_Q8]

الله يرزقج بالذريه صالحه
وتفرحين بشوفه متعافي
ماعندي فكره حبيت ادعيلج

 

[أميرة-]

الله يكتب لج اللي فيه خير

العمر مو مشكلة اعرف اكبر منج مشالله حملوا وحملهم سليم بس انتي تاخذين كورتيزون واكيد يأثر

 

[ام متلق]

الله يسعدكم ويوفقكم ويفرج همكم كل من ردت علي ودعتلي
ماتقصرون الله يحرم وجيهم النار يارب
يعني انا اللي فهمته من كلامكم ان الكرتيزون يأثر
وهم الطبيب قالي جذي بعد بس دكتور الحيان قالي منو قال الكرتيزون يأثر عادي مايأثر لانه اساسا
علاج ونستعمله بالتثبيت ومايخترق المشيمه اساسا واحترت الحين باختلاف الكلام والاراء وحتي
لما اقرا مواضيع هم الكلام مختلف واحترت والله ياريت من عندها تجربه تقولي انا ماقدر اترك الكرتيزون وابي اطمن انه مايسوي شي
بس ممكن اخفف الجرعه حسب ارشادات طبيب الكلي فيدوني الله يسعدكم بالدنيا والاخره وسامحوني علي الازعاج

 

[انتيكا]

سألي كذا دكتور عن الكرتزون
واذا بخاطرج حملي وتوكلي على ربج بس استعدي قبله اكلي فولك اسيد عشان التشوهات وخلي اكلج صحي قبل 3 شهور من الحمل عشان يكون بإذن الله بيبي صحي
واهم شي تابعي مع دكتورة وربي يرزقج ان شاء الله ويرزق كل محروم