مساعده : باريس+زل ام سي

[marioma]

السلام عليكم ورحمه الله وبركاته

شلونكم ان شاء الكل بخير وعافيه ؟؟؟؟

انا بغيت مساعدتكم خواتي اللي سافرت لباريس او زل ام سي تقول لنا عن الاماكن

شنو الفنادق الحلوة والمجمعات والاماكن السياحية

ان شاء الله سفرتنا شهر 8 وراح تكون 10 ايام باريس و10 ايام زل ام سي

و حابه اعرف كل شي لان اول مرة نسافر لهم​

 

[اميرة الغيد]

عزيزتي باريس اماكنها معروفه
عندج برج ايفل ، متحف اللوفر فيه الموناليزا ، قصر فيرساي ، ممكن تروحين برحله بالمركب في نهر السين اللي عند برج ايفل ، السوق اهم شي الشانزليزيه ، جاليري لافاييت الماركات عندهم عد وخربط تنزل عندهم اول شي بس لما تنزل عندنا تنزل ارخص ، طبعا اهم شي ديزني لاند احلى شي فباريس جوها يقارب حيل حق جو لندن براد ومطر خفيف
بالنسبه لزلمسي راح يفيدج الموضوع اللي حطيته بقسم الدول الاجنبية اسمه رحلتي لزلمسي وفيه صور انا ماخذتها بكاميرتي اتمنى تعجبج
رحله سعيده

 

[اميرة الغيد]

نسيت لا اقولج اجابه عن سؤالج الفنادق الحلوه
في باريس كونكورد لافاييت راقي وضخم ويم بابه على طول الميترو اللي يوديج للشانزليزيه ويردج عند الباب واذا بتروحين للشانزليزيه مشي مو بعيد
في زلمسي انا خذيت فندق نيوبوست خدمته مو ذاك الزود وصغير وعادي يعني لوماخذه شقه احسن بس ميزته انه بوسط الاماكن المهمه وعند محطة الباص والقطار .

 

[عيمية^والقلب^كندري]

في باريس انا قعد بكونكورد لافاييت تقريبا 60 او 65 دينار بالليلة للشخصين وايد حلو وبينه وبين الشانزيليزيه تقريبا اربع محطات بالمترو طبعا لاتركبين تاكسي ولازم طبعا تروحين اللوفر وبرج ايفل وانا رحت اليورو ديزني واايد حلو واذا انتي شاطرة تروحينله بالمترو من 10 الصبح لي 10 بالليل ولم تروحين اليورو دديزني اخذي القطار محطتين تروحين السوق الاوروبية المشترك هذا الله يسلمج سوق فيه جميع الماركات اللي تحلمين فيها ويسوون خصومات رهيبة اللي تطلعلج جنطة بالكويت 500 دينار هناك ب 100 وطبعا كله محلات اصلية

اما زلمسي فعالم الخيال انا قعدت بفندق جراند ب93 دينار وفندق نيوبوست ب 60 دينار وهناك تحصلين مكاتب يمج للسياحة يودونج رحلات عجيبة بس أأكد على رحلة لمنجم الملح اسمها سولت مايند ورحلة بيت هتلر واي سؤال انا بالخدمة :tek:

 

[داثره]

انا رحت باريس والبنات ماقصروا دلوج عالاماكن واذا مو عارفه ركبي((red bus)) ياخذج لكل الاماكن السياحيه بوسط باريس ولاتطوفين دزني لاند رحتلها بالمترو من الصبح لليل وسكنت بفندق اسمه رويال اليزيه مو غالي وايد بس ماذكر بالضبط جم ويبعد اقل من خمس دقايق مشي عن الشانزليزيه وطبعا روحي في شارع كله سفارات صوب السفاره البريطانيه يمكن بس والله مو ذاكره اسمه كله محلات الماركات اللي عندنا واللي مو عندنا كان وايد شي ولا تشترين الا من قرية التخفيضات اللي قالتلج عنها الاخت ام مهدي بس لازم تنزلين من المترو قبل محطة دزني لاند يعني المحطه قبل الاخيره بالمترو واسمها فال دي غوب واخذي تذاكر المترو مالت اسبوع اوفر ترى واكشخ بعد تحطين صورتج فيها وترتزين ههههه وديري بالج طبعا كثري من الادعيه واقري المعوذات والكرسي قبل لاتطلعين من الفندق علشان ربي يحرسج انتي واللي معاج وادعيلي وانتي بالطياره ان الله يهون علي واولد بسرعه مايحسرون فيني مثل ذيك المره هههههههههههه