مساعده باغراض المطيخ :(

[حرم آلشيخ]

السلام عليكم ورحمة الله وبركاته :eh_s(7):


ادري انه موضوعي مفروض مايكون هني ، بس قلت ماشاءالله هني كلكم متزوجات وعارفين شنو اغراض المطبخ واتمنى تساعدوني :eh_s(22):

امس اخت ريلي قالتلي كتبي لسته بورقه شنو تبين مواعين للمطبخ عشان نروح ونشتريهم ومانتوهق ، لانه اهيا مو كبيره وايد وكلش ماتعرف بسوالف المطبخ ولا انا اعرف

ف انا قلت ماكو غير خواتي اللي بكويتيات بيساعدوني :eh_s(22):
مثلا يعني حق المواعين وجي ، شنو اشتري اتمنى تكتبون لي كل شي



شكررررررررررا :eh_s(17):

 

[حرم آلشيخ]

شدعووه ١٧ مشاهده ولا رد


help me please

 

[مزآجيه!]

امممممم

اشتري الطقم الكامل اللي يجي اكواب وصحون وصحون مسطحه ومقعره وغوري وسكريه

وصحون كبار اللي تحطين فيها الاكل تقريباً ٤

و صواني

و ملاعق وشوّك وسكاكين

وسكاكين للتقطيع ( خضره / لحم / دجاج .. إلى آخره. )

وملاعق حق النچب او الحمسه الستيل والخشب

و مقلاه ٢ او ٣

وقدور احجام صغير ووسط وكبيره

وغوريين واحد للشاي وواحد للقهوة

ومشخال

والخشب اللي تقطعين عليه

و چم طاسه وسط وكبيره حق تنقيع العيش او غسل الخضره

و علب البهارات

و بيز

تقريباً هذي الأساسيات اللي راح تحتاجينها

بعدين لما تبدين تستخدمين راح تعرفين شنو اللي ناقصج

 

[<miss botamba>]

مالج غيري لووووول


تحتاجين الآتي



طقم قلاصات واخذي شفاف وتكون الصبه مالته حركه فهمتي قصد يعني لا تاخذين منقوش ومادري شنو واخذي حجمه صغير ومو الطوال ترا الطوال مو حلوين

جذي

وهذول تحصلينهم بالاسواق الشعبيه شوفي سوق بيروت عنده قلاصات حلوه او ستي ستارز الي يم المشاتل



طقم صحون مع بوادي واكواب هذول موجودين بكل مكان اشتري لون يلوق مع ديكور الشقه مو تشترين لون داش عرض يطلع مو حلو


شوفي تروفاليو - A2Z - سنتربوينت

وحاليا بما ان ماكو عيال وماكو عندكم زيارات او عزايم بالشقه اكتفي بطقم واحد و يكون 4 وفي بعضهم يكون فيه 6

طقم قفاش وشوك و سجاجين

هم تحصلينه بالاسواق الشعبيه او ايكيا او المحلات الثانيه الي ذكرتها

وممكن تحتاجين طقمين واحد لصحون الاكل وطقم ثاني مثلا قفاش صغار وشوك صغار حق الحلو

طقم او طقمين استكانات


واشتري شي كلاسيكي كرستال ساده نوعا ما لا تاخذين حركات مو حلو


وطقم قفاش استكانات

و سكريه بلاستيك او كرستال


وصينيه لهم والصينيه اخذي مثلا خشب او البلاستيك الشفاف ملوت الاسواق الشعبيه في موديلات حلوه او عندج الستيل المصبوغ ملوت ايكيا



تحتاجين طقم مطاطير حسب احتياجج


مثلا مطاره شاي حجمين

مطاره شاي اخضر حجم صغير

مطاره حليب

مطاره او دله قهوه


ولازم منفصلين علشان الريحه والطعم


واخذي الستيل الساده احلى


غلايه للماي


وفي شغلات حجب احتياجج (توستر - شوايه - مايكروويف - عصاره - خلاط يدوي كهربا - خلاط بليندر)

 

[<miss botamba>]

طقم قفاش خشب

طقم قفاش نجاب حق الطاوله

جدور باحجام صغيره ومتوسطه لا تشترين كبار


وانا عن نفسي ما اعرف اطبخ الا بهذول ملوت اول

وهم احب هذول ملوت ايكيا بس هذول يعني حق صلصات او حمسات مو عيوش وجذي

واحب الووك wok هذي حق الاكل الصيني بالاخص

واحب الصينيه الي نفس شوايه حق الستيكات

بس هذول اذا ماتحتاجينهم لا تاخذينهم

مجراخ مادري شسمونه هههه الخلاط اليدوي

عصاره ليمون يدويه

طقم سجاجين للمطبخ حسب احتياجج اذا ماتعرفين تقصين اخذي صغار واذا تعرفين اتقصين اخذي كبار

عندج سجاجين ايكيا جودتهم ممتازه

مكينه فرم يدويه حق البصل و الدقوس

يتبع ..

 

[{ غصن البآن }]

^ برافو مس


اهم شي يكونون طقم الصحون

ومفرش لطاولة الطعام ذرب بعد

 

[<miss botamba>]

دولكه

الاله مالت الثوم من ايكيا

قطاعه البيض اذا تحتاجينها

مقالي كبار وصغار

مواعين كيك اذا بتسوين كيك

صواني فرن

سيت للمطبخ (مال القصدير والكلينكس والبهارات)


فوط مطبخ + بيز

تبرويرات طقم

مشخال احجام (للخضرا - العيش .. الخ)

برطمانات (حق الجاي - قهوه - العدس - الماش ..الخ)



سيت مال الخل والزيت والملح والفلفل

 

[<miss botamba>]

قاعده لطاوله حق المواعين الحاره

ومفارش لطاوله الي يحطون فوقها الصحون


مساحات و اسنجه غسيل

وفرشه حق المطاطير الطويله


ماعون حق الصابون



قوالب ثلج



سلال صغار حق داخل الثلاجه وسلال بعربانه تتقعد بره


سلال الثلاجه احنا نحطهم ترتب الثلاجه يعني سله حق العصاير والحليب

سله حق الاجبان سله حق الفاكه وسله حق الخضرا


والي بره الثلاجه حق البصل و الثوم احنا مانحطهم بالثلاجه




ماعون تقديم مال الفاكهه

ماعون لسلطه



مواعين تقديم للاكل او حافظات حسب الي تحبين





هذا الحين في بالي اذا ذكرت شي ارجع

 

[<miss botamba>]

وذكرت الآله الي تفتح المعلبات


واخذي ماعون مقسم اثنين (حق الحب والمكسرات او حق الصبح الريوق تحطين فيه الجبن والطماط احلى من الصحون او حق كاكاوات بالصاله)


واذا تحبين القهوه التركيه اخذي الكنكه مادري شسمونها


واذا تحبين القهوه العربيه لازم غوري مخصوص للقهوه بس


وطقم فناييل و طقم اكواب ملوت قهوه تركيه


سله للخبز



واتوقع اني بس مانسيت شي

 

[حرم آلشيخ]

وااااااااي مشكووووووووووره مسسسس ماقصررررتي
الحين بكتبهم كلهم بورقه وبروح مع حماتي وبنشتري

صج صج انقذتيني

 

[حرم آلشيخ]

امممممم

اشتري الطقم الكامل اللي يجي اكواب وصحون وصحون مسطحه ومقعره وغوري وسكريه

وصحون كبار اللي تحطين فيها الاكل تقريباً 4

و صواني

و ملاعق وشوّك وسكاكين

وسكاكين للتقطيع ( خضره / لحم / دجاج .. إلى آخره. )

وملاعق حق النچب او الحمسه الستيل والخشب

و مقلاه 2 او 3

وقدور احجام صغير ووسط وكبيره

وغوريين واحد للشاي وواحد للقهوة

ومشخال

والخشب اللي تقطعين عليه

و چم طاسه وسط وكبيره حق تنقيع العيش او غسل الخضره

و علب البهارات

و بيز

تقريباً هذي الأساسيات اللي راح تحتاجينها

بعدين لما تبدين تستخدمين راح تعرفين شنو اللي ناقصج

مشكوووووره حبيبتي ماقصرتي :eh_s(17):

 

[Ba6oo6a-Q8]

و عليكم السلام ورحمه الله وبركاته ..
أختي \ حرم آلشيخ

أولا : المقاييس

مثل [ الملاعق العيارية \ الأكواب العيارية ]


ثانيا : أدوات المطبخ العامة

مثل

مقصات المطبخ + سكاكين

قشارات الخضار

ألواح التقطيع

مبشرة

عصارات الليمون أو البرتقال

المصافي

الفرشاة

ثانيا : الملاعق

مثل

الملاعق الخشبية

ملعقة المصفاة
الملعقة الكبيرة
المغرفة
ملعقة الجاروف
قاعدة الملاعق

ثالثا : السكاكين

مثل [ سكين كبيرة و صغيره و أداة سن السكاكين ]


رابعا : أواني المطبخ

مثل [ القدور \ المقلاة \ مقلاة البيض \ قدر البخار \ وعاء المزج و الخلط ]


خامسا : أطباق الفرن

مثل [ قوالب الفرن \ قوالب الكيك ]

سادسا : الأدوات الكهربائية

مثل [ الغلاية الماء \ الخلاط \ الخفاقة \ الشواية \ المقلاة \ فرن كهربائى او ميكرويف \ حماصه التوست \ فرامه اللحمه ]

سابعا : مثل [ فتاحه البيبسى
فوط

قوالب ثلج \ اسفنج للغسيل \ هراسه الثوم \ حامله بهارات \ حماله مواعين \ غرش الزيت والخل \ فتاحه المعلبات
مريله المطبخ \ قصدير \ بيز للطبخ ] ...

و سلامتكِ أختي ..
موفقه يارب ..
فمان الله

 

[HajaR_4eveR]

شوفي هالموضوعين كاملين بكل الاغراض والله يوفقج

اهم مستلزمات المطبخ مع الشرح
http://www.q8yat.com/t7084.html

 

[M!SS.LOBY]

لا تنسين خلاط

 

[M!SS.LOBY]

احجام صواني وسط وكبير وصغير