مساعده بشنو انظف بيبان الغرف الخشب

[تعب-قلبي]

السلام عليكم
يالسنعات قولولي
بشنو امسح بيبان الغرف الخشب
والكبتات والتسريحه بشنو انظفهم احسن شي
وعندي تكرمون سيراميك الحمام لونه بيج ومبقع علبني شلون يرووح
واحسن شي لتنظيف السجاد من البقع

والله يرزق كل من ترد علي باللي تبيه ومشكورين

 

[زعفرانة_73]

حياتي أنا انظف الاثاث بمنظف للأسطح الخشب تلاقينه بلولو هايبر او جيان ماركت، وساعات انظفه بمناديل مرطبه تلاقينها بدايسو 80 منديل ب 600 فلس.​

 

[amami al-kuwai]

الاثاث همن انا ابي اعرف

بس عندج السراميك حلو له جف انا كان حمامي صابغ لونه على بني ولما استخدمته راح

 

[تعب-قلبي]

زعفرانه ٧٣ حبيبتي تقصدين الرش مال الخشب؟
وياريت صوره المناديل والله يوفقج

Amami al kuwai حبيبتي تستخدمينه بروحه والا مع شي وبشنو تفركينه بمفراكه المواعين العاديه والا شي ثاني؟

 

[amami al-kuwai]

هلا حبيبتي

بروح مامعاه شي

والارشادات سهله

بس الاسفنجه مالت المواعين الجزء الخشن منها تكون مبلله وتحطين الجف فوقها

وتفركين حيل اذا كانت البقعه داكنه وقديمه بس بسرعه يروح

 

[زعفرانة_73]

حياتي هذى صورة منظف الخشب وبالنسبه للمناديل ما لقيت لها صوره على قوقل بس اهى مناديل عاديه مرطبه.​

 

[زعفرانة_73]

آسفه بنات اللى تعرف تصغر الصوره ​

 

[تعب-قلبي]

مشكورين ماقصرتو وربي يسعدكم
وياريت باقي البنات يعطونا من تجاربهم عشان انا وغيري نستفيد

 

[رووح ابووها]

الحمام استخدمي جف
والاثاث الي حاطه صورته زعفرانه وايد زين

والسجاد على حسب البقعه شنو

 

[om qamaza]

مشكورين

 

[تعب-قلبي]

ماقصرتو

 

[^_^يالي احبه^_^]

اب اب

 

[زوجة عزيز]

الخشب والاثاث بيلاج وسراميك الحمام هاربيك الازرق خليه نص ساعه وتالي غسليه بفيري ليمون وماي وفركيه عدل

 

[barbie_girl]

الخشب ينظف بالبخاخ سواء بليدج او اي شركه ثانيه انا عندي حق قطار العائله وانظف فيه كل شي خشبي البيبان والتسريحه الكومدينه والطاولات كل شي خشب

وبالنسبه للحمام بخاخ جف ممتاااااااااااااااااااااااااز بخي المناطق المسوده واتركيها ربع ساعه

وجيبي فرشه خاصه لارضية الحمام تلقينها بقسم المنظفات وافركي بمويه دااافيه

مثل هاذي

بخاخ جف روعه حتى للمغاسل ينظف ويلمع والفلاش نفس الشي للارضيات الحمام كلهم يادون نفس الغرض

 

[*kim*]

للارضيات الجف السائل وبالنسبه للخشب نفس الصوره

 

[ليمون ونعناع]

http://www.q8yat.com/t950040.html

http://www.q8yat.com/t854205.html


بالنسبه لي اذا بقعه صغيرة تعلمت من بنات المنتدى علسريع اييب المناديل المعقمه ديتول او كويك او اي منديل مرطب وامسح
انظف من فوطه واغسلها كل مره وانشرها والحاله حاله
وغير ج`ي جربت منظفات للخشب بس كان فيها ريحه تدش بالخشم تضايق
فاحسن شي عندي ديتول وامسح فيه كل شي بيبان وطاولات وارضيات انا باركيه
او عندج داك بعد حلو مطهر داك برائحه الفل