مساعده بنات ونصايحكم بليز

[شوبارد قطر]

بنات شخباركم
حبيت استشيركم انا خاطري ببلاك بيري وريلي رافض وحاولت معاه ويهاوش وسكر الموضوع
وهلي كلهم عندهم كبير وصغير
ماعرف ليش رافض ومايبي يعلمني الاسباب
اخر مره قال لا عاد تفتحين الموضوع
وانا احس اني مقطوعه عن الناس اللي حولي
شلون اقنعه ... وعلما ان هو عنده من 3 سنين تقريبا

 

[أجمل إنسـآنـه ~]

أأبـ,~>

 

[Perfume]

حبيبتي اهوا ليش رافض
ناقشيه قوليله ليش ترفض وانت عندك !!
واذا قال سكري الموضوع خلاص سكريه يمكن يعاند من حنتج ما يحبون الحنة

 

[فوفو22]

اناني

لو هو رافض له ولج

قلت عنده مباديء

ولكن محلله له ومحرمه عليج

هذا اساسا تفكيره باستقبال الاجهزه مو مضبوط

يحتاج توقفين معه وقفه جاده ويشرح لج اسباب رفضه

فوفو

 

[Gifts&Occaions]

مع فوفو

 

[اميره1980]

يمكن بيجيبه لج هدية
حدي متفائلة
ما ناقشتيه بسبب المنع ؟
ما قلتي لنا حبيبتي على الاسباب عشان نرد عليج

 

[ام زهقانه]

خلاص اخذي ايفون
رجال ما يرضا تحطين بي بي

 

[ابيك م ابي غيرك]

اممم

في رياييل مايجبون البلاك بيري مع البنت

بعضهم يحسوون انه يشغل
والبعض يقول انه مو جهاز للبنت ..

ووبعضهم يخاافوون من ان تدخلين قروبات شبابيه وجذي
طبعاا هذا الصنف المتعقد .. لانه شايف او سامع
بالدوواين من الشباب انه معاهم بنات متزوجات وجذي

فيكونون ماخذين فكره موو عدله عنه .. يبقون صور يكلمون بنات ع انهم
بنات ويطلعون رياييل وتعالي فججي قصص اتشيب الراس


انتي صبري خل يهدااا ووبعد صلاة التراويح قهويه وسولفي معاه
واذا حسيتي خاطره لان كلممي بس ابتعدي عن النرفزه والعصبيه
خلج هااديه وواثقه ..

والله يسخره لج حبيبتي

:*

 

[غلآ نوآف]

يمكن خايف عليج من المشاكل الي تصير بالبيبي او الاخبار او الاختراقات
خايف مثلا تنشغلين فيه عن الناس عنه وتقعدين بعدين تدمنينه كل وقتج ماسكة التلفون تراسلين
خايفج تستقبلين اضافات ويطلعون شباب مثلا
وتتعودين مثلا تصورين اجزاء من جسمج وتطرحينها بالصورة حقج يشوفونها اهلج وربعج احد ياخذهم او شي
جذي خايف ممكن من المشاكل بشكل عام بدون مااحدد

احسني الظن

ولو عيا خلاص لاتفتحي الموضوع
بعد فترة ارجعي فتحيه بس لاتحنين
لي حنيتي والله ماراح ياخذ لج هههههه

 

[غلآ نوآف]

شوفي انا ريلي كنت اقول له دوم البيبي مايصلح حق البنات بالذات الي مومتزوجات او امراهقات الصغار
وكان وايد مستاانس من هالمنظور هههههه
وكنت كله اقول له صابون شكله مو تلفون كلش ماحبيته ولاهضمته من ظهرت موضته بكل يد اشوفه مليت قبل ما اخذ واحد
وبعد ماتزوجنا وسكنا ببيت واحد بعد ثلاث شهور زواج
هو من نفسه اشترى لي واحد لما قلت له خاطري اجرب هالبيبي الي كل الناس هابين عليه

والحمدلله لانه واثق فيني وقالي اني انتبه لا اضيف اضافات عشوائية ولا استقبل احد يدعيني ما اعرفه
ويقول ما احط صور خاصة بالعرض ما اضيف البنات الي بيني وبينهم عداوة جود عن المشاكل الي مالها داعي ونشر البن ومادري شنو

ف لما ارتاح هو اقتنع اني اخذه رغم قبل يقول اي مايصلح للبنات
يسرقون من بعض صور وبعضهم يبتلشون باضافات بنات مايعرفونهم شخصيا وجذي

الحمدلله من خذيت بلاك بيري للحين
ماصار معي اي شي لان كلهم قريباتي وزميلاتي ايام المدرسة وعلاقتي فيهم حلوة
ماضفت الي بيني وبينهم عداوة او مشاكل او حساسيات

 

[شادن33]

قوليله شنو هذا أنا مااحب اكون اخر من يعلم >>>> اخاف يفلعج ههه

لا والله جد قوليله كله أهلي يتواصلون بالبيبي ويعرفون اخبارهم فيه يعني من ناحيه اخبار الأهل وصله الرحم
الا ااناااا مثل الأطرش بالزفه شكلي غللللط

الله يخليك الله يخليك ( بدت الطراره ) ههههه هاتي واحد اوبضيف بس خواتي وانت طبعا اذا حبيبي وبسسس

 

[Le chat]

وراه بلا ومايبيج تعرفين حق البلاك بيري عشان ماينكشف ماعندي غير هالتفسير

 

[أجمل إنسـآنـه ~]

انا اقوول موالا بلاك بيري قولي مهوب لازم بس بعرف منعك لي اني ماشتريه وهو عندك بس بعرف السبب مابيه ,~.!

وخلأص اشتري ايفون او جلاكسسي موالا بلاك بيري حتى هذووول فيهم وسائل المواصلات الجديده ,~": موالا مثل اهلجج كلهم,>



موفقةةة,,>

 

[OM BARAK]

اخذي اي فون والا جالاكسي

احلى من البلاك بيري​

 

[شوAشو]

يا حبايبي ليش تحبون تسون مشاكل وعوار راس يعني شي منعه عنج اكيد شايف فيه انه مو زين وفيه خراب بيوت هو ما يشكك بأخلاقج ولكن في ناس ما يخافون الله يا حبيبتي هذا زوجج يحبج ويخاف عليج مو لازم هالفون اختاري اي نوع ثاني واحمدوا ربكم انهم يخافون عليكم
والشيطان ما مات تعوذي من ابليس ولا تسوين السالفه عناد انه ما يمشي كلمته لان مرات اذا نبي شي بالاول ورفضوا خلاص تصير السالفه عناد
يا حبيبتي نصيحه مني مو لازم هالفون وهذا حنا ايفون وجلكسي وكل وسائل التواصل فيه بالتوفيق حبيبتي والله يهديكم لبعض *

 

[متجر جنات عدن]

اهو ليش رافض يالغلا؟