مساعده زيلامسي؟

[كرامتى تهمنى]

:68_asmilies-com:السلام عليكم ""
احبائي ابيكم تساعدونى بشقق زيلامسي واللى جربها يفيدنى ابي شقه نظيفه وامان وكل شي قريب وكمان احلى مطعم فيها ؟وااماكن اللى يستحق ازورها

 

[Hallawy]

وعليكم السلام ..

مممم بالنسبة حق الشقق ما عندي فكرة لأنه احنا سكنا بفندق قاردن بس اذكر يم فندقنا كان في شقق فندقية وااايد يمدحونها نظيفة و خدمة ..

و المطاعم اللي اهناك في مطعم ايراني زحمممه عليه بس طعمه مو حلو اسمه "علي بابا" شي جذي و في مطعم تركي يعني مو مال قعدة بس تاخذين منه شورما لذيييييذ ما اذكر اسمه بس كنا كله ناكل منه اهوه بالسكيك لما تحوسين تلقينه .. وهم قريب منه مطعم بحري حلوو .. عموما اهنك ما تضيعين كل شي يم بعض مع المشي كل شي تكتشفينه p;

و كافي تقعدين جبال البحيرة جووو فضييييع بس بالشتا تصير جليد حسافة ..و تقدرين بعد تاخذين سيارة و تروحين حق منطقة يم زلمسي مو بعيدة عنها اسمها كابرون عجيييبه كلها تلفريكات و شلاشلات شي عجييب ..

 

[كرامتى تهمنى]

الله يعطيج العافيه حسافات يعنى نأجل السفره للصيفيه

 

[فقدتك يانور عيني]

كلش بالشتا موشي الثلج بكل مكان مغطي الشوارع خليه بالصيف احلا

وفي شقق نظيفه بزلمسي وفيه في بروك يم زلمسي وفي بكابرون وفوش شكثر الشقق هناك

 

[احلى من الحلى]

كابرون عجيبه

بس صح بالشتا ثلج

المهم انصحج تسكنين بكابرون يم زلامسى 7 دقايق بالسياره بس اهدى بواااااااااااااااايد من زلامسى

 

[جوري 2007]

كابرون حلوة بس ماانصح فيها كسكن وايد هادية وبليل تصير خرمس انا مااحب جذي احب اللوية مع ان زلمسي بكبرها هادية
لاتحاتين الشقق انا رحت لها بالصيف يعني بموسم وماحجزت من الكويت حجزت من عندهم لانها متروسة شقق نظيفة وفيها جم فندق غير" جراند" المعروف