مساعده ضروريه لوسمحتوا...

[الدمعه الجريئه]

بنات حلوين أنا أبي مساعده منكم ...

وأتمنى أي وحـــده أدش تفيدني وترد علي يارب ..

أبي علاج حق عيوني لأن تعبت وأنا أعالجها وماكو فايده بليز ساعدوني ..

ويعطيكم العافيه وماتقصرون :0bee2e8d89:

 

[M!Ss DaNa]

شفيها عيونج

ممكن توضيح من شنو تعانين

التهاب احمرار شنووو ؟؟؟

 

[شقرديه]

والله ماعندي فكره عن علاج العيون بس يمدحوون مستشفى بالخبر حق العيووون
تحياتي لج

 

[NENO]

اهلين حبيبتي ليش عيوونج شنوو فيها ؟؟

 

[الدمعه الجريئه]

حياتي تسلمون لي كل ألي قدروا معاناتي وردوا علي ...

أنا عيوني ماخليت مستشفى مارحت خاص وحكومي ...

دكتور يقولي مافيها شيء ودكتور يقولي ألتهاب ودكتور يقولي أحتقان ودكتور يقولي طاقينج عين لأن أول مرة تييلي وحــده تشتكي من عينها وماكو شيء من الفحص وتشوف عــدل..

عيني حبيبتي تييلي حرقه وتحكني بعيد الشر عنج وليمن أحط مكياج تصير حـــمرة جنها دم وتخرع مادري ليش؟؟؟

 

[مسك الغلا]

فيج حساسيه

انا مره صارلي نفسج و تعبت تعبببببب و رحت للدكتور و عطاني قطره تصفي العين و تخليها تنتعش و تنتفس بس نسيت شنو اسمها و قالي ابتعدي عن الاضاءه القويه و العطوور او الدخان و هوي الغرفه و كفر الفراش بعد و لا تحطين اي ميك اب عليها

و تلقين في بووتس eye gel cucumber لونه اخضر صغير بدينار تحطينه داير مدار عينج و يبرد عليها

 

[eee]

اذا انت رايحة الدكاتره وقالوا مافيج شي اتوقع صاكينج عين يعني اول شي لازم تسوينة كل يوم تحصنين نفسج وتقرين المعوذات واية الكرسي وعليج بالصدقة بنية الشفاااااء (وداو مرضاكم بالصدقات) واخذي ماي زمزم ومسحي عيونج فيه (لما شربله) واذا موعندج ماي زمزم تلاقين اعلاناتهم بالوسيط وان شاء الله يشفيج .

 

[noty]

هلا قلبي ما تشوفين شر

كلام الدكاتره واايد

بس لازم تروحين حق ناس بروفيشينال

يا دكتور امل اللي بوشهري

و حتى مال الهادي زين

 

[نووووونا]

ما تشوفين شر جربى تراجعين عند الدكتور سامى الربيعه

بالفروانيه ,,,,, وان شاءالله شى بسيط !!!!!

يمكن حساسيه الجو عندنا عجيب والف سلامه@@

 

[كحيلانه]

لا والله اللي فيج عين اذا الدكتور قالج مافيج شي هذي عين
روحي اشتري ماي وزيت مقري عليه عند ابوو سامي
بصراحه عجيييب وشفتي الزيت المقري امسحي عيونج وجهج منه ان شاء الله ماعليج شرر
والله يشفيج ويعافيج
امين

 

[بشه المنفشه]

أول مرة أشوف دكتور يقول حق المريضة صاكينج عين !!!!

خوش دكتور !!!

إرقي نفسج هذي ما تحتاج مرض إنتي عودي روحج على الرقية وربي بيحفظج بحيله وقدرته

حبيبتي انا تعبت وأنا أعالج عيوني وكله تحرقني واتضايقني وصارلي الحين فترة قاطعة الكحل داخل عيوني أحط بس من بره لأني ما أتحمل أحط شي داخل عيوني هذا غير الجفاف والتنغز والحكة

رحت دار الشفا عند الدكتور محمد وجيه وقالي هذي حساسية ما تروح ولا لها علاج .. تطلع متى ما توفرت الأسباب مثل حساسية الجيوب وحساسية الصدر

الحساسية مرض مزمن وعلاجه مؤقت .. ومتى ما ابتعدتي عن السبب كل ما ارتحتي

وخري عن دخان البخور .. الغبار .. الكمبيوتر لفترات طويلة .. العدسات .. الكحل داخل العين .. هوا المكيف المباشر .. حتى المكياج انتبهي البودرة لا تدخل بعيونج .. مخدتج إذا كانت ريش أو قطن حاولي تنفضينها عدل بس بعيد عن عيونج .. ولا اتخلين روحي راجعي دكتور فاهم من اللي يقولون عنهم البنات او دكتور محمد وجيه هم وايد زين تبارك الرحمن

مافي مرض بهالدنيا ماله علاج

 

[آل خزف]

غيري مكياجج
أكيد مو زين


جربي تقطعين المكياج هالفترة وشوفي

 

[شندوخه]

والله حبيبتي انصحج تروحين لدكتور سلطان المطيري