مساعده لأختكم المهمومه..الله يفرج همومكم

[سمر..]

السلام عليكم

مساء الخير حبيباتي


بنات الله يفرج همكم بالدنيا والآخره
أنا ابغاكوو تساعدووني

أنا عمري 24 سنه وزواجي بــشهر 11 الجاي
ووزني 92 كيلو وطولي 159
ونفسي برجيييييييييم سريع خلال شهر
الله يسعدكوو فرجو عني وساعدوني
أنا تحديد زواجي كان مفاجئ وبكيت بس مابيدي حيله
محتاره وشلون بيكون شكلي بالفستان ومستحيه من شكلي حتى الناس ماعاد اقد اقابلهم
الله يخليكم انا بأسافر ابها عند اخوي علشان اجهز اغراضي وبأجلس شهر 10 عنده فأبغى رجيم اسويه علشان بزواجي الكل ينبهر وخصوصاً زوجي لأني بأسفر معاه برا يكمل دراسته

بنات تعبت وانا اكتب والعبره خانقتني

ابغى رجيم سرييع ولاتقولو بيأثر ع الصحه وبيرجع وزني أنا بأخذ فيتامينات ويهمني شكلي بالفستان والأنطبع الأول لزوجي


انا سمعت عن رجيم التفاح واللبن
بس مابأعرف كيف طريقته وبدي اي احد جرب يعطيني النتائج


بنات انتظركوو
والله لأدعي لكم واللي تساعدني مابأنساها من دعواتي



لاتهملون طلبي الله يفتح لكم ابواب السعاده


انا شفت تجمعكم ويومياتكم
بس ابغى وحده عن تجربه او شافت احد نزل وزنه

بنات انا تعبانه نفسياً ​

 

[سمر..]

وينكم يابنات انا انتظركو الله يخليكم لاتبخلون عليه

 

[فدوووو]

والله مااعرف ريجيم ينزل بشهر

الا اذا كان ينزل بست شهور او ثلاث شهور

حاولي انك تمشين كثير وانتي راح تكونين بالجنوب وانا اعرف ان الجنوبيات اذا راحوا للجنوب نحفوا واذا جوا للرياض سمنوا

شوفي الريجميات اللي موجودة بالمنتدى وفيها تجاارب كثيرة واستخدميه والله يوفقك

 

[شقاويه 11]

مدري والله بس اتوقع تروحين طبيبه وايد احسن وهي تحددلج حبي

 

[سمر..]

ربي يخليكم حبيباتي ولايحرمني منكم
وبعدين انا ابغى انزل لو نص الوزن
يارب سهل لي

طيب حبيباتي ايش افضل تجربه هنا بالمنتدى وسريع

 

[جـود]

سوي ريجيم البرويتن ياسمر
اكلي ريوق2 بيض مسلوق
غدا سلطه خس وملفوف وخيار مع تونه او دجاج مشوي او سمك او لحم وبدون زيت
العشاء تونه اوقطعتين جبن عكاوي اوحلوم اوقريش قليل الدسم وتكونين ناقعته عدل عشان الملح
اذا جعتي بين اولجبات خس او خيار او ملفوف
اي شي ثاني ممنوع لاتاكلين واشربي الشاي والنسكافه بين الوجبات مع سكر الريجم
وامشي عالاقل نص ساعه وكثري ماي
جربي اسبوع وشوفي اذا مانزلتي وعندج شهر 9و10 بالراحه يمكن تنزلين لين 15كيلو بس التزمي
وممنوع تذوقين اي حلويات او شي فيه كربوهيدرات
وانا ترى رحت لدكتور وقالي كل فتره بدخلج شي بس اول شي قال اتم اسبوع لين 10 ايام كذا
وانا باديه من اليوم انضمي لي فيومياتي
انا بعد ابي اتحمس مع حد
وانتي وراج عرس وانا اتمنى تكونين باحلى منظر
لانه هاي فرحة العمر

 

[قاهره عذالي]

امشي كل يووم
والبسي مشد
عشان يطلع لج خصر
واشربي زنجبيل مع شاي اخضر
لى طول
ترا يضعف الشاي الاخضر

 

[سمر..]

يسلمو حبيباتي

 

[كراميلا مرة]

اشتركي في نادي
وروحي اخصائية تغذيه

 

[كيكه توفي]

سوي ريجيم محمد ربيعه شهرين يمكن تنزلين 15 كيلو على حسب جسمج التفاح راح تتعبين وايد حده يوم تسوينه بس مو اكثر جدامج شهرين وكل يوم رياضه بالتوفيق

 

[فجر_الكويت]

موفقه خير يارب

 

[انا لحبيبي .]

حبيبتي امشي كتير ، احرقي كالوري جسمك بالمشي

وحاولي تتعشي زبادي بس ، وابعدي عن الحلويات و البيبسي والخبز الابيض والنشويات

كلي اكل صحي ، وان شاء الله رح تحسي بالفرق صاحبتي ضعفت 15 كيلو خلال 3 شهور ما شاء الله على هالشي

 

[ازهآر]

الله يكون بعونك
اكلي كل شي يحرق سمك بيض اناناس وكيوي وشوربه حارقه مع رجيمك ونوعي بالاعشاب ورياضه عشان يترتب جسمك
ولاتحاتين كثير نفسيه مهمه اقتنعي بالي توصلين له وهذا غلطنا لوصلت مناسبه دورنا لحلول انا عن نفسي دايت

مراح اتركه طول عمري حتى لو خربطت ارد

وموفقه يالغلا

 

[طـفولية]

عندج اكثر من شهر اذا ضعفتي كل اسبوع كيلوين تقدرين تقطين 10 كيلو .. بشهر واسبوع
وانا غير نظام الكالوري ما اعرف ، خليج باليوم 1000 كالوري وقللي لا تزيدين ومشي ساعة وتمارين لااازم مع الضعف جسم مشدووود ولا بتطلعلج مشكلة ترهل وتبتلشين

 

[قطوووة]

جسم عن جسم يفرق
حبيبتي جدامج شهرين تقدرين تنزلين من 7 الى 20 كيلو حسب التزامج
امشي ساعه يوميا . خففي اكل .. كثري خضار ..
وشوفي يوميات البنات يفيدونج


يارب تنزلين بصحة وعافية وتطلعين احلى عروس