مساعده من اهل الذوق

[حلوى كويتيه]

انا ان شاء الله راح اثث شقة خالي علشان راح يتزوج ومكلفني بالمهمه هذي

وابي منكم تساعدوني بكل شي من اثاث وغرف نوم وورق جدران يعني شنو الالوان اليديده

الشقه عباره عن اول مادشين صاله كبيره وعلى اليسار غرف النوم وفيها حمام وغرفه صغيره يم الحمام بس صغيره مايكفي فيها الكبت مادري احط فيها التسريحه ولا لا

وعلى اليمين غرفه بحطها حق التلفزيون قعده ارضيه

وابي رايكم يعني اذا وحده شايفه غرفة نوم حلوى تقولي وين والقعده مالة التلفزيزن وين افصلها
والصاله احط فيها قنفات ومعاها طاولة طعام شرايكم احط القنفات الخشب الحفر

ساعدوني

 

[حلوى كويتيه]

شدعوه محد له خلق يرد

 

[Fashion Falls]

جان زين اعرف والله جان فدتج
بس اب لعيونج

 

[ابيك وماابيهم]

احم احم كاني ييت لووووووول < ثقه


بوريج جم صاله
وانتي اختاري اللي تبين

ها شرايج فيها
الالوان وايد حلوه مع بعض والزيبرا معطي لوك حلو

الاورنج بعد حيل حلو وراقي ونادر اللي يسوونه حق الصاله

وتقدرين تاخذيت قنفه وحده ابيض باسود مشيره او مخططه بس ابيض واسود ثنتين او وحده
وباجي القنفات بنفسجي قامج

والطوفه رمادي

 

[ابيك وماابيهم]

حلو بعد الابيض مع الاسود

 

[ابيك وماابيهم]

شوفي الالوان شحلاتها تقدرين تسوينها حق غرفة النوم
وايد حلو الفيروزي مع الفوشي والرمادي

وهالالوان بعد وايد حلوه وهاديه تنفع حق غرف النوم حلو لما تكون القنفات بيضه وتلعبين بالوان الكوشيات

 

[om mariam]

ليش ما تخلين الغرفه الصغيره فيها طاولة طعام وقعده ارضيه
احلى وموفقه يارب

 

[حلوى كويتيه]

مشكورين ويعطيكم الف عافيه

 

[FeShinGoOo]

مادري حبيبتي يعتمد على ذوقكم تبون المودرن ولا الكلاسيك ؟؟

ثاني شي جم الميزانيه ؟؟

ثالث شي الشقه جم غرفه ؟؟

 

[Fstani]

ااب اااب

 

[Q8stylle]

upup

 

[beshooo]

حبيبتي حلوى الله يهني خالج ويتمم عليه ويرزقهم بالذريه الصاله ويرزقج
يعتمد على حسب حجم الصاله وحجم الغرفه
اقتراحي الغرفه اللي صغيره حيل اذا فيها عازل صوت او بابها ثقيل تخلينها حق الغسيل يعني تحطين الغساله الالكترونيه اللي اهي تغسل بروحها صوتها شوي مزعج بس اذا سكرتي الباب يروح الصوت ونفس المكان يكون فيه الفاكيوم كيلنر وطاوله الكوي بما انه حيل صغيره في افكار بايكيا تييج نفس العلاقات تعلقين الكوايه وطاوله الكوي وحتى الفاكيم كلينر حدايدها لهم مكان تعليق جذي شقتنا برا مع انها نص متر بنص متر بس مسوينها نفس المخزن حق هالسوالف

اما الصاله وغرفه النوم
غرفه النوم كل ماكانت بسيطه احسن لاتكون لويه ولا فيها الوان وايد ومزعجه شوفي ميداس اللي بقرطبه في افكار حلوه
وفكره انج تحطين طاوله الاكل بالصاله صح خووش فكره وخليها بطرف وورا وهم انتبهي ان اللي يقعد على الطاوله يقدر يطالع التلفزيون وبعد حطي ببالج ممنوع الالوان الصارخ والحاره مثل البرتقالي والاحمر والاصفر هالطقه يعني لاسباب وايد
منها الالوان مع الوقت تأثر على الواحد وتخليه عصبي اذا فيج وودج تحطينه لا تخلينهم لون اساسي يعني ك حركه خفيفه كسره لون يعني
والصوب اللي بتحطين فيه طاوله الطعام حاولي تخلين خلفيه الطوفه شوي غير بس لاتخلين الالوان تناقض يعني حاولي تشكلين بطريقه حلوه واذا افتريتي بتلاقين اشكال حلوه
**انا قاعده اختار اثاث كامل حق بيتنا 3 ادوار وللحين مابلشنا بعد العيد الشغل ف بدوخج شوي
امممممممممممممم <<جني شطيت :|
المهم
بخصوص الصاله هابين حق صالات الاستقبال بالطوف اللي فيه شوارفسكي << لاتنصدمين
مو شوارفسكي شوارفسكي لا تكون مثلا صوب ساده بس فيه حركه بسيطه مثل ورده او خط او اي شي مو ماخذ مساحه كبيره تحطين عليه شوارفسكي انا بوريج جم صوره بس باخذهم من تلفوني خو كل شي مخليته فيه حق الشغل

اي نسيت وهابين بالورق اللي يكون ثري دايمنشن عجيب ثلاثي الابعاد يعني وانا ودي تحطينه صوب طاوله الطعام راح يعطي ريفليكشن عجيب اول باشكاله اللي تينن وتفتح النفس وثانيا اييج ثلاثي ابعاد و وااو لو اخترتو شي مناظر راح يكون عجيب هم بوريج له جم صوره

تدرين انتي تقريبا نفس تصميم شقه خالي مسوين له قعده ارضيه وحاط فيها ستاند حق الجرايد والمجلات ومسجل اللي اييج عباره عن سماعه ارضيه طويله وحاط تلفزيون حق البليستيشن

وسلامتج مصختها مووو

برررب على ما اييبلج الصور

 

[beshooo]

نزلت الصور باللاب بس مواقع الرفع مو قادره اسوي استعراض شلون:eh_s(2)::eh_s(2):

 

[حلوى كويتيه]

مشكوره اختي beshooo

وانا ناطره الصور منج

شفت عند الغانم غرفة نوم عجيبه سلفر الصدفي وراس السرير تنجيد بنفسجي الفاتح بس روعه تصلح لمعاريس الوانها فرش
مو الالوان البنيه المالوفه بس اهوا مايبي بالغرفه ارضيه سيراميك يقول ابي تكون كلها موكيت اقصد الزل
شرايج احط الزل نفس لون تاج السرير اللون البنفسجي الفاتح ولا اغير

 

[beshooo]

حلوه فكرته احلى من السيراميك
اي توكلو على الله
وترى في بردي بدليه ميداس اللي بقرطبه مو بغرناطه
حلوه الالوان , بس الغانم ما احب شغله بكل شي ((راي شخصي ياجماعه ))
ما ادري عن لون الزل خلوه فاتح بيج مثلا او اذا بتحطين بنفسجي مو شرط نفس الدرجه خليها افتح

 

[beshooo]

الصور كلش مو راضيه تتحمل عندي مشكله بحاول احلها

 

[beshooo]

هذي وحده من دور النوم اللي عجبتني
وترا سهله شغلها اغلبه بالجبس
​

وهذي ديكورات الشوارفكي للصاله​

​

هني اللي قلتلج تحطين ورده او ريشه مثال يعني على اي شي تبينه

وهذي لون ثاني
​

من بعيد
​

​

وهذي اللي قلتلج ورق حائط ثلاثي الابعاد​

​

لي عوده باذن الله:eh_s(7):​