مساعده يااخوات ... طفلي والامساك ..؟؟

[خطوات الابتسامه]

السلام عليكم ورحمة الله وبركاته ...

يااخوات انا طفلي عمره تسعه شهور ويعاني من امساك شديد من بعد ماغيرت الحليب

في بداية العمر كنت استخدم اس 26 ومن بعد 6 شهور استخدمت بروميل 2 اللي متابع لــ اس 26

وبصراحه من بعدها ولدي ماشاف خير من الامساك

مع بداية الشهر السادس بدات ااكله خضار مسلوق وروب ومهلبيه واعطيه عصيرات

بس مااحس انه فاد معاه من ناحية الامساك والدكتور يقول استخدمي التحاميل الجليسرين

وانا مابي اعود طفلي على التحاميل

ايش تنصحوني فيه يااخوات

اللي عندها خبره تفيدني

ولكم مني اجمل تحيه

 

[فديتهااا]

اب ان شااء الله البنات يفيدوونج

 

[ليدي-مون]

ادخلي على طعامه الفواكة المجففه مثلا
جيبي قراصيه (البرقوق) اللي هي البخارة الناشفه انقعيها في الماء واخلطيها في الخلاط واعطي طفلك منها كميه قليله على الريق
وبنفس الطريقه اعملي الزبيب لانه فيه نسبة سكرياتتساعد على ليونة البراز اكرمك الله
اكثري لطفلك من العنب - وعصير البرتقال المخفف
وابتعدي عن ارز + الجزر +السيريلاك + الزبادي+ المهلبيه لانها كلها تسبب الامساك
وخليكي على الخضار المهروسه بدون الارز والفاكهه
الله يشفيه ويعافيه

 

[عويتقة]

جيبي البرقوق الجاف واصلقيه مع قرفة وملعقة سمر وملعقة زيت وخليها حتا يستوي ووكليه منه وشربيه موية الصلق و كمان جيبي الورد انقعيه بماي سخنة وخليه حتتا يطلق وشربيه منه وكمان اعطيه عصير برتقال وماتعطيييه مووووووووز الموز بيعمل امساك وماتعطيه ارز والله يشفيه

 

[Roty]

مثل ماقالوا البنات

روحي مطحنه اشتري قراصيه نقعيها بماي وشربي مايها وبس بدون اضافات

عذا كلام الدكتور فهد مخيزيم وفاد العلاج مع بنتي

ومايشوف شر

ولا توكلينه بطاط ولا جزر يسوون امساك

 

[غلاي عزوزي]

الي نفع مع عيالي


منقوغ التمر
ملعقة زيت زيتون اصلي من معجزه الشفاء قبل الرضعه
سكر نبات مع ماي دافي

 

[دلال العلي]

انا ولدي اللحين نفس المشكله غيرت حليبه سيملاك لغين 2 الي مكمل لسيميلاك سويت له شوية ينسون مع سكر نبات والحمدالله تحسن وايد

والله اول امس مصيبه الياهل مو قادر يسوي ويطلع عزج الله مع الخروج دم من شدة الامساك

بس اليوم الحمدالله مع الينسون ارتاح الياهل

 

[مهههها]

رد : مساعده يااخوات ... طفلي والامساك ..؟؟

عصير برتقال بالبيت عصرية

ومن تحت بعود الاذان حطي فية زيت زيتون
والله يشفية