مساعده يا الغاليات ؟؟؟؟؟

[إخت أخوها]

السلام عليكم ورحمة الله مبركاته ....خواتي الغاليات حبيت أخذ رايكم بموضوع يخصني ويخص حياتي أن أحب شخص قريب لي ولد خال أبوي أنا أبيه وهو يبني لدرجة الجنون يا بنات صارلنا 8 سنوات والله رزقني بشخص فاهم وعارف وخايف الله فيني ورجال بمعنى الكلمه وحبيب وطيب ويصدق كل شي بس مصيبنتا إن أهلي وأهله متقطعه العلاقه بينهم ما يحاجون بعض مو بين الحريم لا علاقتنا مع الحريم حلوه بس بين الرياجيل ع أمور تافهمه بس كبيرة هالأمور والله نبجي كل يوم قهر من ظلم تدرون العمر يمشي حتى خواتي ألي أصغر مني تزوجو وأنا للحين عمري بكمل 30 سنه أنقهر اذا أحد سألني محد خطبج ما تزوجتي وخواتي ألي أصغر مني وبنات عمي صارن أمهات وأنا كل ما يجني أحد أرفض عشان سلطان والله أحب والله لأنه يستاهل هالحب كافي صادق معاي بكل شي فاتح أمه بموضوعنا وأمه ماعندها مانع بس ما تقدر تفاتح أبوه تقول مالي شغل تخاف من أبوه لأنه قاسي حيل قالت انت فاتحه وهو ما يقدر يفاتح أبوه يخاف من ابوه وعمامه يحرشون بأبوه قولولي يا بنات شسوي والله تعبت بس محسن الظن باالله ان الله ينولي الي بالي تكفون ادعولي إن الله يجمعني معاه عاجلا غير أجلا يارب العالمين ولكم بالمثل.:eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11):

 

[بتبوتااا]

انزين لي متى بتنطرين ؟!

بعد عشر سنين ولا عشرين سنه ؟

اذا اهو يبيج صج يتشجع ويكلم ابوه يمكن ابوه يلين قلبه ويصير صلح ما بينهم والسبب هالزواج ؟

خل يجرب يكلمه ويقول على الاقل مو بعدين يتحسف انه ما تكلم من البدايه .. واذا اهو من نصيبج ان شاء الله بتاخذينه حبيبتي والله يصبر قلبج ..

 

[Tom ♥ Jerry]

.،


حبيبتي الحين عمرج 30 ! و كل الي اصغر منج من اهلكم تزوجو و عيلو !
يعني ليه متى بتقعدين انتي ! ترا القطار يفوتج صدقيني
ترفضين بدون سبب الناس يمكن يتكلمون و تصير مشاكل مآلها أول و لا تالي
فكري بـ عقلج و خلي العآطفه على صوووب ! .،
قوليله خلاص كلم آبوووك و قوله و خل يشوووف رايه .،
يحن عليه شهر شهرين 3 4 5 ! اذا شآف آنه مآكو فايده خلاص !
محد ياخذ الا نصيبه بهالدنيا !
و يمكن هالريال مو نصيبج وخيره من الله آنج تتزوجين وآيد ثاني !
خلاص خليه و الله يوفقه و يوفقج ! ,،
بآجر تتزوجين و تنسينه لا تعلقين نفسج آكثر .،

 

[قصة_هوانا]

اخذيها مني وانا اختج

تقولين عمرج 30 او عارفته من من 8 سنين !

لو اهو صج حابج جان خطبج من زمان ولات قولين ان ما يقدر لو اهو صج شاريج و يحبج .. وذا ما كان قادى يتقدملج قبل يقدر الحين اجلا ام عاجلا .. وحتى لو في بين اهلج و هله خلافات او ما شابه ذلك لو صج يحبج و يستاهل قلبح و حبج راح يتقدملج لو شنو صار بين اهلج او بينه
واياني وياج تروحين تقولينله اللي في قلبج ما تدرين يمكن راح يفهمج غلط ! و بعد .. ليه متى تقعدين تنطرين يعني شنو العمر واقف و بس قاعد ينطره !!
وذا متردده انج تاخذين غيره روحي واجهيه او قوليله اذا انت صج بايعني فـ تقدملي
وما عنده اي حجه او اي عذر بعد هالعمر .. وذا ما يه عندج يعني قاعد يلعب .. ف لما يتقدملج احد غيره ووافقي طبعا الا اذا كان شين يعني تأكدي عشان تلحقين على عمرج و خلي امرج لله .

 

[ام ميميتو]

يعني لي متى بتطنرين يعني ترى انتي الخسرانه مو هو لانج بنت وبعد سنه ولا سنتين مارح تلقين ولا واحد اطق بابكم هو اذا ماخذاج بياخذ غيرج ماراح اعيش على ذكراج اذا يبيج صج يتقدمج و يكلم ابوه

 

[الحرير]

الله يرزقج اللي تتمنين
تصدقي
كثفي دعاء
اقراي سورة البقرة كل ليلة
بنية الزواج من ولد خالج

 

[Sarooii]

حبيبتي كلميه و خليه يضغط على روحه و يكلم ابوه
و خل يقوله ان اذا ما خذاج ما راح ياخذ غيرج
و يكلمه مره و مرتين و ثلاث حتى لو طولت السالفة عالاقل اهوا قاعد يحاول
و انتي ادعي كل يوم و اقري سوره البقره
و يا رب يجعله من نصيبج ،،

 

[أنسأنة غير]

ياااااااااااااااااااارب يكتبلك النصيب معه اللهم امين يارب

 

[عبير العنزي]

انزين لي متى بتنطرين ؟!

بعد عشر سنين ولا عشرين سنه ؟

اذا اهو يبيج صج يتشجع ويكلم ابوه يمكن ابوه يلين قلبه ويصير صلح ما بينهم والسبب هالزواج ؟

خل يجرب يكلمه ويقول على الاقل مو بعدين يتحسف انه ما تكلم من البدايه .. واذا اهو من نصيبج ان شاء الله بتاخذينه حبيبتي والله يصبر قلبج ..

معاها:eh_s(17):