مساعده

[فريدة]

انا صارلي اربع تشهر متزوجه وماحملت خايفة ودي احملت صج الوزن زايد يأثر في تأخر الحمل انا متروسة مو متينة وايد بس همن خايفه اروح افحص ولا انطر شرايكم حبيباتي؟:tomato2:

 

[.>حــــــــ(و)ـــراء<.]

هلا حبيبتي انتي متزوجه معاي انا بكمل 4 شهور ان شاءالله وليلحين ماحملت

ورحت راجعت الطبيبه وسويت تحاليل وسونار داخلي ولقيت ان فيني تكيس+اكياس دم

على المبايض والطبيبه عطتني دوا وقالتلي ظعفي مع اني مومتينه جسمي زين

سألتها ليش اشفيه وزني ؟ قالت كل ماكنتي ظعيفه كل ماكان التبويض عندج ممتاز

والظعف يقضي على التكيس

نصيحه مني روحي فحصي عشان ترتاحين ولا تقولين توالنااااااااااااااااااااااااااااااس ديري بالج

روحي عشان ترتاحين نفسيا" على الاقل

واذا لا سمح الله طلع فيج شي يمديج تعالجين ببداية زواجج لان حبيبتي العلاج يطول مو يومين

عرفتي يعني منها تعالجين وتعيشين حياتج طبيعي وعسى الله يرزقج الذريه

واي شي تبين راسليني​

:tek:

 

[sweeta77]

يا بنات توكم عرايس ليش مستعجلين....حرام عليكم ...استانسوا هذه الفتره ما راح تتعوض

 

[.>حــــــــ(و)ـــراء<.]

مافيها شي لو نستانس ونعالج

العلاج مايمنع الوناسه

 

[lollipops]

على حسب
جسم عن جسم يفرق
بس الوزن لمه يزيد ياخر الفرص بالحمل بس ما يمنعه

 

[babloo]

اختي اشفيج مستعيله اصلا الدكتوره راح تضحك عليج اذا رحتي لها الحين

20 بالميه من الازواج الي عايشين مع بعض بصوره طبيعيه خلال ال6 شهور الاولى يصير معاهم حمل والباجي بعدين

عموما الله يرزقج انشالله بالقريب العاجل

 

[.>حــــــــ(و)ـــراء<.]

ماعتقد انها راح تظحك انا متزوجه وبكمل اربع شهور ورحت حق بدال الدكتوره

ثنتيـــــــــن ولا ضحكو ولا شي بالعكس رحبو وفيني والوحده من حقها تطمن على نفسها

واذا طلع فيها شي لاسمح الله تعالج لان العلاج يطول وبنفس وقت العلاج تقدر تستانس مع

زوجها وتطلع وتسافر وكل شي يعني العلاج مايمنع الونااااسه بالعكس الوحده

نفسيتها ترتاح لما تعرف حالتها الصحيه ​

 

[$غــ(ز)ــل$]

انا من وراي كويتيه دلوعه
خل تروح تطمن على نفسها احسن
وبعدين البنت ماكتبت الموضوع الا لانها تحاتي
واصلا اللي تفكر بالحمل سبحان الله يأثر على الحمل وعلى هرمون الحليب
حبيبتي ريحي عمرج وحللي
وان شاءالله مافيج الا كل خير

 

[محاميه الغد]

حبيبتي اذا ضعفتي ممكن المبايض تتنشط لان احيانا يكون في شحوم متراكمه على المبيض و ساعات ياثر و يسوي تكيسات
و ساعات الوزن ازايد ماله علاقه و تحملين طبيعي بس انتي نطري شوي و اذا ما حملتي راجعي دكتوره شاطره
و انشالله تحملين و تطمنينا

 

[dana1986]

تو الناس خل تمر سنه اذا ما صار روحي الطبيب

 

[فريدة]

مادريي والله شسوي