مساعده

[شمس دافئة]

مرحبا
بنات عفية من وين تشترون قمصان النوم اي محل يبيعها كشخة؟؟حدي ماعرف شي وعرسي قريب

وماعندي احد يساعدني لا ام ولا اخوات وابي ارائكم

 

[عمشه جآكسون~]

مراحب اخذي من نعومي صج غالين بس حيل حلوين واذا تحبين شوي الاوفر عندج انور والي بشرق عند مركز سلطان نسيت اسمه اختي اشترت لي قميص ب35 من محل بمجمع سندس بحولي راحت هي ومرت اخوي دريم مول بالري لقته ب4 دنانير ونفس الخامه كوبي بيست مايفرق ولا شي واخذي من لاسنزا حلوين وذربين والبنات يمدحون الجميع بس ولامره رحت له والله يوفقج

 

[دهن العــود]

رد : مساعده

اقوووول اللحقي على تنزيلااات انوااار بالبيرق بالسرداااب نص محلات البيرق تنزيلاات الحين حتى انوار


موفقه

 

[7noOna]

رد : مساعده

حياتي والله لاتحاتين احنا اهني حسبة خواتج انشالله


:aha:



انا احلى شي شفت بهالأماكن::

الجميــع << الفرع اللي بالديره ،، ترا شوي غالي لأن ماركاته امريكيه و ايطاليه ،، شريت قميص ناعم حده بـ 33 بس دش مزاجي لووول

ماركس اند سبنسر<< روحيله بالتنزيلات ترا نص السعر ،، يعني اسعاره بـ 15 و جذي

ماكــس << حده عجيييب ويشوق و بلآآآش الحين تنزيلات على دينارين وثلاثه و في اطقم مع اروابهم وتايقر وحركات

سنتربوينت << عنده شغلات نااعمه وذربه و هم رخيص ،، شريت منه جم قطعه على اربع و خمس دنانير

 

[ضاقت علي دنياي]

الحين كل المحلآت تنزيلآت ،،

لحقي عليهم ،،،

عندج لآسنزآ ونعومي وانور مآكس ورد تآغ تحصلين عندهم اشيآء حلوه ..


والسوق كله سيل استفيدي منه ..

 

[[[ عيون جابر ]]]

للرفع

 

[المـــــها]

نعومي روووعه لأطقم القطعتين
الجميع للحراير و الشيفون و بجايم الحرير شغل ناعم مثل المسلسلات التركيه
محل بالنقرة الشمالي فوق نسيت اسمه بس روووووعه و شغل كتالوج أمريكي
محل آيس كريم بدريم مول اللي بالري رووووعه
محل بالحمرامول الدور الثاني تقريبا قبال محل فخري للبجايم

 

[جذابه بنت ذيابه]

رد : مساعده

نعوووومي وانور ولاسنز



وبس فديتج