مساعد عاجله يالغاليات ضروووووري بخصوص الاراضي والعقارات

[brettey]

اشلونكم ياحلوات
صديقتي عزيزه عليي حيل تبي تاخذ قرض عشان تشتري لها شقه وتبيها بحدود 25 الف لان البنك يعطيها بس 30 الف واهي تبع بيت التمويل وتبي تحول الشرق الاوسط وعندها مديونيات بحدود 8000 دينار يسكرونهم لها ويعطونها تقريبا 30 الف
وشنو تنصحون تشتري شقه او ارض بجبد مثلا ياخور (جاخور) واهي امكانياتها ب 25 الف
واهي محتاجه انها تشتري لان حياتها مع زوجها مو مستقره مع زوجها وكل ساع يهددها بالطلاق وعندها ولدين فتبي تضمن لها شي باسمها للمستقبل يكون ذخر لها ويحميها من غدر الزمن وزوجها
خصوصا ان اهلها ما يشيلونها

تكفون شوروا والي ترد عسى ربي يحقق لها كل الي في بالها ويسعدها دنيا واخره

 

[brettey]

للرفع

 

[S.O.S]

دام وضعها مو مستقر خل تشتري لها شقه احسن لها وراح تحصل شقق شكثر بالسعر اللي تبيه .. بس خل تدوور عدل او تروح لاي مكتب عقاري

 

[ام هجورة]

حبيبتي انا ما ايد تاخذ قرض لان اذا اهي اوردي عندها قرض ب 8000 دينار
واذا راح تاخذ قرض ب 30 الف رهذا غير الفايدة اللي ممكن تكون 15 الف وما فوق يعني راح تدفع اكثر من 38 الف
حرام تاخذلها قرض علشان شقة
خل تصبر اشوي وتجمع او تسدد اللي عليها احسن لها وبعدين تاخذ قرض وتشتري شقة وتدغعه في مدة اقل لانه كل ما قلت مدة دفع القرض راح تقل الفاااااااااااايدة حييييييييييييييييييييييييييييييييييل
والله يصبرج

 

[Nokia N95]

خل تنطر المعارض العقارية ....

مرات تقدر تشتري شقة بالاقساط ... و القسط يندفع من اجار الشقة ...

 

[brettey]

ماقصرتوا ربي يسعدكم دنيا واخره

 

[فانيلا]

افضل انها ما تشتري شقة عشان لا سمح لها باجر اذا تطلقت ما راح تستفيد من اجرة السكن من الشئون ولا المحكمه لان عندها سكن

فالافضل لها اذا عندها مبلغ تخشه وديعة على الاقل استقرار

ولا تورط نفسها بالديون محد بينفعها باجر

والله يوفقنا ويوفقكم يا رب