مسافرات امريكا2008 صوركم.. سوالفكم...مواقفكم...مشترواتكم... شاركوني

[rawona]

وايقامتنا كانت في فندق هيلتون

الفندق من برة

الغرفة دبل كوين بيد رووم

الغرفة من زاوية ثانية

الحمدلله على سلامتج شوشا ...

وناطرين سوالفج وصورج :tek:​

 

[rawona]

ما شاء الله الموضوع روووووووعه تسلمين روونه عالفكره الحلوه
وبانتظار صور الاعضاء الباقي..........
وعليكم بالف عافيه

الله يعافيج حبيبتي ..


وخلج متابعتنا :ggdw:​

 

[rawona]

السلام عليكم بنات000ومبارك عليكم الشهر000 قبل رمضان بيوم رديت من السفر كانت الرحلة خيال خيال خيال مثل ما يقولون سفرت العمر 000وانشااللة شوشا توريكم الصور لان أنا خالتها ومسافرة وياهاوبدعنا هناك بكل شي ومشكورة روونا على كل شي من معلومان00الخ

العفو حبوبه .. ماسوينا شي ..

وناطرين سوالفكم وابداعاتكم انتي وشوشا بامريكا لوووول ​

 

[rawona]

المووضووع روووووووعة
والاروع خدمتكم للبنات بكل المعلومات خصوصا راونا
شفت ناس خدومين بس نفسج ماشفت لحد الحين
عسى ربي يبارك فيج ويتمم عليج
ومتابعينكم صج حببتوني بامريكا وانا كنت كارهتها جذي بدون سبب هههههههه

بعد قلبي حبيبتي مشكوره على هالكلام والله يا ناس ماسويت شي بالعكس انا بعد استفدت من وايد بنات ..


والله يكتبلج روحة انشالله :eh_s(8):​

 

[rawona]

متابعه معاكم

يعطيج العافيه شوشا ناطرين باجي الصور

روونا وينج ؟؟؟ عسى المانع خير

ناطرينج حبيبتي

موجوده حبيبتي ..

بس ماشالله رمضان ركضة ركضة ماكو وقت والله يتقبل منا ومنكم انشالله :eh_s(8):​

 

[rawona]

روووانااااااااا حمدالله عالسلامه
عااااش من شااف هالنك
لووووووووووووووووووول حدى متاااااخره تونى اشووف التقرير
كل عاام وانت بخير بنااات ومبارك عليكم الشهرررر
امريكاااااااااا اخيييييييييييييييييه على امريكااا عوار قلب
مااتنمل انشاء الله السنه اليااايه اروحلهااا مره ثانيه
بس ازيد جيلة السوووووق اينننننن سوقهم ماينمل
كثر ماتشترينى مااايطيب خاااطرج

هلا والله ام خلودي شلونج؟ وشلون سفرتكم؟؟


مبارك عليكم الشهر ويالله همتج ويانا بالصور والمواقف لا تخليــــــــــــــــــــــــــن وعلى قولتج امريكااا عوااااااااااااار قلب وما ينمل منها وسوقهاااااااااااااااااا ايهبل


يالله ناطرينج ويانا لا تبطين علينا بالمشاركات الحلوه :tek:​

 

[rawona]

بنات ..

بما ان رمضان وصخة والناس لاهيه وانا بالدوام مو صوبي اللاب توب مالي وما اقدر انزل منه صور .. شكلي باحطلكم صور بعض الاشياء اللي شريتها تصبيره لين تصحصحون عدل وتشاركوني لووول ..


انا مثل ما قلت بالبداية اول ما ييت حجزت لحدايق ديزني الاربعة لمدة 7 ايام وفترة انتهاء التذكرة اسبوعين فكنت اروح يوم حديقة ويوم مول ..

طبعا اول مول رحتله كان MALL AT MILLENIA وايد وايد احبه هالمول واستانس اتمشى فيه ..


شوفوا شنو شريت _03BA:


اول شي علشان ما اضيع فليساتي كان بخاطري جنطة من LV فرحت على طول الستور مالهم واشوه حصلت الجنطة اللي ابيها وكان من حظي اني شريتها بهاليوم لان ماكان الا جنطة وحده داخل غير المعروضة وخذيتها وهذي صورتها ..




الحجم الكبير .. ها شرايكم فيها؟؟

وطبعا مريت محل اليهال gymboree وخذيت حق اعيالي ملابس واكسسوارات وكانوا سو كيوت .. بصراحة ماعندي صور للي شريته لهم بس باحطلكم السايت مال المحل علشان تتمشون فيه ..


www.gymboree.com واكيد بعد خذينا من غاب وجاك اند جين احب ملابس اليهال اهناك اتشوق حدهااا ..


تالي رحت محلي المفضل جوسي كوتور وخذيت منهم جنطة تشبهه هذي بس القصه اشوي غير وهم الكتابة على الجنطة غير اشوي للاسف ماحصلت صورتها بس نفس الماتيريال واللون كان براون على شوكليت ..





وخذيت منهم تريننغ اخضر عجيب خامة الفوطة وخذيت منهم بعد حق بنتي تريننغ وعطرهم جوسي كوتور ..





وتالي مريت محلي المفضل الثاني bcbg maxazaria وخذيت منهم شوز وقميصين وايد حلوين للاسف ماعندي صورهم ..


وبعدين مريت محل bebe وخذيت منهم جينز وجنطة مع بوكها ..











وطبعا مريت على macy's خمطنا منه شغلات وايد وخذيت جنطة ايغنر صوغة حق امي واسعارهم كانت وااااااااااااااو ..

يالله اخليكم الحين وانشالله تكون اعجبتكم مشترواتي لهل يوم ونطروا وشوفوا شنو شريت من سيفورا ومااك والاوت لت :eh_s(8):
​

 

[وين^العهود]

ماشاء الله روونا خوش مشتريات

جنطه LV وايد حلوه

وعليج بألف عافيه

وجيمبوري وايد احبه كله اطلب منهم حق بنتي

 

[غلا غلاتى]

خوووووش مشتروات رونا وعليج بألف عافية0000بسي بجي000 ينن لما رحت أوت لت ينيت قمت أخمط أنا بصوب وشوشا بصوب كانت الأسعار خيالية000لووووووول

 

[malekatsabaa]

وااااااااااااااااو

الحنطه الLvعجيبه..
اتقطعينها بالعافيه..
وايد كانت بخاطري..وكل فتره افتح موقعهم واشوف يابو ايدد منها ولا لأ...بس ليلحين ما يابو..
وناطره احد من الاهل يروح لندن اييها لي ..اكيد ارخص من الكويت!!!
وتقريبا نفس المحلات الي شريت منها بس للاسف مارحت الملينيا....وخذيت شتوي حق بنتي من هارت سترينغس..

آآآآآآآه..ما شبعت ابي اروح بعد...صج ديره تفتح النفس!!

عموما مشترواتج كلها ذوق..ووهذا شي متوقع منج حبيبتي!!

 

[×~NoOoSh~×]

هاى بناات انا امتابعه تقريركم ماشالله روعه بس عندى سؤال

انا ان شالله السنه اليايه اسافر امريكا او نبى انرووح دزنى شنو تنصحوونى فنادق او جم توقعوون التكلفه حق اسبووعين كلنا adult4
او شنو فى مجمعات قريبه
سورى ثقلت عليكم بلاسئله وشكرا

 

[rawona]

ماشاء الله روونا خوش مشتريات

جنطه LV وايد حلوه

وعليج بألف عافيه

وجيمبوري وايد احبه كله اطلب منهم حق بنتي

الله يعافيج حبيبتي ..

وصج سوقهم عجيب وماركاتهم حلوه وجمبوري وايد حلو وملابسه ذربة للطلعات والزوارات البنات يطلعوون سو كيوت واتصدقين غاب امريكا غير اللي بالكويت ملابس اليهال اتينن وايد احلى من الكويت ..

وانشالله باكتب عن الاوت لت والسوق الثاني والمشتروات اللي شريتها من اهناك بعد تابعوني :eh_s(8):​

 

[rawona]

خوووووش مشتروات رونا وعليج بألف عافية0000بسي بجي000 ينن لما رحت أوت لت ينيت قمت أخمط أنا بصوب وشوشا بصوب كانت الأسعار خيالية000لووووووول

انتي حتقوليلي ..

انا وصلت فيني اني تحسفت اخذ جنطة ماركة ثانية كان في بالي فيرساتشي تحسفت اخذها وقلت بفلوسها اخم سوقهم كله لوووول كل شي يغري اهناااك ماتدرين شنو تاخذين وشنو تخلين ويمكن انا نوعي اشتري حق سنه جدام فما اشتري وايد من الكويت لان يكون عندي اللي يكفيني وبس اروح اهناااك انهبل لووول ..

يالله وين شوشا؟؟ ناطرينها اتكمل تقريرها علشان انمشي وياها بالصور والتقارير ..




اوركيــــــــــــــــــــــــــدا ... وينج؟؟؟؟ عسى المانع خير ؟؟ ​

 

[rawona]

وااااااااااااااااو

الحنطه الLvعجيبه..
اتقطعينها بالعافيه..
وايد كانت بخاطري..وكل فتره افتح موقعهم واشوف يابو ايدد منها ولا لأ...بس ليلحين ما يابو..
وناطره احد من الاهل يروح لندن اييها لي ..اكيد ارخص من الكويت!!!
وتقريبا نفس المحلات الي شريت منها بس للاسف مارحت الملينيا....وخذيت شتوي حق بنتي من هارت سترينغس..

آآآآآآآه..ما شبعت ابي اروح بعد...صج ديره تفتح النفس!!

عموما مشترواتج كلها ذوق..ووهذا شي متوقع منج حبيبتي!!

ملكة يالله خيرها بغيرها واليايات اكثر انشالله وتروحين المالينيا مره ثانية انشالله ..

ولاتخافين انا رحت عني وعنج لوووووووووووول ​

 

[rawona]

هاى بناات انا امتابعه تقريركم ماشالله روعه بس عندى سؤال

انا ان شالله السنه اليايه اسافر امريكا او نبى انرووح دزنى شنو تنصحوونى فنادق او جم توقعوون التكلفه حق اسبووعين كلنا adult4
او شنو فى مجمعات قريبه
سورى ثقلت عليكم بلاسئله وشكرا

حبيبتي امريكا اسبوع مــــــــــــــــــــــــــــــاتسوى يا 3 اسابيع يابلا

بالنسبة لاورلاندو اللي بفلوريدا فيها اكبر ديزني 4 حدايق و 2 ووتربارك .. بالاضافة الى اليونيفيرسال والسي وورلد والبوش غاردن ..


والسوق عندهم مولات وايد احلاها الميلينيا وفلوريدا مول .. وعندهم اوتلتين البريميوم والبرايم .. وعندج بعد ديتونا بيتش منطقه ساحلية تبعد عن اورلاندو ساعة بالسياره وميامي تبعد 3 ساعات ونص بالسياره ..

وبالنسبة للشقق الفندقية باورلاندو اسعارهم بين 50 دينار الى 100 دينار بالليلة وعلى حسب انتي وين تبين تسكنين وشنو حابة ..

وموفقه حبوبه ​

 

[×~NoOoSh~×]

حبيبتي امريكا اسبوع مــــــــــــــــــــــــــــــاتسوى يا 3 اسابيع يابلا

بالنسبة لاورلاندو اللي بفلوريدا فيها اكبر ديزني 4 حدايق و 2 ووتربارك .. بالاضافة الى اليونيفيرسال والسي وورلد والبوش غاردن ..


والسوق عندهم مولات وايد احلاها الميلينيا وفلوريدا مول .. وعندهم اوتلتين البريميوم والبرايم .. وعندج بعد ديتونا بيتش منطقه ساحلية تبعد عن اورلاندو ساعة بالسياره وميامي تبعد 3 ساعات ونص بالسياره ..

وبالنسبة للشقق الفندقية باورلاندو اسعارهم بين 50 دينار الى 100 دينار بالليلة وعلى حسب انتي وين تبين تسكنين وشنو حابة ..

وموفقه حبوبه ​

مشكووره حبيبتي او ما قصرتى

 

[rawona]

العفو حياج :tek:​

 

[rawona]

بنـــــــــــــــــــــــــــــــــاااااااااااااااااات وينكم؟؟؟؟؟؟؟؟؟


شوشا ... ملكة ... اوركيداااا ... كيوت باي... توفي... وين اللي بيحط وياي الصور ويشارك بالموضووووووووووووع؟؟؟ غطيتوا مع رمضااان لووول .. عموما انا باكمل الموضوع اشوي باحركة وانشالله المره اليايه القى مشاركاااااااااااات


وين العهووود خلج ويانا انتي بعد _03BA:​

 

[rawona]

نرجع انكمل مع بعض .. واللي يحبووون سوالف السووووووووووووووووق كاني باكتبلكم عن السوق بس شاركوا بالحديث مو "اسكب"

مثل ما قلت انا يوم وترك اروح السوق .. اول مره رحت الميلينيا وقلتلكم شنو شريت ..

والحين باقولكم روحتي الثانية للسوق كانت لفلوريدا مول ..

المول مستواه زين وباقولكم اول شي عن اهم المحلات اللي فيه وتالي اقولكم شنو شريت منه ..

يالله نبتدي _03BA:

المول فيه اربع محلات رئيسية اللي يسمونهم department stores وهذيل طقة ديبنهامز اللي فيهم كل شي مكياج ، عطورات، جناااط، جواتي تكرمون، ملابس اكبار واصغار، حريم ورياييل، ملابس داخلية وبجامات، وكل شي تقريبا حتى سوالف البيت مواعين وشراشف وكفرات واطقم حمامات وكل شي تقريبا ..

اهم اربعة في فلوريدا مول اهم





ميسيز ..







نوردستروم ..









ديلاردز ..








وsakes 5th avenue

وهالاخير فيه ماركات غالية شوي مثل ديور وفيندي وبرادا وجوسي كوتور وسان لورانت ووايد ماركات ما تحضرني الحين واللي طقته واحسن منه بعد neiman marcus اللي في المول ات ميلينيا ..


وفي بعد بفلوريدا مول سيرز ..


ومن اهم المحلات بعد بفلوريدا مول ..




غااب ..
وايد حلو وبضاعته غير الكويت ..





بي بي للملابس والجناط والاكسسوارات بس الساعات موجوده بس بالمالينيا ..




كوتش معروووف للجناط الراقية والجلديات مثل البواكة والحزم وميداليات المفاتيح وعندهم بعد تكرمون جواتي حلوه وسكارفات وساعات واسعار الجناط تتراوح بين 230 دولار الى 1000 دولار على حسب نوع الجلد المستخدم والستايل ..



يتبع ..





​

 

[shusha]

بنـــــــــــــــــــــــــــــــــاااااااااااااااااات وينكم؟؟؟؟؟؟؟؟؟


شوشا ... ملكة ... اوركيداااا ... كيوت باي... توفي... وين اللي بيحط وياي الصور ويشارك بالموضووووووووووووع؟؟؟ غطيتوا مع رمضااان لووول .. عموما انا باكمل الموضوع اشوي باحركة وانشالله المره اليايه القى مشاركاااااااااااات


وين العهووود خلج ويانا انتي بعد _03BA:​

شلونج روونة
اي والله غطينا برمضان .. ما تصدقين انا لي الحين معتفسة نومتي ما ادري شسوي :ch12:
ان شاء الله بكمل معاج الصور بس ماني ماشية بالدور .. راح احط صور على حسب السوالف اللي نسولفها _03BA: