مسافرات سويسرا وينكم!!..

[MissChoco]

الســــلام عليكم,,, شلونكم بنات !!



وانا احوس بالمنتدى مالقيت احد ياب طاري سويسرا معنه ماشاء الله السفاره زحمه وتقديم الفيزا يعطونكم بعد شهر من كثر الزحمه ,,



المهم,,, ابي كل وحده اتقول متى بتروح سويسرا و وين بتسكن اي منطقه وجم يوم ,, واسم الفندق !!
وهل بتاخذون سياره او تعتمدون على الباصات..




بانتظاركم ,, :eh_s(7):

 

[macintosh]

انا انشاءالله رايحة سويسرا وفرنسا

سفرتنا الله يسلمج 7/9 وبنقعد فيها 3 اسابيع

وع طاري السفارة الحمدالله فيزنا مبجر وخلصنا عطونا ياها بعد اسبوع

بالنسبة لسويسرا بنقعد اول شي بفندق بمنطقة قريبة من جنيف بس اهي منطقة فرنسية

يومين بعدين بروح باريس بنقعد فيها 5 ايام وعقب بنرجع نريح يومين بنفس المنطقة

الفرنسية الي نزلنا فيه أول مرة (قريبة من جنيف) لأنه درب 5 ساعات بينها وبين باريس

وعقب يتعدل خطنا >> انترلاكن اسبوع >> لوقانو 6 ايام وعقبها نرجع جنيف يومين

وهي الردة

شوي خطة الرحلة احنا عفسه لووول بس لانه باريس طرت علينا عرض
فيعني يكون مغامرة >> الله يستر

فنادقنا

فيرني فولتير / Ferney-Voltaire (منطقة فرنسية قريبة من جنيف )

Novotel Genève Aéroport France

باريس
Novotel Paris Gare De Lyon

انترلاكن
Goldey Swiss Quality Hotel

لوقانو
Continental Parkhotel

يالله مس شيكاغو دورج .. وين بتروحين بسويسرا وشنو فنادقكم

 

[ملكة بيتي]

انا هالمره زيورخ اول مره ماعرف فيها شي
ايش تنصحوني فيها ياحلوين[/left]

 

[قانونية]

انا توني راده من سويسرا ا

اذا تبون اساعدكم بشي

 

[جاكليت]

انا توني راده من سويسرا ا

اذا تبون اساعدكم بشي

يعطيج العافيه

انا بغيت اعرف عن فنادق انترلاكن واسعارها

 

[LA TROO7]

الصيف اللي فات كنت فيهاا هاديه ديرة استجمام واسترخاء بعكس لندن تماما

 

[عبير-الشرق]

حبوبات كويتيات
الصيف الي فات رحت جنييف قعدنا فيها اسبوع سكنت بفندق كونافييني كنا نروح البحيره مشي واستخدمنا الباصات بالرحلات بره جنييف والقطار لما رحنا قريه زيرمات وسكنا بفندق كان حلو بس نسيت اسمه على العموم القريه صغيره وكل فيها مشي اونس وبعدها كملنا رحلتنا لباريس ولندن بس سويسرا بكل مناطقها عجيبه وهاديه ونظيفه

 

[قانونية]

يعطيج العافيه

انا بغيت اعرف عن فنادق انترلاكن واسعارها

عندج فندق متروبوليتان عجييييب الاسعار تتغير شوفيهم في بوكنق

 

[MissChoco]

هلا بنات ,, انا ان شاء الله ناويه جنيف ويمكن افكر بانترلاكن


macintosh
تبين الصج سفرتكم حوسه لووول بس على قولتج مغااامره وماعليه ترا وناسه اذا انتي وريلج ان شاء الله بتستانسون وصج بسالج بتاجرون سياره؟
انا ناويه ان شاء الله اسكن بجنيف وليلحين ماحجزت فندق يا اختار بريستول او ابسون او الورويك وبسكن فيها 8 بحيل الله
والله يسهل عليكم ويسهل علينا



قانونيه هلا والله حبيبتي بسالج انتي وين سكنتي بجنيف؟ وقوليلنا رايج بالفندق,, واجرتو سياره ولا رحتو مع مكاتب السياحيه الي موجوده اهناك؟

 

[MissChoco]

عبير قوليلي شلون فندقكم من ناحية وسع الغرفه والنظافه ,, واهم شي الحمام زين؟


ملكة بيتي زيورخ ماعرف فيها شي بس قريبه وايد يم المانيا روحو ميونخ وهمن قريبه يم النمسا تقدرون تروحون زلمسي وفينا وتقدرون تروحون يورو بارك


لا تروح هلا والله فيج ادري فيج انتي تروحين لندن اذكر في سفره كنتي بلندن وانا فيها ياحلو لندن, لندن غيييييييييييييييير

 

[فله]

حرام تسكنين بجنيف زحمه وخيسه ومافيها الا البحيرة
روحي لانترلاكن كل شي فيها وسكني بالاكواخ انا ان شالله ناويه
انزل مطار جنيف وع طول انترلاكن 7 ايام منها ازور زيوريخ وبيرن وزيرمات وهايدي لاند
وبعدين لوقانو 3 ايام ومخصصه يوم لميلانو 70 كم
وبعدين 3 ايام ديفون بفرنسا

 

[عبير-الشرق]

حبيبتي فندقنا حلو من ناحيه النظافه ومن ناحيه الغرف عاديه موالكبر الي تبينه بس انتي طول اليوم بره الفندق واكثر فنادق اوربا غرفهم تعتبر صغيره الا اذا حجزتي سويت بس السعر اكثر واذا حجزتي الفندق اطلبي الادوار 7 و8 و9 لانهم مجددينها بس شوفي الحمام اللي من جهة البحيره طوفته جام بس مظلل يعني الي داخل مايبن انا خذيت الغرفه هذه لانها مطله علي نافوره جنييف تشوفينها من بعيد بس الناحيه الثانيه محطة القطار مابغيته وبعدين تروحين للبحيره مشي والنافوره مشي اذا فيج شده للمشي بالنسبه للنافوره والقطار قريب يمج ومانور قريب ومطاعم قريبه يعني مشي بمشي وناسه

 

[جاكليت]

تكلفة الباصات والرحلات شلون

 

[أم عمر العتيبي]

الله يسرلنا السفرولكم حبيباتي
احنا حجزنا بجنيف لليلتين وناسيه اسم الفندق بس اهوقريب من البحير نروح لها مشي بعدين بروح انترلاكن حجزنا بقريه
قريبه منها اسمها قريندل والد11ليله بتكون المقرالرسمي لنا وكل يوم بنزور قريه من القرى القريبه ورد
شرايكم لانه مالي خلق على الشيل والحط ومعاي اعيالي
والله يتمم على خير

 

[MissChoco]

فله من صجج انا وديييييي بس ريلي واقفلي مثل البلعوم يقولي مانبي سياره وانا اقوله والله سهله يقولي لا انتي ماتدرين عن قوانينهم اصلا انا مجربه السياره باوروبا سهله!! واهوا مجربها بس مادري ليش مايبي
ولا جان زييين انا ودي على انترلاكن واخاف اروح ماكو مكاتب سياحيه تسوي رحلات!



عبير السوق ,, صاجه غرف اوروبا كلها صغيره بس في فنادق تكون كبيره انا سكنت بزلمسي وفينا وسالزبورغ وميونخ غرفهم كبيره, بس لندن غرفهم صغيره وفرنسا بعد وجم ليلة فندقكم؟ بطلعه ببوكنق ماقدرت



جاكليت لازم يبيلج ميزانيه على حد 2000 حق شخصين منها مواصلات واكلكم وسوقكم غير انتي بروحج يبيلج مصرف حق السوق,, وطبعا انا اقولج على حسب كل شخص يمكن انتي وريلج يبيلكم بس 1000 ويزيد عليكم
بس انا مجربه بكل سفراتي مع اهلي ونكون مثلا 7 اشخاص انقط على حد 8 تالاف اذا مو اكثر بس طبعا التشري بالهبل
وكانت الرحله 25 يوم



ام عمر اي والله خوش مخطط انترلاكن قريب يمها كل شي ,, والله يسهر عليكم يارب انتو بتاخذون سياره؟

 

[أم عمر العتيبي]

ان شاء الله بناخذ سياره فديتك

 

[MissChoco]

ام عمر اي احسلكم سياره صراحه راحه وخصوصيه,, انا اتمنى سياره بس ريلي مايبي

 

[MissChoco]

وينكم بنات!

 

[عسولة الكويت]

ورونا مخططاتكم نستفيد انا للحين ضايعه مادري منين أبدأ

 

[عنووو]

مرحباا صبايا ماشالله اشووف الكل بيرووح سويسرا

المهم انا سفرتي تاريخ 15/6

يعني يوم الاربعااااء وخطة سيري اول شي بنقعد 11ليالي

طيارتنا طبعا بتهبط في مطار جنيف وعلى طول بنروح بيرن اللي هي العاصمه

وناخذ فيها ليلتين وبعدها انترلاكن بنقعد فيها 3 ليالي وللحين ماحجزنا الفندق من الزحمه كل ماحجزنا في فندق قالو مافي الا ليلتين

وليلة الاحد مافي لانها عطلتهم

وبعده بنروح ميلانو وبنقعد فيها 3 ايام واحلا تسوووق هناك احلا شي الماركات يقولون اقل من اسعار الكويت بنص السعر

وبعدها بنروح لمدينه في فرنسا اسمها نانسي مدينه هاديه وطبيعه تجنن وبنقعد فيها ليلتين وبعدها بنروح لجنيف ونقعد فيها ليله يعني يووم كامل انا ما احب الزحمه وجنيييف زحمه احنا نبي ننحاش من زحمة الكويت نروح زحمة جنيف هههههههههه
وبعده نرد الكويت من مطار جنيف

وسلاااامتكم ​