مسافرة إلى فرنسا للعلاج و متوهقه حدي

[silkhair]

السلام عليكم بنات :68_asmilies-com:
أنا أول مره أسافر لدوله أجنبيه وراح أسافر حق فرنسا للعلاج (طفل صغير)
أبي المساعدة من الجميع و عندي وايد أسأله أولها عن المكتب الصحي في فرنسا شنو سالفته طناش و مافي أحساس ؟:eh_s(14):
إذا جاء الرد من فرنسا و عطونا الموعد الإجراءات في الكويت تطول ؟
الفيزا الفرنسية تطول مثل الأمريكية؟
الأجراءات في المطار في فرنسا تطول خاصتا إذا الحاله طارئه مع دكتور و ممرضه ؟
المستشفيات بفرنسا في حالة الدخول المباشر يكون فيها مرافق لطفل أقل من سنه ؟
مستشفيات فرنسا للجهاز الهضمي ممتازة و لا لأ؟
الأفضل نحجز فندق من الكويت و لا إذا وصلنا ؟
المستشفى في باريس الأفضل نحجز في باريس و لا في لاديفاس ؟
الأفضل نحجز فندق و لا شقة مع العلم المدة غير محددة ؟
شنو لازم أخذ معاي من ملابس و ماجله ؟
هل الأسعار في فرنسا تتغير في فترة الشتاء عن فترة الصيف ؟
أدري أسألتي وايد بس أعذروني متوهقه ؟
مشكورين بنات و رجا لا تطنشون فيني ​

:eh_s(6):

 

[silkhair]

:0bee2e8d89::0bee2e8d89:

 

[silkhair]

شدوعة بنات محد رد علي وينكم

 

[الام الحنون]

السلام عليكم ورحمة الله

انا توني راجعه شهر 7 من فرنسا علاج لولدي

وبما اني كانت عندي نفس اسالتج قبل ما اسافر حبيت اني افيدج


التاخير وارد احنا اوراقنامن اول 3 وما جا الرد الا اول 7 الخلل تدرين من وين؟؟؟للاسف من الكويت مو من فرنسا طبعا احنا دايما نروح لهم اللي اهنيه بالكويت وعذرهم انه دزينا فاكس وللحين ماجا الرد

طبعا يوم جينا فرمسا ولا معطينا موعد في شهر 5 بس الخلل والقصور كالعاده من الكويت:eh_s(14):



طبعا الكذب موجود وناس وناس للاسف


طبعا من ناحية الاحساس ماكو منعدم

انتم اهم شي تابعوا الموضوع كل يوم روحوا لهم لاتكتفون بالتلفون


طبعا الاجراءات بعدالموافقه ما طول ابد

ومن ناحية السكن احجوا ضروري ضروري ضروري من الكويت لانه اهناك ادوخون على الاقل اول اسيوع وبعدين اذا

عرفتوا الديره احجزوا شقه ارخص لكم واوسع طبعا انحاشوا من العرب الموجوديين اهناك اللي ياجرون شققهم نصابين

طبعا الماجله اخذها معاج ضروري اغلبيه الاكل اهناك حرام ودهن خنزير وغير النظافه:krkrkr:

العيش جبناقلاص تونه فول حمص شوربة ماجي وكويكرز بهارات ملح فلفل سكر شاي ينسون ابن سينا كل يوم تشربونه ع

علشان انفلوانزا الخنازير شاي عادي بسكوت سفره

برد على اسالتج الفبز ماتطول 10 ايام

وفي المطار الاجراءات سريعه بس المشكلةفيعدم وجود اي شخص يشيل الاغراض او يدز العربانه اهم شيالجناط

خليهم اصغارولاتكثرين الملابس واهم شي جيبي معاج ابريق للحمام ( عزج الله)


الاسعار ما ادري عنها تتغير ولالابس اللي شفته الاسعار موت احمر

المستشفيات ما اعرف مالت الجهاز الهضمي انا رحت للعيون مع ان الديره ماكانت مشهرة لعلاج العيون


يعني لاتحاتين والسهاله من الله والله يشفي وليدج وتروحون وترجعون بالسلامه​

 

[eng.lomi]

يا الغالية انا يوم الجمعة رديت من باريس كنت يرحلة علاج مع بنتي عمرها سنتين فيها اسم الله عليكم لوكيميا, كانت تعالج بمستشفى armand trousseau اهو مستشفى حكومي للاطفال وكل مستشفى وطريقتها يعني في مستشفيات يرضون ينومون مرافق في مستشفيات لا, والافضل يكون السكن قريب من المستشفى. احنا رحنا عن طريق الدفاع ومكتبهم بشكلل عام زين. الصراحة ما توهقنا وايد هناك لاننا رايحين لها من قبل مع انهم ما يحبون يتكلمون انجليزي بس الحمدلله كان معانا مترجم.

انصحج اذا كنتي بتروحين باريس انج تسكنين بأقرب ضاحية من ضواحيها للمستشفى, لان الشقق تكون ارخص وهم يكون فيها وايد مسلمين يعني تحصلين لحام وبقالات وفيها كل شي يعني لا تكثرين وايد ماجلة الا اذا عندكم واسطة حق الوزن. وبالنسبة حق الانفلونزا ترا ماعندهم الخبة اللي مسوينها هني, عايشين حياتهم عادي.

وأي سؤال انا حاظرة وان شالله اقدر افيدج والله يشافي مريضكم ومرضى المسلمين

 

[بلقيس المغرب]

كل عام وأنت وطفلك بألف خير
من أجل عيونه أنا تحت أمرك في أي ترجمة فرنسية أو أي بحث على الانترنت باللغة الفرنسية

 

[silkhair]

السلام عليكم بنات مشكورين على الرد على اسألتي
الأم الحنونه :مشكورة ياعمري بس بغيت اسالك عن مكتب السياحة الذي حجزتوا منه ؟ وهل كان زين الفندق و لا لأ؟
بغيت أسأل عن المكتب الصحي الذي تبع وزارة الصحة كم يصرفون و كيف و هل هو أسبوعيا و شهريا لأننا شكلنا مطولين على قولة الدكاتره إهنيه ؟​

 

[silkhair]

أنج لومي مشكورة ياحياتي
الله يشفيلك بنتك و يبلغك فيها إنشاء الله
بغيت أسألك عن المترجم و ين حصلتوه و كم في الساعه و شنو جنسيته ؟

 

[silkhair]

بلقيس المغرب مشكورة حبيبتي ماتقصرين و إنشاء الله إن بغيت ترجمه أنت أول من راح أدور عليها .

 

[دلال فخرالدين]

اعزائي
انا مترجمة لغة فرنسية لبنانية اسكن في ضواحي باريس اتقن الترجمة الطبية وعندي خبرة كبيرة في هذاالمجال
اسعاري معقولة الله لا يحيجكم للعمليات اتقن اللهجة الكويتية لأني عشت بالكويت 8 سنوات
اسمي دلال ارسلوا لي ايميل على عنواني [email protected]
مستعدة للمساعدة في اي شي تطلبونه
فقط راسلوني

 

[قمربلادي الكويت]

يا الغالية انا يوم الجمعة رديت من باريس كنت يرحلة علاج مع بنتي عمرها سنتين فيها اسم الله عليكم لوكيميا, كانت تعالج بمستشفى armand trousseau اهو مستشفى حكومي للاطفال وكل مستشفى وطريقتها يعني في مستشفيات يرضون ينومون مرافق في مستشفيات لا, والافضل يكون السكن قريب من المستشفى. احنا رحنا عن طريق الدفاع ومكتبهم بشكلل عام زين. الصراحة ما توهقنا وايد هناك لاننا رايحين لها من قبل مع انهم ما يحبون يتكلمون انجليزي بس الحمدلله كان معانا مترجم.

انصحج اذا كنتي بتروحين باريس انج تسكنين بأقرب ضاحية من ضواحيها للمستشفى, لان الشقق تكون ارخص وهم يكون فيها وايد مسلمين يعني تحصلين لحام وبقالات وفيها كل شي يعني لا تكثرين وايد ماجلة الا اذا عندكم واسطة حق الوزن. وبالنسبة حق الانفلونزا ترا ماعندهم الخبة اللي مسوينها هني, عايشين حياتهم عادي.

وأي سؤال انا حاظرة وان شالله اقدر افيدج والله يشافي مريضكم ومرضى المسلمين

السلام عليكم
حبيبتي الله يخليج ضروري انا موديه بنتي انحناء بالعامود الفقري وبروحنا وخايفه
نفس مستشفى بنوتج اشلون المستشفى ومعاملتهم والمكان والامان تكفه ساعديني بليييز

 

[قمربلادي الكويت]

اعزائي
انا مترجمة لغة فرنسية لبنانية اسكن في ضواحي باريس اتقن الترجمة الطبية وعندي خبرة كبيرة في هذاالمجال
اسعاري معقولة الله لا يحيجكم للعمليات اتقن اللهجة الكويتية لأني عشت بالكويت 8 سنوات
اسمي دلال ارسلوا لي ايميل على عنواني [email protected]
مستعدة للمساعدة في اي شي تطلبونه
فقط راسلوني

السلام عليكم
حبيبتي احتاجج ضروري انا رايحه مع بنتي بروحنا واحتاجج
راسليني خاص بليييز