مسافره مع عيالج من قبل ؟؟؟؟ ابي مساعدتج ..

[كوكاكولا]

هاي بنات .....

ما أطول عليكم
بسافر ان شاء الله هالصيف بروح جنيف و باريس

باخذ بنتي عمرها سنتين ونص ..

حدها شيطانة ..

شلون اتعامل معاها وشلون اخليها ماتمل من الطريج ؟؟

 

[randomy]

توني بسأل

بس انا عندي بنتين الاولى سنتين ونص ، الثانيه سنه بس دبدوبه

ينفع اسفرهم معاي انا السفرة اللي طافت خذيت الكبيرة معاي ماليزيا وكان كل شي اوكي

تتوقعون اذا خذيتهم ثنتينهم اتأذى ؟؟

مابي اخليهم

 

[white**angel]

انا ما عندي عيال بس مجربه السفر مع يهال
صدقيني اليهال ما يسكتون الا اذا خذيتي معاج اشايء تونسهم وتلهيهم بالطياره
يعني اخذي حلاو ككاو وبسكوت والعاب واخذي البي اس بي
وقعديهم من الصبح عشان لي اركبوا الطياره يخنسون ويكون مالهم خلق وينامون
وانشالله ما تأذيج

 

[واصله]

حبيبتي نصيييييييحة لا تاخذين لصغيرة
اولا صغييييييرة
وثانيا ماراح تفهم او تستانس بالعكس بتتعب واتعبكم معاها
حرام خليها اهني مرتاحة بدل ما تغربلينها وانتي اتغربلين معاها
انتي رايحة تستانسين ولا تتاذين
حرام يتغير عليها الجو وبسم الله عليها تستمرض ماتسوى عليج
انا ما انصحج تاخذينها
شوفي انا عيالي توني اول سفرة باخذهم واحد 6 سنين الله يحفضة والثاني 4 عالاقل يفهمون ويستانسون

 

[منورة الكويتية]

انا احس صعبه السفر بدون اليهال
انا سافرت عقب ولادتي ب5 شهور وكانت بنتي حيل صغيره ف عشان جذي ماخذتها
بس من وجهة نظري فوق السنه خلاص ماخلي عيالي احس صعبببببببببببببببببببببه
وكل ماكبر الياهل كل ما الام تعلقت فيه ف احسن لج اخذيههم كلهم عشان انتي ترتاحين نفسيا
والدرب مو طويل وايد والجو حلو ماراح تتعب ان شاء الله

 

[مشمشة رمانة]

والله شوفو بنات انا عن نفسي سافرت مع بنات اسم الله عليهم وكان عمرهم سنة ونص واااايد تاذيت وياهم بس موبطريج لطيارة لا


بالسيارة لما اجرنا في اوربا تأذو حبايبي وااايد بالتنقل من دولة الى دولة لكن عموماً الياهل من يوصل سنتين ماينهد لانة نفسياً يتعب ويدور امة وابوة

فحرام تخلينهم وانتي تستانسين وبتروحين دزني والله مالج خلق تلعبين ولا شي لانة تتنقصي كل لعبة حق عيالج

انا اقول تعوذي من ابليييس ... بس خليهم ينامون بالطيارة واخذي لهم العاب وتلوين وستكرات وخلاص واهناك كلة تمشي بالعربانة موحاسين بشي وبيستانسون مساكين كل يوم طلعة وتكشي ووناسة ..


مايعورج قلبج تخليتنهم اهنية محكورين الحر وانت اهناك مستانسة !!! وعلييييية مساكين !!

 

[كريستال]

عادي السفر بالاطفال شوي متعب بس احسن من انه نخليهم فديتهم


بس الشي الصعب انج ماتستقرين بمكان واحد هني التعب الصجي

التنقل من مكان لمكان وفندق لفندق متعب للام والطفل

اهم شي اخذي معاج العاب لهم وحلويات وشوكليت عشان اتلهينهم

ويارب تستانسوون

 

[كريستال]

اي وانا اخذ معاي ترموتر للحراره ان شاء الله ماتحتاجينه

بس احتياط

وحق الطياره لاتنسين المريله عشان مايبهدلون ملابسهم ولو تغيرين لهم فالطياره لبيجامات << انا اسوي جذيه

وملابسهم فالطياره لازم تدفي لانها بارده عليهم

والله يحفظكم

 

[alhayen]

خير الكلام ماقل ودل :

اخذيها معااااااااج ... ومافي احلا من اذيّت عيالنا

الله يحفظهم ... قولوا آمين ....

 

[اشراقة الحياة]

خير الكلام ماقل ودل :

اخذيها معااااااااج ... ومافي احلا من اذيّت عيالنا

الله يحفظهم ... قولوا آمين ....

:rerrerek::rerrerek::rerrerek:

اي والله ..........فديتهم وفديت اذيتهم .......

عسا الله يخليهم حقي ويعطيني.طولت العمر وونسهم .....

والله اني ما ابالغ اذا قلت راحتي براحة عيالي ........

 

[rawona]

شوفي انا باقولج شتسوين ..


انا مثلج معاي بناتي الاثنين ..


الصغيره سنتين ونص شيطانه وحركيه ..


بالنسبه لي مجرتهم بالسفر مسافات طويله ينامون بالطياره بس بالرحلات الداخليه والاسواق والمطاعم والتمشي الهيهم بهااشياء



روحي اشتري قبل السفره


1. كراسات تلوين على الشخصيات اللي تحبها بنتج واذا ما تحب اي شخصيه حبيبيها بوحده!


2. الوان خشبيه وشمعيه


3. ستكيرات على شخصيات حلوه


4. علبة طين طبي "صلصال"



5. قصص مونه وفيها صور كبيره وتجذب انتباه الطفل


6. سيدي اغاني اطفال تعليميه وسي دي بلاير



7. شباصات ملونه واكسسوارات واشياء اتحبها بنتج ..



وقعدي لهيها بهالسوالف اتخلص من التلوين اقريلها قصه .. ملت لعبيها بالطين .. خلصت شغليلها سي دي . انشاءالله تلهى وتعقل وما اتأذيج ..


اي حاولي اتيبين لها حلاو بس عطيها اياه حزت الاقلاع والوصول لانه يصير ضغط على الاذن وممكن يأذيها ..


موفقه :aha:

​

 

[كوكاكولا]

تسلمون حبيباتي ........

ماقصرتوا .......

 

[عروس الدنيا]

انا بعد من رايهم اخذيهم

 

[الجوري74]

اخالفهم بالراى>>>خالف تعرف
انا اقولج وجهة نظري
خليهم اثنينهم احسن راح تتاذين معاهم و ماراح يحسون >>>ام نحيسه
واذا ما تقدرين اخذي الكبيره عالاقل
انا عن نفسي ما اخذهم الا على 6-4 سنين شايلين عمرهم ويفهمون
:aha:

 

[ظلال القرآن]

انا بديت اخذه من عقب ال5 سنين
وايد اريح يصيرون كبار وفاهمين
الصغار ما جربت الله يخليلي مامي