مسامات تايم !!! والحل يعني !! لاعت جبدي وجبود الناس !

[الملازم أيمي]

بالضبط ..
هالموضوع اول موضوع لي في المنتدى كاااااااااااااااااااااااااااااااااااااااااااااااااااااامل !!

اقدر اسمي الموضوع
مسامات تايم !!

يا حواااء
بديت استخف !!

لاعت جبدي والله
من هالمسامات الي في ويهي
قاهرتني قاهرتني !!!!!!!!!!!!

بشرتي تهبل تهبل لو اقدر اسوي حق المسامات دليت بلوك وزحرمان
تطلع واو واو
من لون من ملمس وفوق هاي كله بشرتي ورديه وتهبل :eh_s(2):
بس الزين ما يكمل :rgewrg: المسامات مخربه على ويهي

والدهون ذبحتني !
شريت بلاوي الدنيا والدين !
واخر مره جربت كلين ان كلير ال يقولج من اول استخدام قولي باي باي :eh_s(4):
انا من اول استخدام قلت يا هلا ومسهلا شرفتي يا مسامات !!

والحين شريت لي من شيسدو
كريم مرطب وكريم حق تصغير مسام وتونك وغسول
صج اسعارهم مبالغ فيا شوي
بس وني استخدام ما صار لي وايد معاهم واتمنى يفيدوني


بنات مختصر مفيد
(((ابي تقولون لي ميك اب مناسب حق هالمسام
لان من احط ميك اب عناد تبين اوضح من قبل)))

وتوني شريت من ديوور بلاوي ميك اب
ولا فااد !!

شنو تنصحوي فيه استخدمه حق ميك اب وما تبين فيه المسامات
يعلها الموووووووووووووت !! :rgewrg:



​

 

[الملازم أيمي]

معقوووووووووووله ولا رد واحد !!

 

[ii DareeN ii]

تونك قابض للمسامات

عقبه سيرم خاص بالمسامات في من ميك اب فور ايفر - بن فيت لونه ازرق - كارجو


عقبها كريم اساس خاص بنوع بشرتج اذا بشرتج دهنيه عندج ميك اب فور ايفر كريولان الستيك ماك

اخر شي عقب البودره حطي بودره ميك اب فور ايفر الشفافه حيل حلوة وتخلي الويه صافي هذي طريقتي

 

[وردة عشاق]

حبوبة استخدمي تونك من بورجوا اللي فية فيتامين سي والله خطنطر فية بنات فادهم انا استخدمة لانة يخلي

وجهي مشرق على انتعاش جربية وادعيلي ان الله يحقق اللي ابية يتحقق ..

 

[وردة عشاق]

بس عاد ميك اب ما ميك اب انا ماستخدم الميك اب كثير بس استخدمة بالمناسبات عذريني يابطة

 

[N F N F]

وحده من الخوات الله يجزاها خير قالتلي عن كريم طبي اسمه انجيلا

سعره جنه بالعشرين تقول حل سحري للمسامات بس انا ماشريته للحين والله

وهذي صورته \ مالقيت اكبر

ودام بشرتج حلوه جربي هالكريم من بنفت benefit pore cream

يخفيها عدل والله .. لكن بدون كريم اساس فوقه

انا احطه لحاله مع بيس وسن بلوك وتختفي مساماتي صج لكن اذا حطيت

عليه كريم اساس او بدوره ترجع تبين ! واذا بشرتج حلوه حطيه واستمتعي بالحياه

بدون ميكب ولا خرابيط​

 

[انا لحبيبي .]

انتبهي المكياج بدخل جوا المسمات وبخربها بزياده ​

 

[الملازم أيمي]

:
:
:
يسلموووووووووووووو حبيبات قلبي وحده وحده

ميك اب فور ايفر ... بكره طيران ويسلموو اختي على طريقتج


بالنسبه ل بنفيت وايد وايد وايد اسمع مدح عليه .. وناووويه وبقووه وبشده اخذه
دورت في الحواج ما لقيت بروح مكان ثاني يمكن الاقي

يسلمووووو القلب كلكم

:
:
:

الملازم ., كانت هنا

 

[منار البربرية]

سنفرة للبشرة وتنظيفها وبعدها وضع تونيك يسد المسام قبل الميك اب

لا تنسين غسول البشرة يمتص الدهون انا استخدم هذا للبشره وسالي الصيدلانيه عنها بصيدلية بوتس او اي صيدليه
انا خذتها علشان استخدمها وكريم معها علشان الحبوب اللي تطلع تحت الجلد
ويمتص دهن






هذا لمنطقة الانف




بصراحه احب هالمواضيع لان اعاني من نفس الشيء
بالانف
.......

وفي طريقة الجيلاتين اللي يسوونها عند الانف ودي اجربها نقلتها لج من منتدى حواء










نخلط 1 ملعقه من الجيلاتين مع 1 م ماي ساخن او اكثر المهم مايكون الخليط سائل كثير ولا يكون جامد .... ونحرك فيه لما يذوب ولما يفتر اشوي نحطه على الانف بهذا الشكل لا تتركينه يبرد لانه راح يجمد


ونتركه من 10 الى 15 دقيقه حتى ينشف


وبعدها ننزع الجيلاتين الناشف وراح نشوف تطلع معاه كل الرؤوس السوداء


وبعدها على طول حطي ثلجه حتى نسكر المسامات


والنتيجه انف جميل لامع نظييييييف وبدون رؤوس سوداء


والروس السوداء نجدها اكثر شي بالانف والجبهه والذقن وكل هذى الاماكن تقدري تعملي عليها هذى الطريقه

...........





​

 

[hello kitty84]

من وين اشتري pore

 

[رحيييييييييل]

حبوبه جربي ماسك بياض البيض 3 مرات بالاسبوع يشد البشره ويسد المسامات
وللتاكيد سوي سيرج فقوقل عنه

 

[كادي2011]

حبوبه جربي ماسك بياض البيض 3 مرات بالاسبوع يشد البشره ويسد المسامات
وللتاكيد سوي سيرج فقوقل عنه

آنا نفس المشكله بالضبط أعاني منها واستخدمة هالماسك بس مافي نتيجه مؤقته جم ساعه ويرد
بس بجرب فور افر واااااااااااايد يمدحون شغلهم ..

 

[LoLaTi]

وانااااااااااااااااااا بعد وياج اعاني من هالمشكله

 

[..~Goolz]

حبيبتي
الي من بينفت مو عند الحوااج الله يهداج
تحصلينه ف وجوه

دائم رشي ةيهج بماي ورد بارد
واستخدمي ماسك النشاء بياض البيض

واا بشرتج ما تحسس من اليمون ضيفي لها ليمون

لان كل هالمكونات تساعد ع تصغير المساام
وخاولي تغلسين ويهج دائم لانه دهني حاولي تتخلصي من الدهون الزايده ببشرتج
وماسك الفراوله حلوو يمتص الدهون الزائده

 

[Killer^Girl]

بالمكياج ماعررف
بس في كريم بالصيدليه اسمه انجيلا
انصحج فيه وبشدة
راح يعالج المشكله بشكل كبير

 

[Tom ♥ Jerry]

.

الله يعينج مآ آحب المسامات كلش
فعلا تخرب الوي !

اب لعيونج (=

 

[الملازم أيمي]

:
:

ثاااااااااااااانكس حق كل الي ردوااا

سوري توني اجيك على موضوع

وحاليا وايد تغيرت بشرتي للاحسن وايد وايد وايد
انا مستغربه
قولوا ما شاء الله هههههههههههه

مادري اهو من ماي الورد او من الفواكه هههههههههه
او من صابون ماادري

بس وايد تغيرت وان شاء الله للاحسن

انا شريت الكريم مال بنفت بوور
واذا احد يعرف طريقته اذا بحطه مع ميك اب شلوون

يعلمني


ثااانكي حق كل الي ردوا

ما قصرواااااااا

اموووووووووح لكم

:
:
:

الملازم ., كانت هنا

 

[ساندريلا]

عليج بالعافيه تتهنين فيها انشالله

حبيبتي انتي استمريتي على كريمات شسيدو فادتج؟؟؟ والا عادي
وشنو البرنامج الي اتبعتيه وخله بشرتج تتعدل

 

[dady's girl]

والله بينيفيت انا احبه وااايد يعجبني وشغلهم يضبط على ويهي جربيه ان شاءالله يفيد وياج

 

[مس وردة]

شلونج حبوبه اعرف وحدة سوت كوي عند الانصاري اللي بعيادة قنال الصايغ جلسة وحدة وبين شوي لو مكمله جان ويها صار واااو