مستجدة.. دخلي وشاركينا

[white-lily]

السلام عليكم..
هالموضوع كتبته حق المستجدات .. وانا وحده منهم..
كل وحده تدخل تقولنا باي كليه وشنو تخصصها .. وشنو شعورها بما ان الدوام قرب..
شنو مخططه .. وشنو جهزت وشسوت..

انا ببدي اول
انا بaum تخصص هندسه كمبيوتر .. احس اني متحمسه وايد اداوم وبنفس الوقت فيني خوف شوي..
جهزت اللبس:
فصلت عباتين وشريت ملافع
ودلاغات شفاه وفلاتات
الجناط احجام متوسطه وصغيره.. وهالشي احسه غلط مادري اشوف اغلب البنات يقولون اخذي جنطه كبيره

بعدي ما جهزت القرطاسيه وناويه اشتري:
نوته صغيره واقلام بو 4 وقلم رصاص ومساحه وكوريكتر
ونوت كبير فيه 4 اقسام او 5
وشريت فايل..
وبس

يلا كل وحده تقول اللي عندها .. ناطره ردودكم

 

[Lady A]

انا انجليزي تربيه اساسيه وناطره القبول
اهم شي عندي تجهيز الكليه ومشغوله فيه حاليا
بالنسبه للجناط بالعكس حبيبتي نوعي كبيره ووسط وكروس
و الشوزات تكرمين هم كعوبه و باديج وفلاتات وسليبرات
ولا تنسين الاكسسوريز و النظاره الشمسيه و البواكه وبوك كروس صغير للخرده
وفايل مثل مايكل كورس او kate spade
و case حق اللاب

اغراض الكليه ماحب اخذ الا الفناتق ك نوتات واقلام ومقلمه ما اخذ شي عادي
احب ادلع نفسي بهالشي

 

[Miley-Cyrus]

انا تخصص حقوق بكلية القانون
فصلت 3 عبي و عندي 2 فصلتهم قبل العيد و شريت فلاتات و جم كعب و جناااااااط اغلبها الجناط متوسطه الحجم مع اني احب الكبيرة حيل مو بس حق الكلية بشكل عام وبما اني تكلمت عن الجناط في شغلة بقولها لكم بنات دام تشترون جناط ماركه لا تشترون الصغار اشتري وسط او كبيرة و حلوة مو على ابو انها ماركة تشترين جنطه صغيرة و مو حلوة اووكي نرد للموضوع بروح الافنيو بشتري بدل و ميك اب عندي بس ابي جم شغلة من سيفورا و ابي شوز بعد احس من هالناحية م اشبع ابدن ابدن فيني شره تسوق اتوقع اسم المرض كاااك اضحك بس بنت انا وطبيعي هالشي واكسسوريز من مصر و هم بالكويت شنو بعد احس نسيت شنو شريت مع ان دوامي عقب باجر الاربعا بس نصهم بالافنيو اخلصهم كلهم لي رحت اي وبالنسبة للفايلات كنت بشتري بس قلت بعد الدوام احسن لاني احتمال م احتاج فايل بما ان عندنا لوكرات و شريت دلاغات شفافة بيج و اسود وطبعا نوت ما نوت بعد الدوام ان شاءالله

 

[Miley-Cyrus]

بالنسبة لنفسيتي ححححححححححححدي متشوقة اداوم وفيني توتر خفيف بس عادي يروح و محترة ان عطلتي خلصت بسرعة وانا اول وحده اداوم من رفيجاتي وبنات عايلتنا و بالكويت بشكل عام

 

[~ روح امها ~]

- وعليكم السلام

أنا تخصصي انجليزي تربيه الاساسيه وهمن ناطره القبول

انا بفصل عبايتين للكلية وعبايتين شوي قصار لسفره وجنطه وسط وحده وفلات واحد
ونوته وقلم ومق لاني مدمنة موكا مستحيل اداوم ومومعاي مق موكا لا شفتوا بنيه
يوميا معاها مق عرفوا انها أنا

اول يوم بداوم علشان الجداول بعدها بسافر وكمل مشترياتي للكلية هنآك

وموفقين يآ مستجدآت والله يسهل أموركم و يبعد عنا هلتوتر

 

[أم فلان الفلاني]

وعليكم السلام
انا بكلية الشريعة
وانا حدي متحمسه وفي توتر وخوف شوي
انا فصلت 3 عبي وشريت جناط كبار ووسط وكروس بعد
وشريت 3 دلاغات شفافه بجربهم واذا عجبوني بشتري اكثر
وشريت نوت صغيره وشريت 3 اقلام بو 4 الوان وشريت دفترين المقسمين
بس باقيلي الجواتي تكرمون بشتري جواتي طبيه احسن للمشي
وما ادري شنو بعد
والله يوفقنا جميعا قولوا امين

 

[white-lily]

Lady
فالج القبول انشالله..
اي دلعي نفسج لي باجر شوراج..



Miley-Cyrus
كل البنات يحبون السوق وشي طبيعي .. واحلا شي اصلا
الله يوفقج انشالله..




~ روح امها ~
فالج القبول انشالله..
وهذا تخصص الانجليزي زاد وحده يلا وين الباجي ..



أم فلان الفلاني
الله وناسه احب كليه الشريعه مادري ليش.. يمكن لان اعرف بنات وايد فيها..بس انا طموحي هندسه كمبيوتر من زمان والا جان دخلتها..
موفقه حبيبتي ..


يلا وين باجي المستجدات اتحفونا ..

 

[gala q8]

انا مو مستجده .. بس انا حااااسه فيكمم لوووول .. ياما مريت بهالمووقف .. ترا شعوور يوونس والله بس بعدها راح تحسوون إنه عادي بس معاه أكيييد حماااس لان كل سنه غير عن الثانيه أكيييد ..


الله يوفقكممم 3>

 

[Engineer A]

انا بكلية الهندسه والبترول

طبعا ما اتوقع احد مشتط كثري

ما فصلت عبي لان مو حيل مع العبي انا , عندي 1 حق الازمات ويمكن افصل وحدة ثانية
شريتلي فلات وكعب
جناط ما شريت اللي عندي يكفون يمكن اشتري الشهر الياي
شريت اكسسويرز توب شوب مسوين sale خمطت جم شغله
شريتلي 5 بدل تقريبا
و طبعا لي الحين احس مو مكفيني

بقالي بس اشتريلي نوت و اقلام

حدي مستانسه ان قرب الدوام مو مصدقه اني صرت جامعية وافتكيناااا من المدرسسه

 

[اميره بعيونه88]

انا نص نص مستجده ناطره القبول وفصلت عبايه وشريت بدل وشوزات وقلفز عن الشمس واهم شي الحمايه قبل المكياج
ما شريت نوت صغير شخباري الحين فيه ايفون سجلو الطلبات
^_^ بس بشوف طلبات الدكاتره واشتري بعدين بس بخذ قلم بو اوربع الوان
المكياج متروسه وفايض بس بشتري من الهنود مسكرت حواجب ومثبت لان مع جو الكويت بيسيح اللون وشريت ثلاث اجناط من مانجو وبس

 

[الله يهدينا]

يلا كلموا بنااات ..

معني مو مستجدة بسس حمستوني معاكم ��

 

[Maryam_]

و عليكم السلام


تخصصي رياضيات بالتربية اﻻساسية و ناطره القبول شلع قلبي

متحمسه و نفس الوقت مو متحمسه شوي خايفه بس الي مريحني رفيجتي معاي
من ناحية تجهيز الملابس كنت مسافره فخمطت مﻻبس حق شهرين جدام اشياء عمليية و مريحة
و الجناط نوعت متوسطين الحجم و صغار
و فلاتات بس شريت اثنين ياااااكثررررهم عندي لووول

و شريت دفتر و 3 اقلام و مقلمة مع اخواني و اهما يجهزون للمدرسه و عليا p:

 

[~mmm~]

انا مستجده الكورس الثاني شهر 1
اكككيد ماراح اجهز الحين
بس لا جهزت بعدين اقولكم


* نصيحه بنات
لاتشترون كعب
احس صج صج تعب وحرام عليكم اتعبون نفسكم
والعبايه للي يلبسونها لا تسوونها طويله تنظف المكان كله لا حتى شكلها يصير موشي
وبس

 

[الحورية الصغيرة]

هههههه شحليلكم يا مستجدين

أي صح الدكتور يطلب نوتين واحد تقسمينه محاضري ولا محاضري >> يعني صفي ولا صفي بالمدرسه

ترا الدكتور بس يقول هذا الكتاب و بس طلبات ثانيه ما يطلب و ابس

يعني اخذي لج نوت لكل مادتين اذا كليه أدبيه

و اذا علميه اذا ماده كلها مسائل و فيها توتريال أخذي نوت متين حق الماده أم مسائل

و ترا القوائم يوزعون نوتات أول يوم

 

[دانه كول]

اب اب اب اب