مستجده بالجامعه ومو عارفه شي ساعدوني جزاكم الله خير

[__amool]

السلام عليكم ورحمة الله وبركاته ,,

اولا هذا اكاونت اختي

بنات انا اول كورس لي هذا اداوم وناويه احول ان شاءالله رياض اطفال , ومو عارفه شنو المواد اللي مفروض اسجل فيها كلمت الارشاد والتوجيه قالولي سجلي مواد اختياريه بس مو عارفه شنو المواد بالظبط !!

بليز كتبولي اسماء المواد والدكاتره عشان اخذهم , تسجيلي بعد اسبوع ومو عارفه شي بليز بليز ساعدوني :eh_s(2):

مشكورين مقدما :eh_s(17)::eh_s(17):​

 

[^^طالبه^^]

حبيبتي انتي الاساسيه
ولا تربية الجامعه
تقولين بتحولين شكلج بتربية الاساسيه
حسب علمي ان هالسنه كلها مسكرين رياض اطفال جان بيفتحونه شهر 7 علي موعد التحويل وللمستجدات مادري بس صعبه شوي

 

[__amool]

لا انا بالجامعة مو تربية اساسية

 

[__amool]

بليز ساعدوني

 

[فـــخـــر]

هذي مواد اختيارية :

ثقافة اسلامية [ اغلب دكاترة هالمادة زينين ]

حقوق انسان [ ثقل العجمي - شاهين الشاهين ]

مبادئ تربية [ العنود الهدبا -ملفي المطيري - سعد الشريع ]

تعليم اساليب تفكير [ علي الهولي - نوال العثمان ]

مهارات اتصال [ زكريا - ابراهيم محسن- عبدالله الكندري ]

مدخل إعلام [ حسن ابراهيم - ماهر حجي - مناف بشير ]

التربية الاسرية [ حمود المقاطع - عيسى البلهان ] لااا تااخذين عند نورية الخرافي *

تربية بيئية [ عبدالله جراغ ]

سيره نبوية [ عبدالعزيز المطوع ]

مقدمة في علم الاتصال التربوي [ حمود القشعان - حامد المطيري ]




وموفقة :**

 

[Alrem_q8]

مافهمت عليج شلون اول كورس لج بالجامعه وبتحولين لرياض اطفال ،؟ توج ماتخصصتي بتخصص معين ! او قصدج انتي بكليه ثانيه مثلا اداب او علوم اجتماعيه وبتحولين تربيه وناويه تتخصصين رياض اطفال ؟؟


المهم عشان تتخصصين رياض اطفال مطلوب منج ثمان مواد
منهم ٣ مواد الزاميه واهم
١) مهارات اتصال // احسن دكتوور عبدالله الكندري انا اخذت عنده اهو نمبر ون اذا حصلتيه لااايطوووفج
يعطيج اسئلة الامتحان والماده نحو يعني صج يبيله هالدكتور انا اخذت عنده والباجي مادري عنهم
٢) لغه عربيه واتصال // احسسن شي هند الميعان خووش دكتوره حبيبه ومحاضرتها ماتنمل انا ماخذه عندها وفي بعد نوري الوتار اهو زين ممتاز بس هند احسن
٣) مقدمة مناهج // عندج معدي العجمي و عوده الرويعي يمدحونهم وفيولا زينه بس ممله بنت عمي اخذت عندها c انا الحين ماخذتها عند عواد الغريبه بس يقول هذا اخر كورس له لهالماده


والمواد الخمسه الخاصه بتخصص رياض اطفال اهم
١) رياضيات طفل // ممدوح سليمان ماكو الا اهو واهو احسن شي لهالماده مع انه مو ذاك الزود
٢) رسوم طفل // عادل النجار هم صعب تلقين غيره مثل ممدوح واهو يعتبر زين بس طلباته واااجد
٣) علوم طفل // احسن شي عبدالله جراغ انا مجربته بس بماده ثانيه يعطي اسئلة الامتحان شديد ع الحضور ٤) تربيه بيئيه // عبدالله جراغ
٥) تربيه للمواطنه // احسن شي سلوى الجسار


هذي كل المعلومات الي جمعتها بفتره من الفترات بالنسبه لمواد تخصص رياض اطفال لاني كنت ناويه اتخصص رياض اطفال بس غيرت رايي وبتخصص اجتماعيات ان شاءالله ^_^


وترا دكاترة تخصص رياض اطفال اللي قلتهم كلهم مجربتهم بنت خالتي ونصحتني اخذ عندهم وانا بحثت عنهم واهم طلعوا احسن شي فحاولي ماتنسينهم وهالدكاتره انا كنت اصلا باخذ عندهم
وموفقه يارب

 

[كيكه الكويت]

الله يوفقج اول شي اذا تبين رياض اطفال عندج خمس مواد تخصص تخلصينهم طبعاً عليهم طق مطاققه
لازم تخلصينهم لا تاخذين مواد اختياريه اخذي تخصص
و بعد فيه مواد ثانيه كتبتهم البنت اللي فوق
اهم شي مواد تخصص خلصيهم و نصيحة مني جيبي فيهم aاو ءb
لانه معدل رياض اطفال عالي حيل 3 نقاط

 

[MRS.coupe]

صح كلام البنات الي فوقي
شلون بتحولين وانتي مو متخصصة
اخذي مواد اختيارية وموواد تخصص
​

 

[قدساوية 99]

شروط تخصص رياض الأطفال
1- اجتياز مقرر مقدمة في التربية طبعا هذا المقرر اهو اللي راح تعرفين فيه كل تخصصات التربية والمواد المطلوبة لكل تخصص وراح يوزعون عليج اوراق احتفظي فيها لين تتخصصين انشالله وهالمادة مافيها نجاح وسقوط مجرد pass
2- اجتياز مقرر مقدمة مناهج بحث >> انصحج تسجلينها صيفي لان المادة دسمة شوي
3- اجتياز مقرر مهارات اتصال بتقدير لا يقل عن c >> افضل دكتور لهالمادة اهو عبدالله الكندري
4-اجتياز مقرر اللغة العربية والاتصال بمعدل لايقل عن c

وطبعا معدل التخصص المطلوب في المواد اللي راح اذكرها الحين اهو 3 نقاط والمعدل العام نفس الشي 3 نقاط

مواد التخصص : تربية بيئية \ التربية للمواطنة \ رياضيات طفل الروضة \ علوم طفل الروضة \ رسوم الأطفال

وأي سؤال لا يردج الا الخاص موفقة