مستشفى الصباح

[لولوه1]

السلام عليكم

شخباركم يا صبايا
بغيت اسال واستشيركم عن مستشفى الصباح شلون المعاملة هناك
لان صراحة انا وايد خايفة لان او حمل لي بجر وانا لحين بالشهر السادس وحددي خايفة ولي تعرف اسم دكتور شاطر بمستشفى الصباح تقولي الله يخليكم ويحفظكم حدددددددددددي خايفة

تمتم بود

اختكم لولو ...

 

[ياراا]

الحمدلله انا ولدت مرتين وان شاء الله بولد هالمره عندهم رعايه واهتمام بذمه وضمير يحليلهم مايقصرون ونفسهم حلوه وعندهم ابرة ظهر وكمام انا من البجر والثاني كله ابر ظهر وان شاء الله هالمره ابرة ظهر بعد توكلي على الله صج الديكور والغرف قديمه بس بالعناي والاهتمام توب ولله الحمد كفي الراحه والاطمأنان عندهم

 

[حرم راشد الماجد]

حبيبتي اذا عندج فلوس من غير تفكير روحي خاص


اهلج حواليج غرفتج جاهزه مو يطلعونج من الولاده يخلونج بالممر على ما تفضا غرفه


ولا يخلونج تطلقين وانتي بروحج لا ويزفون بعد
ولا توج والده ويخلون الياهل عندج ما ياخذونه الا وقت النوم


يعني يمكن اذا حظج حلو تلاقين سستر بنت حلال بالشفت تقوم فيج


وبعدين مستشفى الحكومه الدكتور مو واقف على راسج يروح ويرد وما يولد بس يخيط وانتي وحظج الدكتور ماتختارينه يعني

 

[لولوه1]

رد : مستشفى الصباح

اي صح انا مو عن فلوس بس انا ما فكرت بالصباح الا لان رفيجاتي ومن عيل معروفة والحمدالله الله عاطيهم وما يروحون الا الصباح يقولون لان اقدم الدكاترة هناك وبذات اذا اخذتي سويت ويهتمو فيج لانج بجر
وما ادري
بس انا حبيت اتاكد منكم

 

[لولوه1]

رد : مستشفى الصباح

مشكورة اختي
بس انا سمعت انو يهتمون بالبجر ويقلولي عندج واسطة يهتمون فيج اكثر وبصراحة انا استحي احد يدش علي من اهلي وانا قاعدة اولد
خخخخخخخخخخخخ الله يستر والله خايفة حدي متردة اروح الهادي ولا الصباح

 

[عيون^^زوجها]

توكلي على الله روحي الصباح عنايه وخبره ماشاء الله
وكافي لا توهقوا الخاص بالولاده حولج حق الصباح

 

[لولوه1]

رد : مستشفى الصباح

الله يريحج يا عيون ريحتيني انا امي قالتلي الخاص لو توهقو يحولو على الصباح لان اقدم الدكاترة هناك وتقولي كلها ولادة ترى خاص ولا حكومي الفررق بين الخاص والحكومي انو الخاص غرفه بروحج واهلج يدخلون معاج
بس انا خايفة لان اول حمل لي كنت افكر اروح خاص قلت يهتمو فيني اكثر

 

[غلاي امي وزوجي]

السهالات كلها من رب العالمين سواء بالخاص او الحكومي والله يسهل علي وعليج وعلى كل الحوامل يا رب

انا ناويه اولد بالعدان

 

[مياده]

بدون تفكير روحي الصباح

 

[لولوه1]

رد : مستشفى الصباح

الله يقومج بالسلامة يا غلاي
هذا اول حمل لج؟؟
مرت اخوي بتولد بالعدان عاد شلون معاملتهم؟؟؟

 

[لولوه1]

رد : مستشفى الصباح

الله يقومج بالسلامة يا غلاي
هذا اول حمل لج؟؟
بأي شهر
مرت اخوي بتولد بالعدان عاد شلون معاملتهم؟؟؟

 

[الماسة 2010]

انا ولدت عيالي 2 بالخاص ولادتي الثانية صار معاي نزيف واحتجت 3 كياس دم تخيلوووووووووووووووا مالقولي دم وتوهقت اشوة اني ما مت الحمدللة واللحين انا حامل بالثالث وبولد بالصباح انشالله صج الخاص دلع وعلى كيفك بس بصراحة الخبرة عندهم غييييييير والسهالة من الله بس هذي ولادة يعني يبيلك مستشفى لسمح الله صار شي يعرفون يتعاملون مع حالتك

 

[انامل كويتيه]

انا بجري ولدت هناك معامله زفت بصراحه هذا وانا بجر
السستر تهاوشني وكويتيه بعد وانا والله متحمله الا بمووووت ما شفت منها اي حنيه
عكس السسترات الهنود الا بغيت ابوس ايدهم من حنيتهم
لا وابشرج اللي يمي دشت عليها الدكتوره انتي اللي من طرف فلانه جان تقولها اي
وتوقف على راسها وتولدها الدكتوره وانا ولدوني السسترات
حسبي الله ونعم الوكيل فيهم بتروحين روحي وواسطتج معاج

 

[انامل كويتيه]

انا بجري ولدت هناك معامله زفت بصراحه هذا وانا بجر
السستر تهاوشني وكويتيه بعد وانا والله متحمله الا بمووووت ما شفت منها اي حنيه
عكس السسترات الهنود الا بغيت ابوس ايدهم من حنيتهم
لا وابشرج اللي يمي دشت عليها الدكتوره انتي اللي من طرف فلانه جان تقولها اي
وتوقف على راسها وتولدها الدكتوره وانا ولدوني السسترات
حسبي الله ونعم الوكيل فيهم بتروحين روحي وواسطتج معاج

 

[لولوه1]

رد : مستشفى الصباح

اي والله صح يلا الله يسهل عليج يالماسة بس شلون عن ابرة الظهر
يقولون خطرة

؟؟؟؟

 

[لولوه1]

رد : مستشفى الصباح

معقولة يا انامل انا قالولي يهتمو بالبجر بس تبين الصراحة دايما الريال احن من المرأة لان يحاتيها ويخاف عليها لان ما جرب هالشي انا الحرمة لان مجربة تقول شدعوة يعني العوار هذا تحملتي هذااك العوار ؟؟؟؟ ولحين ما تبين تتعورين
بس المشكلة فشلة الريال يولد رغم يقوقوللو الريال واايد احسن

 

[نونو^الدلوعه]

حبيبتي بتروحين الصباح واسطه قبلج واذا قصدج عن بنات الحمايل الي الله رازقهم الي تعرفينهم طبعا يروحون الصباح بس واسطتهم قبلهم اهناك وصدقيني الولاده محد يسهلها غير ربج وتختارين الدكتور او الدكتوره الصح والله يسهل عليج يارب انا اييد الخاص والله كافي السستر خاصه حقي ودكتوري عنديي يتابع حالتي اول باول ومايهدج الى وانتي ولاده والحمدالله وكاني انا مثلج كنت بجر وكنت خايفه والحمدالله دكتوري ولدني وانا نايمه لا شفط ولدي ولا عطاني ابره الظهر ولا شي ولدي طلع صحته زينه وانا ماحسيت بولا شي جنه حلم نمت وقعدت قالولي ولدتي والحمدالله على كل حال وانتي كيفج اللله يريحج سويه )))))))))) وانشالله يارب تولدين بسلامه واتشوفين بيبي وتنسين كل شي

 

[نونو^الدلوعه]

حبيبتي بتروحين الصباح واسطه قبلج واذا قصدج عن بنات الحمايل الي الله رازقهم الي تعرفينهم طبعا يروحون الصباح بس واسطتهم قبلهم اهناك وصدقيني الولاده محد يسهلها غير ربج وتختارين الدكتور او الدكتوره الصح والله يسهل عليج يارب انا اييد الخاص والله كافي السستر خاصه حقي ودكتوري عنديي يتابع حالتي اول باول ومايهدج الى وانتي ولاده والحمدالله وكاني انا مثلج كنت بجر وكنت خايفه والحمدالله دكتوري ولدني وانا نايمه لا شفط ولدي ولا عطاني ابره الظهر ولا شي ولدي طلع صحته زينه وانا ماحسيت بولا شي جنه حلم نمت وقعدت قالولي ولدتي والحمدالله على كل حال وانتي كيفج اللله يريحج سويه )))))))))) وانشالله يارب تولدين بسلامه واتشوفين بيبي وتنسين كل شي

 

[انامل كويتيه]

رد: رد : مستشفى الصباح

معقولة يا انامل انا قالولي يهتمو بالبجر بس تبين الصراحة دايما الريال احن من المرأة لان يحاتيها ويخاف عليها لان ما جرب هالشي انا الحرمة لان مجربة تقول شدعوة يعني العوار هذا تحملتي هذااك العوار ؟؟؟؟ ولحين ما تبين تتعورين
بس المشكلة فشلة الريال يولد رغم يقوقوللو الريال واايد احسن

والله العظيم نفس الكلام اللي قالوا لي يهتمون بالبجر خلوني اهد الخاص اللي كنت اعالج فيه
واروح الصباح وكليتها من معاملتهم ماكو اهتمام كلش واذا تبين الاهتمام دوري واسطه من الحين
وترى السهلات من رب العالمين قبل كل شي

 

[لولوه1]

رد : مستشفى الصباح

مشكورة نونو انا عندي واسطة بس هم خايفة
الله يسهل على الجميع ان اولد بسهولة احس حلم من كثر الكلام الي سمعته صرت احاتي
ياارب تسهل علينا يارب