مستشفى الطب الطبيعي

[غموض الصمت]

السلام عليكم و رحمة الله و بركاته
مرحبا خواتي
الله يشافى مرضاكم و مرضانا ومرضى المسلمين جميعا
في هالشهر الفضيل
و يجبر قلوبكم يا ربي و يصبركم و يعوضكم خير
مستشفى الطب الطبيعي وين مكانه بالضبط و شنو الحالات اللي يستقبلها
و هل صحيح انه يحتاج واسطة علشان يقبلون المريض هناك
يا ليت يا بنات تفيدونا اكثر بمعلومات عنه
اذا عندج مريض هناك او ممرض او حتى موظف تعرفينه
خاصه اني سمعت انه نتايجه طيبه في علاج حالات كثيره

 

[الرهيييفه]

اللهم امين

حبيبتي المركز موجود عند دوار الأمم"العظام سابقا"

ويستقبل كل الحالات وحسب عنوانك

والمكان أفضل من الفراونية عندهم سباحة وغرفهم أكثر من الفروانية

وكل شي بيد الله

 

[مباركيه]

جزاج الله خير ياالرهييفة

 

[kekat kakaw]

حبيبتي المستشفى عند دوار العظام و ماياخذ كل الحالات

بس حالات الخشونة و الالتهاب الاوتار و باقي الحالات .. ماعادا الكسور و العمليات .. بالرازي و على حسب السكن

 

[غموض الصمت]

الله يعطيكم العافيه بنات على الافادة
وفي انتظار اي معلومات حديثه عن المستشفى

 

[ام نوونه]

انا كنت اعالج ولدي بمستشفى الفروانيه
لان بطاقتنا المدنيه مايصير على الطب
الطبيعي بس اذا انتوا بطاقتكم على
الصباح يستقبلون انشالله
والطب الطبيعي واااااايد احسن من
الفروانيه بمليييووووون مرة انا وديت
ولدي بس الفترة المسائيه بوااااسطه
طبعا والحين ناطرة انشالله يصير مرة
ثانيه اودي ولدي
والله يشفي كل مريض

 

[الصابرة المحتسبة]

مستشفيات ومراكز وعيادات طبية منزلية !!!!!!!! (http://www.q8yat.net/showthread.php?t=348551)

 

[غموض الصمت]

حياج الله ام نوونه
والله يشفي ولدج ويخليه لج
مشكورة يا عمري على المرور
ما قصرتي

 

[غموض الصمت]

الصابرة المحتسبة ...حياج الله
ودوما سباقه كما عودتينا لخدمة هالمنتدى
الله يشفي مريضج و يعافيه
أشكرك على المرور