مستشفى الهادي ولا السيف

[asrar87]

بنات واللي يعافيكم حدي محتاره انا كنت حامل في بنتي و والده قيصري كنت اراجع عند رشمي والحين وهذا الكلام من فتره الحين انا حامل واراجع عند روبينا بالسيف ومحتاره اولد عندها ولا لا،،،،بصراحه قالولي مستشفى السيف انتي تكونين حاطه ميزانيتج على سعر معين ولما تطلعين تكتشفين انها دبلات وانا ما ابي اتوهق،،،بليز ساعدوني و شورو علي :yaaaaaarb::bbbiu::bbbiu::yaaaaaarb:

 

[Ms.lool]

اختي مادري لكن غالب اللي اسألهم عن السيف يذمونه
والهادي وايد زين

 

[asrar87]

مشكوره اختي مس لول انا حدي محتاره

 

[انجبر قلبي]

انا ولدت بالسيف كلشي ممتاز عنايه وراحة واهتمام عيبه ان غالي ومكلف و فرق عن المستشفيات الثانيه

 

[M!SS.LOBY]

الهادي افضل

 

[نوف الصقعبي]

الهادي جزارين بالولاده غصب يفتحون بطنج مايبون طبيعي عشان السعر يطلع دبل عليج



والسيف ماجربتها مااقدر احكم عليها

بس الولاده دار الشفا عند معصومه مخصيد ماشاء الله ممتازه وبالها طويل ونفسيتها حلوه​

 

[ام الحلوااات]

اااااااااااااااااب

 

[asrar87]

جزاكم الله خيراً،،،،.
اب

 

[RO0O7Y KUWAITYA]

اب اب

 

["*آآآنؤؤؤقهـ*"]

الله يهون عليج


روحي المواساه يمدحوووونه او الامومه مشااءالله محد ذمهم

 

[Poison_Girl]

اكيد السيف.. انا توني ولده والحمدلله كلشي ممتاز.. واختي لازم اب اي مستشفى اتكونين حاطه ميزانيه شوي اكثر علشان سبحان الله ما تتوهقين

 

[ربيع_الروح]

انا بصراحة ما جربت الولادة بولا واحد

بس لو خيروني اختار السيف وانا مغمضه

لأن مستشفى هادي من توفى المالك وصار للورثه واهو من سيء الي اسوء

وهالشي بشهاده الدكاترة الي يشتغلون فيه


بس اذا دكتورتج من برى المستشفى وبتيي تولدج
اختاري هادي لأن ميزانيته اقل ودكتورتج من برة يعني مضمونه

 

[درة التاج]

حبيبتي انا اشوف انك تستخيرين قبل اي قرار

انا اشوف انك ممكن تظلين بنفس المستشفى بس غيري دكتورتك, رشمي اساسا تخصصها سونار,
ترا دكتورة انيتا ممتازة

 

[فرزاشيهـ]

شجاب ل جاب !

انا والده بالسيف يهبل رووووعه و اهتمام و نظااافه و يكفي منظر الغرف يرد الروح و غرفهم كبااار حلوه حت اقل الغرف كباار


كل المستشفيات يبيلها ميزانيه يعني اقل شي حطي الف و الحضانه اذا مع جهاز تنفس 400 الليله او اذا بدون 250

ف احسبي حسابج احتياط

 

[روزماري]

السيف روعه و الكل يمدحه
و الهادي بعد زين بس عيبه الزحمه

انا الحين أراجع بالسيف و مرتاحه حييل واحتمال كبير أولد فيه
و اذا غيرت رأيي راح اروح الهادي لان دكاترته زيينين

 

[مضاد حيوي]

السلام عليكم
اختي انا والدة بالهادي اكثر من مرة صراحة
مستشفى زين اذا دكتورتج من بره وااايد زين بس عيبه الزحمه
اما السيف ما أنصحج فيه زوجي سوا فيه عملية و قعدنا فيه خمس أيام
كلمة يلوع الجبد شوية عليه
كلشي خربان .. و مافي تنسيق بين الدكتور و الممرضات و لا المطبخ .. الدكتور يوصي على اكل معين
و الكافتيريا اييبون شي ثاني .. و لا و بعدين نكتشف ان مضر ياكل هالأكل
يعني هذا بعمليه غير الولادة عيل اشلون الولادة

 

[++صدفة++]

آنا والدة بالسيف قبل أقلمن شهر بس دكتورتي من برا
وعشان أختصر عليج كلامي .. إذا حملت مرة ثانية إن شالله راح اختار السيف ، عناية و نظافة وهدوء عكس الهادي زحمة جنج بسوق مو مستشفى

 

[asrar87]

مشكورين اختي صدفه بجم كلفت الولاده

 

[منـــاي]

السييييف

 

[ببي جونسون]

والله ماجربته ماقدر ااحكم عليه