مستشفى الهادي xxx

[q8 knosha]

السلام عليكم...​

فيني حره على مستشفى الهادي :eh_s(14): والله سوالفهم حدها بااايخه​

** اول شي على الغرفه: طبعا انا حجزت غرفه وشفتها وقتلهم ابي هل غرفه بس اول ما ادش بقعد بغرفه رخيصه مؤقت وبعد ما اولد يعني ثاني يوم ابي هل غرفه
ودفعت 500 وتالي ليي طلعت اكمل المبلغ
طبعا اول يوم اوك بالغرفه العاديه بعد ماولدت وين الغرفه اللي حجزتها
والله راحت !! زين وانا !
بطوو جبدي حدهمممم للحين حاقده عليهم .. طبعا ريلي تهاوش معاهم بس عادي ماينفع مع اشكالهم
وقعدت بالغرفه اللي ليلتها ب75 جنه عنونه بس ديكورها اليديد مجددينه
لان الغرف اللي ب90 او 95 كانو قدممممممممممممممممممممممممممم
الاثاث مكسر والكراسي اليلد مشلع!! وين قاعدين؟!
بس تبون فلوس! غيرو اثاثكم يعني شنو هذا
وقعدت بهل غرفه العنونه و والله افتشلت حدي مافي مكاااااااااااااااان
ناس تدش وناس تطلع لان زحمه اللي يدشون مافي مكان يصير زحمه يقومون يطلعون عشان اللي دشو وناس واقفه برا ومصخره والله حسبي الله عليهم بس نصب بالاوادم​

**ولادتي: كنت رايحه بروحي بسأل الدكتور سؤال وامشي ولايقولي انتي ولاده اقوله مافيني عوار ولا احس بشي كلش ولانزل على شي ولا اكووو شييي
يقولي عادي في حريم ولاده من غير عوار وانا صدقت شدراني بعد بجر والله عبالي صج يختلف من وحده لي وحده وممكن من غير عوار
ودخلوني وتحميله ورا تحميله ومن الظهر يوم دشيت ماخلوني اكل شي ليييي ثاني يوم الصبح ساعه 10ولدت ولاحطولي درب ولاحتي يابولي عصير او خلوني اشرب شي حبيبي البيبي مادري شياكل حزتها​

**السسترات: ماحشتني سستر فلبينيه كلهم هنديات وحقاااره ويبطون الجبد
وانا اطلق من العوار اصرخ تيي وتحط الكمام بويهي تخنقني عشان لا اصارخ
لان الحمدالله والشكر غرفه الولاده بنفس المكان اللي يراجعون الاوادم فيه!
شلون صارت مادري انا انصدمت
ولي صعدووج ونزلووج تمرين على العموم اللي قاعدين وخز فيج وانتي بروحج مالج خلق نفسج
المهم حرتني هل سستر وامي وخالتي كانو معاي زفوها
واقولها عطيني ابره عوار ذبحني "مخدر شوي حق الالم" تقولي ماكو​

ولما بغيت اطلع في سستر مصريه عيوز عند اليهال
بطت جبدي كانو توهم مرضعين ولدي ويايبينه لي
تقوم وتبطله مميه يديده وترضعه جدامي يعني زينه عشان تبي فلووس
وبس طلعت اترسته بالحليب زووع وكل شوي يزوع اترست جبده وعطينها عشان تفكنا تذلف
وكل شوي يايه موش عايزين حاقه
خلاص يبا فكينا شتبين بعد صج اللي ويييييييييييع هل مستشفي​

وحطييييييييت عليه 100 اكس ومستحيل اجربه لانهم نصابين درجه اولى​

100 مره مريناهم انا واختي وانا وريلي ومره بروحي اسألهم عن الغرف و اشوفهم اخترنا سألتهم مع حساب دكتورتي من برا قالولي حسابهم 250 او 200 من غير الغرفه وحسبت الغرفه اللي ابيها بجم وجذي طلع كله 600 او 650
وسألتهم جم المجموع وقالولي نفس حسبتي بعد الولاده
طلعو 100 شغله وشغله و وصل 850!!
ولا فوق هذا الغرف حدهم صغاار وماشفت شي زووود​

مفكره بالبيبي الثاني انشاءالله الشفا احس اهوون منهم حتى الغرف احسن استغفرالله​

 

[لورا 22]

الحمد الله على سلامتج اول شي
عااد انا امشي واقوول مافي نفس الهاادي خبري فيه قبل اربع سنين وهالاياام اشووف الكل يسبه حساافه تغير

 

[c a t w o m a n]

ميخالف حبيبتي كل طراق بتعلوم أهم شي صحة البيبي و سلامتج عالولادة الثانية انشالله روحي مستشفى أرقى

و مبروك ما ياج

 

[ToOoT"Q8]

الله يعينج
كثرة المواضيع عن الهادي
غريبه كانو يمدحونه
وراجعت عندهم مره
بس ما حبيته كلش ومارتحتله
وحولت على الشفا انظف وارقا
أهم شي الحمدالله على سلامتج
بس شلون قالج ولاده على طول
يعني عنق الرحم كان مفتوح جم سانتي?

 

[متيمه بهواه]

الحمد لله على سلامتج
ويتربى بعزكم يارب

 

[المكسيكيه]

حمدلله على سلامتج حبيبتي

 

[منو انت]

احس المستشفى شبعت فلوس ماعاد شي يفرق معاهم

اهم شي سلامتج انتي والمولود

 

[فاقده ابوهاااا]

كرهتوني بهالمستشفى

 

[لعبير]

حمدالله علي سلامتج ومبروك مايأج​

 

[بمبرة]

الف الحمدلله على سلامتج ومبروك عليكم اللافي.........:eh_s(7):

حسافه على الهادي ليش تغير للاسوء .... انا ولاداتي كله فيه:eh_s(11)::eh_s(11):​

 

[!الجادل الصعب!]

من كآنت دكتورتج .. والمفروض معطينج ابره مسكنه ..
يـ الله اهم شي البيبي وانتي بصحه وسلآمه ..

 

[بولندية]

الحمدالله على سلامتج


عاد اهلي كلهم يولدون بالهادي وانا افتريت على كذا عيادة بس علشان ابي دكتورة تولد بالهادي و الله يستر

 

[GOLDEN_FISH]

اي مستشفى خايس صار اخترب حدةةةةةة

 

[● عـِـِـِزۈة آخ‘ـَـۈاْنـهـآ «-~]

الهادددي صاير عزج الله زبااااااله
اهم شي سلامتج وسلامة البيبي

 

[مزيونة الهيلا]

انا والده فيه قبل سنه واروع مايكون والسسترات فلبن وكانوا يسوون فيه توسعة وترميم

غريبة الهادي من احسن المستشفيات للولاده

ع العموم الحمدلله ع سلامتج

 

[Dark SouL]

استغرب منكم لي رحتوا الهاااااااااااااااادي

ويييييييييييييييع بمعني الكلمة من زمان وهوا سمعته ×

 

[المسكـ]

الهادي ويع ويع ويع
راجعت فيه قبل 4 سنين ويوم ييت بولد ولا ماكو غرف جان اهدهم وامشي
على قولة امي المرا تولد بروحها والسهاله من رب العالمين لا دكتوره تولدها ولاشي
وفعلا لاحظوا ان الدكاتره اييون حزة طلعت الراس لوول
وولدت بالشفاا روعه وان شالله بولد عندهم

والمهم الحمدلله على سلامتج وسلامة البيبي ويتربى بعزج يارب

 

[TBOOLA]

الحمدلله على سلامتج
انا اليوم سألت وحده اعرفها بنتها توها والده بالهادي
ولدها في خلع ساحبينه غلط وطبعا الغلطه من الدكتوره شالخرابيط ماتوقعتهم كلش مووحريصين
والحين مسكين علاج طبيعي

 

[janoona]

المهم سلامتج انتي والبيبي

وايد كثر الحجي عن الهادي هالايام

 

["*آآآنؤؤؤقهـ*"]

ثاني موضوع تذمون الهادي

بسس حمدلله على سلاااامتج اخم شييي