مستشفى عالية الدولي .. ؟!

[شَادِنْ]

مرحبا بنات ..
بسألكم عن مستشفى عالية الدولي ..


منو جربت الوولادة فيه ؟
وشلون الوضع ككل مع الاسعار ؟


عفيه ابي وحدة مجربه موسامعه .. انا مضطره اولد عندها
لان رحت لها مخصوص عشان خياطها التجميلي
سمعت شكثر يمدحون تضييجها بعد الولاده
وبعد مارحت لها عرفت انها ماقامت تطلع برا مستشفاها
يعني اللي يبيني يولد عندي .. وانا حييييل محتاجه خياطها التجميلي ..

والله يوفقها يارب ويرزقها الذريه الصالحه
اللي بتجاوب على استفساراتي وترفع موضوعي

 

[ام الحلوااات]

مـــا ادري عــــســـى اللـــه يــســهـــل عــــلــيــج

اااااااااااااب

 

[الـزين و الجـود]

الله يهون عليج وان شاء الله يفيدونج​

 

[اخت خالتهم]

انا ماعندي تجربه بس الدكتورة زينه و شفت مره وحده حاطة استقبالها فيه وتقول انهم زينين

 

[؛؛حلاوه؛؛]

رفيجتي ولدت هناك عند وحدة مصرية تمدحها

بس نظامهم مثل مستشفى لندن يخدرونج

ويسحبون البيبي بالجهاز يعني يشفطونه

 

[موكا لاتيه]

محد يمدحها حيل ماديه

 

[الخيال المتلاعب]

مرحبا أإأإنـ��ـَِّْٰٓٓأإأإأ حماتي دايما عندها وتمدح التجميلي والكمام أإأإنًٌٌٍَُْٓــٍَْْٰــ☝ــتــْي استخيري ماادري احس انها ماديه ومراجعاتهاغاليه والمستشفي انا حسيت يضيق الخلق والله يسهل عليج

 

[ά7ţάĵ ĢừяβК]

حييل ماديه وما سمعت احد يمدحه

 

[كوكولالا]

أنا مجربه ولادتها تهبل وخياطها رووووعه بس صدمتيني انها ما تطلع أنا اطلبها للهادي وانا الحين حامل أبيها وأبي الهادي ما ابي مستشفاها
شلوووووووون والله أهي صبوووووورة حييييل والتساهيل من ربج

 

[لورا 22]

حبيبتي الولاده تواافيق
انا ولادتي الاخيره فيه الحمد الله كانت هينه وسهله لا شفطووا ولا بطيخ
وكمامهم حلوو ومستشفاها نظيف والسسترات موجودين اذا طلبتيهم
بس كشكل المستشفى والغرف صراحه مو كلش بس اذا مايهمج الاستقبال وهالسوالف استخيري وروحي لها انصح فيهاا بقوه

 

[كوكولالا]

الله يجزااااااك خير أنا مايهمني الشكل والاستقبال قد الاهتمام والكمام ونظافة المكاااان تكفين قولي لي اكثر عن عنايتهم منو ولدج عندهم عاليه نفسها والا غيرها تكفين والله كنج طايحه علي من السما ياا لورا٢٢

 

[شَادِنْ]

تسلمون خواتي على التفاعل .. فديتكم والله

لورا حبيبتي .. جم طلع عليج حساب المستشفى ككل ؟
انا متردده من كثر مااسمع انها ماديه
رغم ان مراجعاتها عاديه ٤٠ دينار نفس سعر باجي العيادات تقريباً !

 

[دارسين]

بنات انا ودي اولد عندها بس ولادتي عسرة نوعا ما كل ولاداتي شفط


بس دايما اخاف عالبيبي من الشفط تتوقعون تفيدني مابي اتأذى ولا البيبي يتأذى