مستشفى لندن اللي اسمه والنتون ؟؟؟

[G!RLY-PAci]

بنات بلييز انا ابوي عنده علاج بالخارج
وبنسافر تاريخ 16 هالشهر
واسم المستشفى اللي بروحلها اعتقد والنتون اعتقد ؟؟؟
بليز خبرات لندن اللي تعرف عن هالمستشفى شي تقولي حتى لو شي بسيط
واللي تعرف سكن قريب منهم تقولي لان احنا نبي شقق او شقق فندقيه
بليز بنات اللي تعرف اي شي خل تقولي بلييييييييييييز​

 

[^^اليتيمه^^]

ههلا أنا ان شاء الله بروح بعد يومين لندن


دزيلي ءرقمج عل خاص أو أيميلج
بس رقمج أحسن عشان أعطيج رقم عراقي يضبطلكم شقه



ومستشفي هذا أي صوب بلندن نفسهاا يعني إذا بلندن يدور لكم شقه بأجووورود

 

[راعية_الجمس]

رد : مستشفى لندن اللي اسمه والنتون ؟؟؟

ما يشوف شر انشاء الله اذا اسم المستشفى wellington hospital هذا قريب حيل من الادجوررود يعني 5 دقايق بالباص او 3 دقايق بالتاكسي الاسود وياخذ منكم 5 باوند بالمشوار او 12 دقيقه مشي هو بمنطه اسمها ريجنت بارك معروفه هالمنطقه فيها حديقه كبيره ومسجد واذا تبين شقه انا سكنن في شقق اسمهم ويست اند كي حدمه فندقيه وسعرها مناسب الششق جدا راقيه ونظيفه يم فندق الهيلتون اللي في الادجوررود انا انصح البنات دايم بالهعماره وهي تبعد 5 دقايق عن المستشفى اذا تبين اعطيج رقم الريال اللي اجرنا منه قولي لي وانا اطرشه لج واذا مو هذا المستشفى اتمنى البنات يفيدونج

 

[^^اليتيمه^^]

علميها طريقه الباص. بس تأخذ شقق عاديه أحسن من فندقيه

 

[G!RLY-PAci]

اب اب اب اب
راعيه الجمس اي حبيبتي هذا اسم المستشفى wellington south hospital
وبس انا وابوي نبي نروح لان انا المرافق ماله
ونبي شقه صغيرة بس تكون رخيصه
يعني شغل فيران مانبي
وما ابي فندق لان راح يطلع غالي اكيد
لو تكون شقه احسن
وبنات اللي تعرف اي شي بلييييز لاتبخل علينا
واخر سؤال صج الحين تنزيلات هناك ؟؟؟
والجو شلون صاير ؟؟؟

 

[*نور الكويت*]

الله يشافي ابوج ان شاالله وتردون سالمين

بالنسبة للشقق والمستشفى راعية الجمس ماقصرت

والحين سوقهم كله تنزيلات حلوة

والجو الحين عز البرد بس طبعا بردهم مومثلنا يدخل العظم لبسي كوت ودفي راسج عادي تقدرين تطلعين

 

[G!RLY-PAci]

اب اب اب بنااات
بنات بليييز ساعدوني

 

[راعية_الجمس]

رد : مستشفى لندن اللي اسمه والنتون ؟؟؟

هلا بالنات والله ما سويت شي هذا اقل شي نقدر نساعد فيه بنات المنتدى
راح اختصر بنات مع اني ثرثاره الله يعينكم
ما اعرف رقم بالباص بالضبط والله ناسيته بس راح اسوي سيرج بالنت وانشاء الله احصله بس اول يوم اخذي تكسي على ما تدلين وتعرفين بعدين اخذي باص البلاك كاب امن ومن ادجور رود للمستشفى ياخذ 5 باوند

2 اذا ما تعرفين انقليزي نسقي مع المكتب الصحي يعطونج ارقام مترجمين تقريبا ياخذ 15 باوند بالساعه او 10 باوند

3 السكن اللي قلت عنه كنا ماجرينه ب 550 بالاسبوع يعني سعر مناسب ولقينا ارخص بس ما ينسكن فيهم يوم واحد

4 دير بالج من البرد

5 حاولي تخلين جوازاتج وفلوسج بصندوق بالبنك الوطني على فكره البنك الوطني موجو في بيكر ستريت

6 اسواقهم مو صج واسعارهم وايد حلوه مو غاليه وهالايام عندهم البوكسن دي خصم صجي يوصل لل 80 بالميه مو مثل خصمنا

7 تقدرين تتوسقين في الاكسفورد ستريت طبعا تروحين له مشي من الادجوررود ولازم تروحين مجمع الويست فيلد حده مو صج

8 المحلات والمطاعم العربيه والحلال اللهم زيد وبارك جنك قاعد بدوله عربيه

9 صج نسيت روحي هاردوز الحين عندهم خصم على العطورات اكثر من نص القيمه

10 تقبلو تحياتي واي شي نسيته ذكرونا فيه بنات واللي عندها سؤال خل تسال علشان اكبر عدد يستفيد

اوووو نسسسيييييييييييييييييييت

الله يعينكم في 11 بعد

11 بالنسبه لخط التلفون اشتري سيم كارد اسمه ليبارا يعطونه فري في ادجوررود في محلات التلفونات الدقيقه للكويت ب 10 بنس يعني تقريبا 50 فلس ومن ليبارا ل ليبارا فري 20 دقيقه بالشهر الكل يستخدم ليبارا هنيه بس اذا تبين خدمه البي البي ما تقدرين تشغلينها على الليبارا لازم تاخين لج خط اورنج

12 في كرت اسمه اويستر كارد oyster card تشترينه من البقاله ب 3 باوند وتعبينه بكيفج هذا حق الباصات والقطارت ارخص لج بوايد لازم تاخذين هالكرت
وسلامتكم

 

[G!RLY-PAci]

حبيبتي راعيه الجمس كفيتي ووفيتي حياتي
انا دزيت لج رساله عالخاص
ياريت تردين علي
مشكوووووورة وااايد والله يوفقج يارب
وبنات بليز اللي تعرف شي بعد خل تقولي

 

[G!RLY-PAci]

اب اب اب اب اب

 

[راعية_الجمس]

رد : مستشفى لندن اللي اسمه والنتون ؟؟؟

جيكي الخاص