مستغـــربه من حـــــــــــــــالتى !!!!!!!!!!!!!!!!

[)خجل الورد(]

مرحبا بنوتاات شلونكم شخباركم ان شاء الله منيحيين ؟؟

لاحظت ان هالقسم مو وايد بنات يدخلونه بس ان شاء الله تعبرونيي وتردون على

موضوعى صارلى اسبوعين احس باعراض غريبه اول مره احس فيهاا

احس ان اذنى فيها ضغط جنى قاعده فوق جبل (واحس) << موضووعي كله احساس لووول

و لمى اتكلم جنى قاعده فى بير << والله مو قاعده استعبط قاعده اقولكم شنو احس فيه صج

عشان اوصلكم حالتى .. مع صداع , الشى هذا وايد مأثر على لمى اقعد مع رفيجاتى اهم بوادى

وانا اكون بوادى ثاني , وماثره على دراستى لانى واييد اتعب منهاا خاصه الضغط الى على اذونى

رحت لطبيب استشارى قالى ألم الاذن من ضرس العقل مع انى ماحس بأي الم باسنانى وقالى فيج

التهاب بسيط فى الجيوب الانفية وخذيت علاج .. بس انا خايفه تكون اعراض لشى ثانى ..

اسئلتى ..

منو حست بنفس حالتى ؟؟ ولمى راحت كشفت شنوو طلع معاها !
اللى عندها ضرس العقل او جيوب انفيه تحس بهالاعراض ؟

ابي اطمن ردوو عليي

 

[ياحُبِي لِلكويت]

مشافيه ياارب ,, انا فجأه عوار بالأذن وضغط وكل شي وربي ماابالغ كنت ابجي موطبيعي العوار وكل مااروح الطبيب يعطيني مضاد ومن يخلص المضاد يرجع للألم قعدت يمكن شهرين او اكثر ناسيه المده على هالحاله وربي عواار كل ماله يزيد ووفحصني مره دكتور قال عندج بقعه دم بس قديمه مع الايام تروح وهاذي المسببه لج هالعوار ولااكو فايده ورحت مره دكتور اسنان بالسعوديه كان يقولي سوالي اشعه قال انتي تشكين من أذنج او راسج قلت ايه والله أذني عواار موطبيعي عالمضاد والمسكن عايشه قااال عندج ضروس العقل نابته غلط وملتهبه حييل وديربالج شيليهم راح يأثر حتى على عيونج الالم وربي صدمني قاال معقوله دكتور الاذن ماقالج هالعوار المؤلم انه من ضروس العقل وربي شلتهم بجرااحه بعدهاا وداعا للعوار والحمدلله اذا عرف السبب بطل العجب >> اسفه عالاطاله بس حبيت افيدج ونصيحه من اخت سوي اشعه وشوفيلج دكتور وشيلي وراح ترتاحين,, وطمنينا عنج

 

[)خجل الورد(]

يا حبـي لج على هالرد صج ريحتيني جزاج الله خير .. ان شاء الله براجع دكتور اسنان واشيلهم وارتاح مع ان ماحس بألم كلش باسنانى الالم كله براسى واذني وساعات اسمع انواع سيمفونيات قبل لانام ... ان شاء الله بكتب لكم شيصير معاى

 

[ياحُبِي لِلكويت]

ياحياتي ماتشوفين شرر حتى انا ماكانو اسناني تعورني اذني بس ,,, مابي منج الا الدعاء لي شوفي موضوعي بقسم ملتقى العضوات

 

[Behtar]

خجل حبيبتي
انا كانوا اثنين من العقل نابتين غلط وكان فيهم خراج والتهاب شديد بعد
بس اللهم لك الحمد ماصار باذوني جذي
عالعموم انتي شيليهم وان اذنج استمرت جذي روحي اخصائي او استشاري اذن وحنجره

 

[جسر الزمن]

الله يشفيج يا قلبي راجعي عند مستشفي زين سوي تخطيط

 

[)خجل الورد(]

يمــال العافيه ماقصرتو يا بنات وحده وحده عسى ربي يوفقكم وينولكم مرادكم ..

 

[@شمس الضحى@]

هذي اعراض فري بالراس والله اعلم
روحي للحريم الي يعالجون طب شعبي وهم يقولون لج شنوو فيج
لاتسكتين عن نفسج

 

[شادن33]

طبلة الأذن ملتهبة يمكن

 

[)خجل الورد(]

شمس الضحى هلا فيج حبيبتى .. شوفى صج فى ناس شكثر استفادوا من المعالجات بس انا ما ارتاح ..

شادن معاج حق طلع فيني التهاب خفيف بوحده من اذونى ..

بس السبب الرئسي كان التهاب خفيف بعد الحمد لله بالجيوب الانفيه ومع العلاج الحمد لله تحسنت حالتي ..

يعني اللى تشوف عندها هالاعراض تسوى جيك على الجيوب الانفيــه ..

وتسلموون على تفاعلكم

 

[قطوة@@]

الله يشافيج

 

[)خجل الورد(]

قطـوه جزاج الله خير وكل مسلم يارب

 

[*ماي الورد*]

اتوقع جيوب انفية