مستقبل علم النفس!!

[ZAMessi]

السلام عليكم
شلونكم شخباركم؟

بنات انا حابه احول تخصصي و ابي ادخل علم نفس و انا ادرس بالخارج يعني ماراح ادشه بجامعة الكويت.. المهم
بالجامعات الي هني في شي اسمه
bachelor of science (psychology) و في bachelor of arts (psychology)
انا بخاطري الscience بس مادري انتو شنو تنصحوني في؟
ابي اعرف له مستقبل ولا لا
مابي اصير اخصائية
ابي اعرف وين اقدر اشتغل اذا خذيت بس بكلبريوس
و اذا ماجستير في وظايف غير عن لما اخذ بس البكلريوس؟
و اذا كملت و خذيت الدكتوراه اصير دكتورة بجامعة؟
و جم المعاشات تقريبا؟
ادري وايد اساله بس لاني بحول من تخصص اقوى من علم النفس و خايفه اندم بس وااايد احب علم النفس انا كتب علم النفس الي عندي اكثر من كتب التخصص مالي :eh_s(2): تعقدت!!!
اتمنى تساعدووني!
*

 

[أم البسم]

نصيحة شيلي من بالج هالتخصص انا تخصصي علم نفس للاسف ومتوظفة بالتربية ومسماي اخصائية نفسية
وما يوظفون الا بالتربية والشئون والصحة بهالمسمى الا اذا عندج واسطة وتوظفتي بمجال مو تابع لتخصصج

 

[huali]

نصيحتي لك أن تتخصصي في علم النفس إذا أردت الفائدة على الصعيد الشخصي

 

[ZAMessi]

نصيحة شيلي من بالج هالتخصص انا تخصصي علم نفس للاسف ومتوظفة بالتربية ومسماي اخصائية نفسية
وما يوظفون الا بالتربية والشئون والصحة بهالمسمى الا اذا عندج واسطة وتوظفتي بمجال مو تابع لتخصصج

والله هل ديرة تحبيط بتحبيط!!
هني لما تقولين لهم انج بتدرسين علم نفس يستغربوون و يصعدوونج السما!! و يدورونهم دواره!!
و احنا ندرس و حالتنا حاله و يقطونه اخصائيات و محد يدري عن هوى دارنا!!

انا مابي مجال مو تابع لتخصصي ابي الي درسته اطبقه :eh_s(11):
المشكلة والله ماكو تخصص ثاني احبه و احس نفسي راح ابدع فيه غير هل تخصص !!

 

[ZAMessi]

نصيحتي لك أن تتخصصي في علم النفس إذا أردت الفائدة على الصعيد الشخصي

انزين بس شنو استفيد اذ على الصعيد الشخصي
مهما كان احتاج اني اشتغل :eh_s(16):

 

[Pearla & Ribbons]

حبيبتي علم النفس مايوكل خبز روحي كمبيوتر او هندسة او انجلش اذا تحبين علم النفس اكتفي بالقراءة من الكتب والنت وايد كتب بهالمجال ودشي دورات تفيدج عالصعيد الشخصي ماله داعي تدشين هالتخصص