مستلزمات السفر للعروس ؟؟؟؟؟؟؟؟؟؟

[عاشقة الدوحة]

مرحبا بنات
شلونكم

ابيكم تفيدوني شنو ممكن اخذ معاي للسفر (مدة اسبوعين ) ؟ مضغوطة وايد ونفسيتي متقلبة ومب قادرة افكر :eh_s(2)::eh_s(2):

ابي اللي راحت شهر العسل تقولي شنو احتاجت هناك ؟

انتظركم :eh_s(2)::eh_s(17):

 

[A p r i l]

اول شي هدي بالج الموضوع مايسوى تررا ..

شنطة شهر العسل .. اول شي لازم تعرفين الدوله اللي رايحتها حاره ولا بارده من هني حددي لبسج اذا كانت جزر انصحج تاخذين الاثياب الماكسي درس اما لو بادره طبعا جاكيتات وبناطلين وكوت..
شنطه صغنونه لاغراض الحمام ( فرشه_ معجون _ قطن _ كريماتج _مشط_اسيتون والخ )
وشنطه الميك اب ضغنونه خذي الاساسيات فقط لا تكثرين ..
خذيلج 3 بناطلين
قمصان نوم تقريبا خذي عشره دام اسبوعين احس يكفون وانتي عروس يديده لازم يشوفوج ريلج كل يوم بشكل ولون غير خخ ! طبعا منوعه قصير وطويل
بيجامتين او 3
وخذي كوتكس احتياط
استشوار
عطر او عطرين واحد لنهار واحد حق الليل
بالنسبه للشوز .. ( فلات وكعب ) لاتكثرين

وفي النهايه الله يهنيج ولا تضايقين وتكدرين عمرج انتي عيشين احلى ايام عمرج وماراح تتكرر عيشيها ولا تكدرين نفسج الله يهنيج ويوفقج يارب

 

[سمآآ]

مثل ماقالت. بنات خالتي وعمي. قالو لي علي حسب المكان اللي تروح له


وأذا نفص عليج شي اكيد في اشيااء من نفس المكان اللي رايحة له بتشترين

واهم شي بناطيل تاخذين راحتج أكثر وبالشوز الفلات. او الكعب المتواسي. عشان ترتاحين اكثر ولاتحسين بتعب أذا طلعتو




بالتوفيق حبيتبي

 

[قطرية كشخة]

انا مو عروس ونفس كلام خواتي الي فوق واهم شي لا تنسين بندول ومعقم لليدين وحلاوة مص للزكام

 

[sokat]

حبيبتي اهم الشي الدواااااااا .. لان لو مرضتي ماراح تستانسين و تخترب سفرتج
اخذي ماي مرقدوش حق اذا حاشتج لوعه .. واخذي دوا حق عوار الدورة
واهم شي الغسول والمنظفات حق المنطقه الحساسه .. وهدوم لاتكثرين لان اكيد بتشترين هناك
وكعب انسييييه لان يكسر الظهر بالسفر .. واخذي معاج علج حق الطياره ..
واسبوعين احتمال ينبت شعر بأي منطقه ف شي ضروري مزيل الشعر او موس او اي شي ترتاحين عليه

 

[&موناليزا&]

عزيزتي رفع لعيووووووووووووونج



نتشرف باضافتكم على الانستغرام (أكاونت ممتع ومفيد ونصائح جمالية وصحية )
@monalezaa__ku​

 

[فوزيه الراسي]

نفس كلام خواتي ماقصروا

 

[عاشقة الدوحة]

شكرا فديتكم ع الرد:eh_s(7)::eh_s(7)::eh_s(7):

واهم شي الغسول والمنظفات حق المنطقه الحساسه ..

واسبوعين احتمال ينبت شعر بأي منطقه ف شي ضروري مزيل الشعر او موس او اي شي ترتاحين عليه

انا احاتي هالاشياء

الغسول ما عمري استخدمتهم، فماعرف اشتريهم
ومستحية اخذ معاي الموس ،واكيد الشمع مب عملي!!!!!

 

[نـعـومـه]

اول شي مبرووووك

ثاني شي لاتوترين انتي عروس احلى ايام انا موعروس بس اذكر شهر العسل

عندج بدلج انتي وستايلج

ديودرنت

مكياجج

ماسح المكياج

غسول او صابون للويه

فرشه معجون

شامبو ليفه صابونه

عطر او عطرين بس مواكثر

قمصان نوم لاتكثرين

خف

بجامات ناعمه للنوم

مشط

جوتين للطلعه

لاتودين سوالف ذهب واكسسواران وخبه ساعه عمليه ودبلتج اذا حابه

 

[نـعـومـه]

وفي وحده قالت اخذي عشر قمصان و بجامتين او 3

بالعكس البجامات لازم أكثر البجامات لازم تاخذين 10 لما تنامين بتنامين بجامه مو قميص نوم والبجامات نوعي قصير طةيل شورت نفنوف

اما قمصان 6 7 كاااااافي

 

[نـعـومـه]

واخذيلج حلاو حار عشان الانتعاش وريحه

 

[طيبة83]

بدلاتج اخي على حسب احتياجج تبين تلبسين بدله كل يوم اخذي 14 او بتكررين اخذي 7
وطقمي البدله مع البدي مع الحجاب وحطيهم كلهم في معاليق بلاستيك وحطيهم في كيس او كيسين ملابس مثلا كل سبع بدل بكيس وبعدين صفطي اليس وخليه.

انا في السفر افضل اخذ شنطتين وحده كبيره للمطار ووحده كروس للطلعات وايد اريح
وطبعا جوتي وصندل فلات

الملابس الداخليه اخذي شغلات قطن بس مغريه وطقميها وااايد مهمه في بعض الريايل عقب ما ترجعون الفندق ما يعطونج فرصه تبدلين

ملابس النوم والملابس المغريه انا اخذت شكثر معاي ما ستفدت منها كلش لان طول اليوم رحلات ونرجع الفندق تعابه

 

[عاشقة الدوحة]

جزاكم الله خير بنات على الردود،، فادتني وايد والله..
وان شاء الله احاول ارتب اموري
لاني ناوية البس بدلات تكون ساترة ويمكن البس عباية بعد
وشكلي بعد باخذ معاي خيط للشوارب!! وموس وباخذ بعد الشمع اللي يبيعونه بالجمعيات في اكياس صغيرة، شرايكم؟

 

[سـٌگر معـقـود]

لوول ذكرتيني بخيط للشوارب اذكر خليته يوديني صالون وارطن وياهم اشوه مافهم علي
لان صج بيطلع شعر وبتتوهقيين اخذي معاج ملقط شعر فادني شريته هناك للتخفيف من المشكله
وعادي اخذي موس ليش مستحيه ترى ماراح يفتش بس خشيه لاتحطينه بالحمام واخذي فحم وبخور و ولاعه ومبخر صغييير
بعد عرووووس لازم بخوور

واتوقع باجي الاشياء عارفتها بسس اخذيلج نفانيف للفندق فرضا ماراح تطلعون اليوم او رديتو مبجر
تلبسينهمم


والله يهنيييكم

 

[عاشقة الدوحة]

سكر.. فديتج مشكورة ع الرد،، تصدقين للحين ما شريت لي عود ولا بخور، احس ان العطورات كفاية!!! خاصة ان في عطورات بريحة العود،، ولا شرايكم عرايس؟؟؟

 

[عاشقة الدوحة]

وبالنسبة للنفانيف للسفرعملت حسابها الحمدلله
وشكلي ما بلبسهم الا هناك :s