مسج مرت حماي الوقحه

[ڕۆۆحــي ڣــڍااگ]

نو كومنت

 

[Winter Q8]

تقولين ولدها نسا موبايل امه و بعدين تقولين عندها بنتين بس ؟!! غريبة

 

[امي الحنونه]

شتاء الحب كلامها عين العقل

انتي غلطتي واهي غلطت

سامحيها

 

[نحوله عسوله]

شنو كنتي متوقعه تلقين بتلفووونهاا ؟؟
الاهم شنو كانت نيتج ؟

واذا منقهره من كلامها عنج بالطقاق خليهااا تولي لاهي اختج او امج عشاان تحترين هذي سوالف حريم الحموات تلقينها باجر تخلص من مرت حماج وتجيج و تعاشرج بالعربي حريم الحموات ما يتولفووون بالمره


طنشيهااا وكبري عقلج انتي الكبيره

 

[chee$e cake]

اولا انتي غلطانه

بس ما عليج يمكن اهيا كانت ماخذه فكره و تغيرت عنج و صارت تحبج و تموت فيج ما عليج

عامليها بالاحسن بتحبج و تحترمج غصبا عليها

 

[amera bklmty]

وااي اسلوب البنات يفشل و حده عيب انهم يعلمون غيرهم العيب و اهمه مايعرفونه مهزله الصراحه

ثانيا :: انتي غلطتي غلطة كبيره انج فتشتي و من راقب الناس مات هما يمكن انتي حسيتي بغلطتج لكن اقولج الحل ..
لا تواجهينها بهالموضوع و اذا اجتمعتوا ثلاثتكم ييبوا طاري الرياييل و و تحجي عن السنع و عن معاملة الرياييل بشكل ايجابي كأنج تعلمينهم شلون يصيرون سنعين مع رياييلهم بس على طريقة سوالف مو نصايح و ثنتينهم بيتفشلون من عمرهم و الثانيه بتفهم ان كلام الزغيره كله خرابيط و تكونين انتي طلعتي بويه ابيض ..

 

[الغلا كله لبوي]

تقولين ولدها نسا موبايل امه و بعدين تقولين عندها بنتين بس ؟!! غريبة

نفس الكلام:eh_s(10):

 

[سامرينا]

طنشي حبيبتي لانج انتي غلطانه

شنو بتقولين لها

فتشت تليفونج بشوف شتقولين عني

 

[أإلع ـشق دلع ـهـأإ]

.









عااامليهاا بحدود


الوقت هذا لازم مااتعطين احد اكبر من حجمه ..

هذي الدنيا






.

 

[صادقة بكلمتي]

حبيبتي ان على الغلط غلطانة بس اللي صار صار واخذيها قاعدة اللي يخاف من الشي بطلعله وارضاء الناس غاية لا تدرك فعادي انتي حقري اللي قريتية واتحسبي الله وادعي بصلاتج اللهم من ارادلي الشر در كيده في نحره واهم شي تكوني واضلين زينة ولا ياثر عليج شنو ماكانت كاتبه وانتي بلسانج قاعدة تقولين انج اكبر منهم بعشر سنين فتعتبرين الاخ العودة اعتبريها اختج وتغلط وترا احيانا البنات باي بنت من اللقافة يسوون سوالف ومن الجهل باجر تشوفج انج مع كل شي اهي تسويه انتي زينه معاهم بتندم صدقيني وخلج كبيرة البيت ولا تزعلين وطهري قلبج خاصة ان رمضان شهر التسامح قرب والعوض على الله واهم شي عيالج وريلج لا يدري وباجر يقولون انتي العاجل اللي تسوين السوالف والله يوفقج وتقبلي مرووووووري

 

[OUM FAHoOoDI]

ما فكرتي يمكن ربي عاقبج على تنبيش تلفونها من غير اذن وخلاج تحترقين من القهر ؟؟؟ ادري انج مو غلطانه وانها حشت فيج انتي وزوجج بس مالج الا تسكتين شتسوين بعد

 

[ام ميميتو]

حبيبتي يمكن المسج مو عنج وحتى لو عنج يمكن كانت مضايقه من موقف صار بينكم وما حبت تكلمج فيه وحبت تفضفض حق مرت حماج الثانيه خلج احسن منها و طنشي واذا هي تتكلم عندج من ورا ضهرج الله بياخذ حقج بس ماكان المفروض تفتحين تليفونها الله يهديج

 

[ماآاريا]

شوفي حبيبتي

اما انج اطنشين السالفه وتسامحينها وتنسين سالفة المسج

او انج تواجهينها وتقولين ولدج يوم نسى تلفونه عندنا عبالي تلفون واحد من عيالي وكنت افتش فيه قبل لااعرف ان تلفون ولدج

وانصدمت بمسج منج يافلانه انتي كاتبه جذي وجذي عني؟ ليش يختي شاللي خلاج تقولين اللي تقولينه قوليلي بويهي ان كنت غلطانه؟

واعتقد راح ينقص ويها وراح تعتذر وتبرر موقفها

وبكذا الحالتين ماراح تحقدين عليها وبتسامحينهاا لان مو حلو الواحد يخش بقلبه ويحقد

وبالتوفيق

انا مع هالبنيه

انا اكره النفاق من قدامي هالله هالله ومن وراي كلام

عشان ما تدز لج مسجات كلها جذب بجذب

واجهيها

واللي صار صار

 

[~ بنت الهدى ~]

صدمتج هذي عقوبه من الله عشان لا تتليقفين مره ثانيه

لوول لا تزعلين اتشاقى وياج

ولله شوفي اول شي التفتيش مو زين انا مره تليقفت مثلج و شفت شي صعقني و من يومها صرت مو ملقوفه

و بالنسبه للوقحه . ولله مادري بس فعلا وقحه

 

[ترانيم القصيم]

تنبشون بموبايلات رياييلكم امنا بالله

ههههههههههههههههههههه :d

الله يوسّع صدرك على هالجملة ,,

بس باقي ردّك لا يحوووشك ,, حرام طبّيتِ بالبنت ,,

الله يهدي النفوس ,, ^__^

 

[sweet.sanfoora]

حبيبتي

انتي غلطانة وهي غلطانة شتحرقين فيها ! يعني اذا واجهتيها شبتقولين

والله يا فلانة انا نبشت بفونج ولقيت كيت وكيت << يا لهووويييي
عرفتاي

وبثث

 

[ليدي بجد]

الله يهديها...لا تعطينها وجه وخلك رسميه والواجب سويه...وحاولي قدام حماتك الثاله بينك وبينها تورينها رسايل المعزه والباركات الي منها...وتقولين اي مدح قالته لك لها.واحيانا قوليه قدامها عشان يبين انك صادقه اكثر..طبعا هالكلام بكل مره تشوفينها..وبيني انك ما تكرهينها ابد..قدام حماتك الثالثه وهي بتستنج...بنفسها.....وتعرف كذبها لو كذابه..
ويمكن موقف قديم وزعلت منه وعدى ونسته...تاكدتي من تاريخ الرساله؟؟؟؟؟

 

[Lourdez]

طووفي الموضوع يمكن اهي شافت منج ومن ريلج موقف و ظنت سووء فيكم وانتي قلتيها الله يغفر انتي ما تغفرين ..غفريلها و طوفي السالفه و كان الله غفورا رحيما

 

[بدويـة للنخاع]

استغفر الله

 

[mf6nt el3lat]

انتي كبيره و عاقله خليها سفيه هاذي ... يعني شقصدها تزرع فتن شنو سكووب انتي مثلاً ؟
واسكتي ولا جنه شي صار ومنو بهدنيا مايحب النفاق والحي خليها على الله بس