مسسسسسساعده بلييز

[ياغروري]

السلام عليكم

كيفكم بنات

انا بقولكم سالفتي...

انا ملكة ع ولد عمتي اهو كويتي ونا من السعوديه
انا عمري 18 و10 اشهوور
وانا رفضت ان يكون الزواج الحين ابي لين اكمل دراستي
ما ابي ادخل للكويت الا وشهادتي معاي

والكل عارضني بهالشي صحيح هو تفهم

بس الكل للحين تقنعوني اني اتزوج الحين

وانا شاايله هالفكره من راسي

يعني الزواج ابيه بعد 5 سنين لين اخلص دراسه

انا رافضه اني اكلمه وكلمته بس عشان اهو تفهم رغبتي واجل العرس
ومن الحب ما قتل

ابيكم تفيدوني اللي اسويه صح ولا غلط

 

[غارقة بأحزانها]

تعالي درسي بالكويت
الريال تزوج عشان يعف نفسه
مو عشان يقعد خمس سنين لاهو متزوج ولاهو عازب
ملجة ٥ سنين اتقي الله يابنت اذا مصرة على رايج
تركيه خليه يشوف نصيبه

 

[om 7sony]

مادري حبيبتي جنه وايد خمس سنوات
اذا خلصتي ثانويه تعالي هني كملي دراستج
مو حلوه تظلين جذي خمس سنوات متزوجه بالاسم بس
والله يوفقج لكل خير

 

[لي لي78]

حبيبتي كملي الدراستج في الكويت مابينتظرج خمس سنوات بعد لوسنه والى سنتين ايهون بس خمس وايد

 

[Tom ♥ Jerry]

.




شوفي آهم شي زوجج ، قصدي خطيبج
اذا آهوة راضي ينطرج 5 سنين > مآ آنه وآيد
يعني يمكن يلاقي ضغط من أهله ,،
اذا راضي كيفه ,،

 

[Tulips]

والله شوفي ٥ سنين وايد

بس شكلكم اثنينكم صغار وعلشان جذي رضا ..

وبالعكس قرارج حلو يعني تكونين مخلصه دراسه واذا ييتي الكويت تفكرين تشتغلين بشهادتج على طول ..

مالج شغل بكلام الناس

اذا انتي واهو متفقين لا تخلين اي احد يتدخل بقراراتكم وخلكم قد المسؤوليه

 

[KOKO_284I]

اتزوجي وكملي

 

[لياليـ]

انه اقول لا لانه اولا اهم شي دراستج ماكو شي راح ينفعج الا شهادتج او حطي بالج دراستي او بسسسس
ثانيا مااعتقد انه يقدر ينطر كل هالسنين
اتقبلي مروري

 

[أم توتو]

حبيبتي كملي بالكويت السعوديه والكويت واحد احسن تكونين عنده مو اهو بديره وانتي بديره وملكه خمس سنين كان ماملكتو ا احسن بعد اربع سنين ملكتوا والسنه اللي تخرجتي فيها تزوجتي وانتي بكيفك استخيري احسن

 

[zaina alotibi]

الكويت والسعودية واحد ان درستي اهني او اهني نفس الشي .... بس 5 سنين ينطرج حرررام وااايد

 

[سموة الزين]

انا اقول اهم شي دراستج
شهادتج سلاحج بهالزمن

ونصيحتي صلي صلاة استخاره والله ينورلج اللي فيه الخير

 

[لوفيه]

أوكي شنو المانع تزوجي وكملي دراسه

الحمدلله كلنا قاعدين ندرس وفي مننا موظفات وقادرين نقسم وقتنا

٥ سنين وايد خوفج اهو يهون لاسمح الله

بكيفكم حبيبتي اهم شي تكونين مقتنعه بتفكيرج

 

[Gifts&Occaions]

أنا اقولج دراستج أهم شي

 

[فديت حياتي كلها]

لااا خمس سنين والله وااااااايد
لييش ما تكملين دراستج بالكويت موو احسن
عاااد انا اصغر منج بسنه و عاايده سنه و لي الحين بالثنويه و متزوجججه بس عادي الحيااه حلوه لوووول
و الله يوففففففقج حبيبتي

 

[مناير ...!]

وايد 5 سنين والله

 

[ليل السفر]

سهل الكلام بس لاجاوقت الصجيه
يعني انا قبل كنت اقول نفس الكلام
بس بعدين غيرت رايي
لان الخطوبه والملكه مافيها استقرار ابدا

 

[FeShinGoOo]

والله بعدج صغيره عالزواج ومافيها شي اذا اجلتي

بس السؤال

اهو راح يصبر ويتحمل ؟؟

خوفج يطير من ايدج ..

اذا واثقه انه بينطرج كملي دراستج واذا لا واهو خوش ريال اقولج استخيري وتوكلي على الله

اذا ريال زين وبيساعدج بظروف دراستج لاتطوفينه