مسلسل ( بنات الثانويه ) هل له تأثير على بناتنا ؟! ( للنقاِش )

[photoshopia]

السلام عليكم ورحمة الله وبركاته ..
لست ناقده فنيه ولا مخرجه ولا اعمل اي دعايه او اقلل من سمعة المسلسل لانني لست من هذا النوع .. انا لا أؤيد ان نقلل من سمعة مسلسل بحيث ذمه وهكذا .. ولكن هذا المسلسل اؤيد ذمه .. لانه له اثر كبير على بناتنا ..

لست اكلمكم بصفة ام او وزيره او عضوه !! انني اكلمكم كصفتي فتاة بالمتوسط ولم تدخل هذه المرحله حتى الا وهي الثانويه ...

اول شي بتكلم كصفة عامه ..
هل بالمسلسل تأثير ايجابي ..!؟ هل له هدف ؟؟!.. الاجابه : لا طبعا .. ولا يحتاج التفكير او التبرير ...

هل له تأثير سلبي ..؟! .. نعم .. كيف ؟؟؟!

حسنا ..
في بداية المسلسل ذكروؤو انه سمر بنت مؤدبه وملتزمه والى آخره .. ولكن بعد التعرف على صديقات السوؤء بدأت تحب صديق اخوها .. هنا يوضحون انه الصاحب ساحب .. اتفقنا ..
ولكن بعد ما وقع عليها اخوها فقط حرمها من بعض الاشياء التي تحبها وتزوجت بعدها .. وهنا يؤيدون فكرة الحب .. ويوضحون انه الشاب دائما نيته سليمه ولو غلطتي غلطه مو مشكله بتزوجين ..

اوكي ممكن نقول تصير عندنا بالكويت وباقي الدول انه البنت تحب وتغلط ويعاقبونها وتتزوج الي تحبه ..

ثانيا .. الهروب من المدرسه !!... منو ماشاف الهروب من المدرسه يوم طلعو البنات الاربعه وفصلوهم من المدرسه ولكن لم يتخذ لهم اي اجراء من اهلهم ... لا طق ولا شي بعد هاالسواة الشينه

دخول الهواتف المدرسه وبالحمامات وهالسوالف .. مانختلف .. تصير قبل بس الحين بكثره ..
وانتو شوفو اعلان بنات الثانويه البنت الي حاطه راسها على الطوفه وتتكلم بالفون
ولا فكرو انهم يحطون لقطه انهم يصيدونها ويتخذ معاها اجراء وكأنهم مأيدين هالفكره ..


السحر .. الي تجي صديقة سمر وتحرش بنت خالتها عشان سمر لا تتزوج .. !! جذي راح يدخلون ظاهره جديده .. انه تسحرين بنت خاالج او عمج .. عشان ماتتزوج ..
ويروحون يسون سحر عشان يصير الرجال الي تتزوجه خاتم باصبعها ..

فتحتو للبنات ابواب ماكانت مفتوحه ...! منو فيككم مايعرف سالفة بنات ثانويه اليرموك بنت تفقد عذريتها بسبة اربع بويات ..!

ولاتنسون انه بمسلسل بنات الثانويه ماكانو حاطين ظاهره البويات وانا عارفه هالشي .. بس الابواب الثانيه الهروب وعدم العقاب مفتاح دخول لهذي الظاهره ..

مايحطون العواقب ..
المفروض تحطون كل السلبيات وعقوبتها .. مو تحطون ظاهره وحده وكأنه تقولون بس هالظاهرات الغلط ..

ابي رايكم يا بنات .. :eh_s(17):

 

[Tom ♥ Jerry]

.



وعليكم السلام و رحمه الله و بركاته ..
وييييه قديم المسلسل صار تكلمنا عنه وايد .، :eh_s(22):

أول شي الله يوفقج في دراستج حبيبتي
و شدي حيلج ..، :eh_s(17):

امممم انا صراحه ما اشوف انه المسلسل فيه شي ..
الكاتب كلش ما بالغ من حيث القصه ،
بالعكس هاذا شي واقعي و فعلا البنات يعيشونه سواء بالثانوية او الجامعه او حتى المتوسط .،
ما ياب شي من عنده .. و سالفه المغازل و المواعد الي صار بالمسلسل
هم هاذا بعد شي واقعي و الكل عارفه .. شي ملموس بمجتمعنا للآسف
ما اعتقد المسلسل راح ياثر سلبيا على البنات ،
الزينة زينة والشينه شينه .. صدقيني الي متربيه صح مافي شي يغيرها
حتى لو كان مسلسل .. و الي بتخترب من مسلسل
برايي هاذي فيها خلل بالتربيه و نقص

 

[مهندسه "]

وعليكم السـلام

بالنسبه للمسلسل ..
انا تابعته وشفته ومثل ما قلتي في تصرفات واايد تأثر ع المراهقات
خصوصاً سالفه الشباب !!
وبنظرهم ان البنت المتربيه ممكن تحب حب شريف ونهايته زواااج !!


هذا رايي يعطيج العافيه

 

[ابدا يالغالي مانساك]

قديم المسلسل بصرااحه ماشووف فيه شي عادي نفسه نفس المسلسلات الي نشووفه
وهوولوا فيه بزيااده بعد
تدرين ليش الخووف كله من اسمه بناات الثاانويه والي يخااف علي بنااته واللي يخااف علي خواااته وعبالهم فيه شي هالمسلسل
والبنت الي مااشيه سيده ماله تاثير بااااااااحد
وماينخاف عليه حتي لو من مسلسل

 

[photoshopia]

حياكم الله ومشكورين على ارائكم

 

[فـــخـــر]

مسلسل حاله حال اي مسلسل أخذ ضجه زياده عن اللزوم

ومعطينه اكبر من حجمه

* الاغلبيه شافوا اول جم حلقة ومن سخافته طنشوه

 

[_زينه_]

ماشوف فيه شي

 

[ملوكـه]

سالفه الهروب من المدرسه بهالطريقه هذه
قمز ومادري شنو
اعتقد بعض الدول الخليجيه ماعندهم هالشي
تشوفين قابل بااستنكار من بناتهم
وخذو فكره مو زينه عن البنات الكويتيات !!!

يعني المسلسل يعتبرررر
جرئ بشكل مو طبيعي

ومايمثل البنت الكويتيه بهالشكل

 

[بحرانيـه]

يقلدون المسلسل السوري اشواك ناعمه طول عمرها الدراما الخليجيه فاشلة وسخيييييييييييفة وممثلات من الفضاء لووووووووووووووول

 

[PuPa^^SWeeT]

شووفي المسلسل


ما طلع خبايا البنات الصجية


بالعكس طلعهم ضايعيين بس وممكن يهتدوون




بالنسبة لي ما ياثر على البنات لأنهم بعض البنات سووري يعني بزوود

و حادثة البويات مع البنت المغتصبينها اكبر دليييل على انه ماكو عقاااب راادع


و بالمسلسل طلعو حياة الطالبات بسسس ماطلعووو الصورة الحقييقية اللي ممكن اتكون


ما انكر فيه مبالغة


بس بالمجمل ما يه ربع اللي يسوونه البنات


خذا ضجة زيادة عن اللزوم

ما اقوول انه كل بناتنا اخلاقهم نازلة



بس همن فيه فئة المفروض يركزون عليها و يبينون شلوون عاقبتهم



ماعندي مشكلة بدرجة الطرح بس اهم شي درجة طرح القضية = درجة العقوبة النهائية




و تقبلوو راايي

 

[شادن33]

حيااااتي فوتوشوبيه طلعتي عنووونه
الله يكملج بعقلج
شوفي انا الصراحه عندي بنت قريبه للمراهقه ومنت اشوفها اتابع هالمسلسل
وانا ماحبيت هالمسلسل لان يمكن اللي في سن بنتي بتقلد تصرفات البنات اللي يعجبونها بالمسلسل

فكنت يمها اشوف واقولها ماما ترى هذا تمثيل وهالتصرف لاتحسبينه صح واشرح لها
وهي فديت روحها تقولي ماما ترا انا اعرف هههه
والله خفت اتقلدهم
الله يعين
بس ترا بعدالتربيه لها دور كبير ومراقبه الاهل بعد
ومشكوره حياتي والله يوفقج بدراستج ياحلوه *

 

[photoshopia]

مشكوؤرين ارائكمم على راسي ..

 

[M6NoOo5a]

وعليكم السلام ..!

اي والله انج صاجه ...

تخيلي بمدرستنا مسستحيل تلاقين بنت طالعه من الحصصه

مالهم بهالسوالف ابد ولا مهربه جوالها لان مديرتنا من نوع يفتش بستمرار ..,

عالطالبات وماتخلي مكاان ماتفتش فيه

من بعد بنات الثانويه والككل يجيب فونات يجيبونها لدرجه لو سنعو فيه تفتيش

راحوو يحطونها بكياس ..#

وبالزباله وانتي بكرامه ..#

عشان مايصيدونهم ويهربووون يدشون بمستودعات المدرسسه ..:eh_s(2):


يعني له تأثير كبير عليهم بششككل مو طبيعي مأثر فيهم .. الله يكافينا الششر ..

لا وصاروو يراددون الابلات عيني عينك اشكره حتى لو اهيا غلطانه ..:eh_s(2):

مالي شغل باخذ حقي منها حسستني ان الابله دايسه في بطنها ..$

تاثيره على بناتنا كبير مو شويه الله يهيدهم ان شاء الله ..

ويعطيج العافيه عالططرح الرائع ..

وبنتظار جديدك ..

تقبلي مروري :eh_s(7):

واسفه عالايطاله ..

 

[photoshopia]

^^ شاكره لج وجهة نظرج وانا بعد من رايي انه له تأثير كبير مو شووؤية ^_^

 

[PuPa^^SWeeT]

مطنووخة


من زمااان التلفونات و المراادد



واتييلج ودها بعد اتطقج


ههههههههه


شر البلية ما يضحك

 

[photoshopia]

^^ لول بس الحين بكثره

 

[لمى الهاجري]

ابشركم في جزء ثاني للمسلسل بسمونه بنات الجامعة بس الممثلات بغيرنوهم لوووول

 

[PuPa^^SWeeT]

ههههههههههههههههههههههههه



حلوة



كلش يعني يبيله بنات الجامعة

بكل مسلسل رازين بنات الجامعة




و كلهم يبينون انهم يغازلون


شدعوا الديرة خلت من المؤدبات ؟؟؟ حرام عليهم عاد

 

[القطه توتو]

الحمد لله ماشوف مسلسلات اسال الله ان يثبتني لاكن مانقول الا حسبي الله وكفى على كل من ارادنا بسوء

 

[نسيم المحبة]

المسلسل فيه أشياء شكثر محد يسويها .. و حتى لو يسوونها تكون نادرة هالظواهر