مسلسل بنات الثانويه

[fri2010]

صح بكل مكان فيه الشين والزين

حتى الابلات بعضهم زينين وبعضهم لا والله

والله ييسر امورنا ان شاء الله

 

[ذكريات عشاق]

سلام بنات اشلونكم

انا معلمة المرحله الثانويه ترى بنات الثانويه جذي هذا اسلوبهم
صج جيل عن جيل البنات يصيرون اسوء
انا ادرس كل المراحل
الصف العاشر اتلاقين بلاوي وعدم الاحترام للابله وعدم الاهتمام لا بالماده الدراسيه ولا بالواجبات ولا بالامتحانات

اتصدقون اوزع الامتحانات على الطالبات تكون يايبه على الحفه تاخذ الورقه وتقول الحمدلله ناجحه

وبالنسبه للصف الثاني عشر اللي ادرسهم روعه بناتي وحبايبي
ويخافون ويبجون على نص درجه
حتى يوم حفله تخرجهم بجيت عليهم واهم يبجون علي
بس صف عاشر اطلع من صفهم ابجي من قله الادب اللي فيهم

بس ما اقول الا الله يستر جيل اسوء من جيل قاعدين يطلعون


يارب استر على اعيالنا وبعد عنهم اصدقاء السوء
دايما ادعي هذا الدعاء من اللي اشوفه بالمدارس

الله يعيناا يارب
اي اكيد الصف الثاني عشر يبون الدرجات والا عاشر عادي كل شي عندهم طاااف
الله يعيييين ياارب ويسسهل علينا

 

[رآقيه باسلوبي]

احم احم سلآم << انا توني متخرررجه فررررش من الثانوووويه هالسنه تخرجت وسجلت بالتربيه يعني بصير معاكم مدرسه كك
بس ترآ ماعندنآ كل هالسووووالف شدعوهـ هم مكبرين الاحداث لانه مسلسل !
اوكي نجيب فونآت نجيب مسكرا وكحله ! نتقصع بالمشيه ونتميع ! ونرادد الابله ونصرخ بعد !
<< طبعااا مو انا خوو انا شحلاتني ولله الحمد عاقله وامتيآز الله يتمم علي كككك
بس في بنات جذي لكن مو لدرجه انه نهـــرب !! ونحاجي شبآب بالحماام ! وسوالف ليدي وبووويه بالحمام !! لآآآآع عااااااااد برؤح اسووووي اضراااب < اقعدي بس ..

والله حلو شعور الابلات تصدقون كككككككككككككككككككككك

 

[fri2010]

 

[حنين السعودية]

الحلقه اليوم توني شفتها ... حلوهـ بصراحة ..
والتهديد نفع مع البنات

 

[ذكريات عشاق]

حنين السعودية
اي اكيد حتى لو كانت البنت مشاغبة العين الحمرا تمشيها سيدا
لانها اذا زفيتيها حتى لو ضحكت بس اكيد بتحس بفشلة واحراج من داخل وماتبين لغيرها

 

[مشغوله و محتاسه]

انا ما تابعت المسلسل عدل ... بس امس شفت الحلقة ... و بطو جبدي لما خلو البيع بالمقصف اهو عقاب للطالبة ..


اولا البيع بالمقصف لا يمكن اعتباره عقاب ..
المعلمة تبيع .. و في بنات نشاط التعاون اللي اهو نشاط المقصف يبيعون ... يعني بالمره ما فيها شي

ثانيا بنت سوت اللي سوته و تسببت بفصل بنت .. اعاقبها بالبيع بالمقصف ؟؟

يبون يعلمون البنات ان اللي تسوي لها بلوه عادي تطوف و اقصااها بيع بالمقصف @@

اساسا انا اشوف الطلبة يستانسون لما يبيعون .... ليش المسلسل يبيهم يتكبرون على هالشغلة ؟؟


اذا البيع عيب و فيه اهانه للبنت .. عيل تنظيف الساحة شنو ؟؟



و بعدين وين المنطق .. البنت الاولى اللي لقو الشريط بجنطتها فصلوها ... و اللي مسجله الشريط و متبليه على الناس بس تبيع ؟؟



و لبس ابلة البدنية ... شنو كل مره لون ؟؟ اهم عندهم لبس معين ... ابيض واسود
الابله كل يوم مخالفه و محد يقولها شي ؟

المفروض الكاتب يخلي معلمة او تربوية تقرا القصة قبل لا يصورون هالخرابيط

 

[ذكريات عشاق]

اي المسلسل في وايد اخطاء بالمدرسة

 

[fri2010]

بس البنيه لما خلوها تبيع بالمقصف حست باهانه

فهذا بحد ذاته عقاب

 

[ذكريات عشاق]

اي بس مادشت ببالي ان الناظرة ممكن تتقاضى عن موقف مثل اللي صار على الاقل تكتفي بفصل يومين
يعني بس قالولها غشمرة طوفت لهم

 

[fri2010]

بس الوكيله قالت ما تطوف علي هالسوالف وانا راح اعرف شغلي معاهم

 

[ذكريات عشاق]

هههههههههههههههههههههههههه
والله محد مخلينا المدارس يمشون سيدا غير الوكيلة

 

[fri2010]

اي والله تصدقين حتى على ايامي كنا نخاف من الوكيله اكثر من الناظره

 

[ذكريات عشاق]

اي تخخرع الوكيلة قبل

 

[حنين السعودية]

مالاحظتم بنات إن تصرف انتصار الشراح .. مو زين ..؟؟
لما كانت الوكيلة تطلب من ابتسام العطاوي تعتذر من ابرار سبت .. وخلت عقابها تبيع في المقصف
شفتوا انتصار يوم قالت خوووش عقااااب ؟؟ وضحكت .؟؟
بصراحة انا ومو طالبه عندها رفع ضغطي اسلوبها .. عيل شلون ابتسام ؟؟؟

 

[PuPa^^SWeeT]

اي بس مادشت ببالي ان الناظرة ممكن تتقاضى عن موقف مثل اللي صار على الاقل تكتفي بفصل يومين
يعني بس قالولها غشمرة طوفت لهم

لووووول عادي الحين من امن العقوبة اساء الادب


وهذا اللي حاصل

 

[ترف بابا]

هذا مسلسل

كله اخطاء مو كل المدارس تعاملها جذي

بس هم معتمدين ان اللي يشوف ىالمسلسل ويتابعه مو من سلك التدريس - (متابعينه اغلبهم مراهقين)

انا عن نفسي اشوف لقطات مو كل الحلقه !

لان الحمدلله احاول التزم بتوقيعي

 

[fri2010]

واحنا الحمدالله ما ندش ونكتب تعليق على الموضوع

الا اذا شفنا موقف تربوي وتناقشنا فيه

يعني الحين يومين ما صار موقف تربوي ما علقنا على شي

 

[مشغوله و محتاسه]

بس البنيه لما خلوها تبيع بالمقصف حست باهانه

فهذا بحد ذاته عقاب

بالمسلسل حست انه عقاب .. بس بالواقع.. المفروض ما نزرع ببناتنا انه شي مهين

بالعكس البيع بالمقصف شي حلو و فيه وناسه للبنت

و حتى لو عقاب ... فهو غير مناسب للموقف





و كلام حنين بخصوص تصرف انتصار صحيح

المعلمة ما يصير تبين شماتتها بالطالبة

و المفروض تكون حياد عشان لا تحقد عليها الطالبة





الله يعينكم يا الابلات الجدد ... راح تستكشفون شغلاااات بالميدان

 

[ذكريات عشاق]

امس ماشفت الحلقة ولا حتى الاعاده