مسلسل بنات الثانويه

[fri2010]

وان شاء الله بنكون قدها مشغوله محتاسه

ادعو لنا ان ما نشوف اللي شفتوه

 

[jen2n]

فرااااااي تعرفين ان المدرسه اللي امثلين فيها ماريه القبطيه تابعه حق حولي ،،ليش ما سجلتيها من ضمن الرغبات شكلها مدرسه حلوه وذربه واهم شي مسقفه

 

[fri2010]

تعرفين جنووون شنو المشكله!

اني ما كنت من سكان محافظه حولي تونا من جم سنه يينا بيتنا اليديد

فما درست بمحافظه حولي

المهم ماريا القبطيه بعيده المدرسه عن بيتنا بس حطيتها رغبه رابعه

انا ابي بين مشرف وبيان

 

[jen2n]

اي هم زين رفيجاتي يمدحون ثانويات مشرف وبيان

 

[ذكريات عشاق]

حللقه اليوم جداا عادية
بس مبااالغ فيهاااا بطريقة مو طبيعيه

 

[BeNt PaRiS]

اي والله

المسلسل يعارض عاداتنا و تقاليدنا

و هذي مو عادات كويتنا





تحياتي :
معلمة اجتماعيات مع وقف التنفيذ

 

[fri2010]

ما شفتها اليوم عدل

بس اللي اشوفه بالواقع نفس اللي قاعده اشوفه بالمسلسل خاصه البنات

 

[ذكريات عشاق]

بس شفتوا سسسمر يعني اهيا بنية تخاف وماعندها الحراة
مو بسهولة هذي
ترضى تطلع بليل من البيت واهلها نايميين ومو بسهولة هذي تركب مع رفيج اخوها
ورفيج اخوها شلون يرضى على نفسه يخون رفيجه ويكلم اخته
شي مممعقد بصراحه

 

[DKNY]

السلام عليكم

انا مدرسة بمدرسة ثانويه لي اربع سنوات والله يابنات كل شي بالمسلسل موجود بالمدارس نوعيات البنات مثل شهد وريم المتفاخرات بالماركات وبالشوو على قولتهم وراعيات الطلعات والبنات المؤدبات اللي مثل سمر ويلقون بنات وقحات وقليلات ادب ومو محترمات مثل شهد وريم والنايمات مثل سارا واللي السنتهم طووووووووووووويله وملاقيف مثل منيره كل هالنوعيات موجود حتى المعلمات اللي ماتهش ولا تنش واللي مالها خلق وكل سنه حامل واللي تدفدف البنات وماعندها اسلوب واصلا تعرض نفسها للمشاكل مع البنات
والوكيله الصارمه والمديره البارده كل هالنوعيات وربي موجوده يعني مافيه شي غريب الا فيه بالمدارس الادهى والامر الله يرحمنا برحمته ويعينا على هالمهنه الصعبه​

 

[fri2010]

ايه صح سالفه النحشه وتركب سياره رفيج اخوها شويه جرأه فيها

وشي ما يدش بالمخ اما الباقي صح الصح

 

[sadan111]

للاسف مسلسلاتنا غير هادفه

 

[سفيرة العشق]

بصراحة ماعجبني المسلسل وحييييييل مبالغين فيه وشنو هذا جذي تتعامل المعلمات مع طالبتهم ....

 

[حنين السعودية]

بس شفتوا سسسمر يعني اهيا بنية تخاف وماعندها الحراة
مو بسهولة هذي
ترضى تطلع بليل من البيت واهلها نايميين ومو بسهولة هذي تركب مع رفيج اخوها
ورفيج اخوها شلون يرضى على نفسه يخون رفيجه ويكلم اخته
شي مممعقد بصراحه

اي والله إنج صاجة
حييييل مبالغين بهالشي
وش دعوى عاد من متى المعرفه .؟ لأجل تركب مع رفيج أخوها .. ولا رفيج اخوها وشلون تجيه الجرأه يركب اخت رفيجه
حتى لو يخاف عليها مايصير جذي

 

[حنين السعودية]

السلام عليكم​

انا مدرسة بمدرسة ثانويه لي اربع سنوات والله يابنات كل شي بالمسلسل موجود بالمدارس نوعيات البنات مثل شهد وريم المتفاخرات بالماركات وبالشوو على قولتهم وراعيات الطلعات والبنات المؤدبات اللي مثل سمر ويلقون بنات وقحات وقليلات ادب ومو محترمات مثل شهد وريم والنايمات مثل سارا واللي السنتهم طووووووووووووويله وملاقيف مثل منيره كل هالنوعيات موجود حتى المعلمات اللي ماتهش ولا تنش واللي مالها خلق وكل سنه حامل واللي تدفدف البنات وماعندها اسلوب واصلا تعرض نفسها للمشاكل مع البنات

والوكيله الصارمه والمديره البارده كل هالنوعيات وربي موجوده يعني مافيه شي غريب الا فيه بالمدارس الادهى والامر الله يرحمنا برحمته ويعينا على هالمهنه الصعبه​

وانا معج .. بكل مكان هاللي يصير بالمسلسل من مواقف تربوية ..


معلمة الرياضة متينة .. ومدري شلون اختاروها لو أخذوا لهم وحدهـ رشيقه نقول ممكن لكن متينه ماتجي :eh_s(1):

 

[كادي كيك]

الساعة جم يعرضونه وبأي المحطات بليز وشنو بقية المسلسلات الحلوة بس كويتية

 

[مشغوله و محتاسه]

وانا معج .. بكل مكان هاللي يصير بالمسلسل من مواقف تربوية ..


معلمة الرياضة متينة .. ومدري شلون اختاروها لو أخذوا لهم وحدهـ رشيقه نقول ممكن لكن متينه ماتجي :eh_s(1):

لا تبين الصج .... كل ابلاتي البدنية ايام الابتدائي متااان ما اذكر وحده رشيقة :d:d


كادي .. المسلسل على دبي .. الساعه 9 اعتقد

 

[نفول]

كادي والفير س٣ يعيدونه علي دبي بعد
اناموذاك الزود عجبني المسلسل وبصراحه قاعده اطالعه لان انشالله بتوظف شهر ٩ وموماخذه ميداني فقلت بستفيد منه
بس بصراحه ماكو ابلات او شخصيه بالمدرسه استفيد منها
قلت عالاقل اخذ فكره عن اشكال البنات الي بيمرون علي

 

[حنين السعودية]

اليوم الحلقة مفيدة ... من ناحية اعتذار عبير الجندي حق سارهـ .. تبين لنا إنه مو عيب أبدا المديرة أو المعلمة تعتذر حق طالبه من طالباتها لو في يوم غلطت بحقها

يعجبني كمان في تصرف البنات إنهم مو حياديات .. يعني لو صديقتها غلطت ماتوقف بصفها تشجعها بالعكس تنصحها أو تتمشكل معها بسبب هالغلطة .. والأمثلة على ذالك كثيرة
منها .. اليوم فرح _منال_ وهي صديقة أبرار _منيرة_ مادافعت عنها قدام شهد_سمر_ لأنها دزت سارة

ولكن عبير الجندة كمديرة المفروض تكون شخصيتها أقوى من كذا ... (خاصه يوم تجي تعامل البنات بطيبة وهم يقدموا بالمسرح)

كذا الطالبات ماراح يهابوا من المديرة كثر مايهابوا من الوكيلة

 

[miele]

بنات شالساالفه وين قاعدين .. عشان البنات دزوا بعض وكل وحدة خذتلها طقه من الثانيه .. فصل اسبوووووع!!!!!

مستحيييل يصير .. هذي هوشه عاديه وبسيطة وتحصل .. ماتنفصل البنت عليها اسبووع وتتسجل بملفها...

عيل اللي معاها تلفون شبيسوون فيهاا... اذكر ايام الثانويه قبل .. عشان وحدة كان معاها تلفون صادرووه وفصلوها ٣ اياام بس
وساارة وعليا عشان تداااززوو بين بعض اسبووع؟؟

المسلسل واايد يحتاج استشارات تربويه وتعليميه قبل عرضه .. صح؟؟؟

 

[أخت خالد]

المسلسل ملللللليييغ حده واحداثه ممله لو الكاتبه امرءه جان عرفت اكثر