مسلسل بنات الثانويه

[fri2010]

عاد جان زين صج ذكريات ان يمشون بالعين الحمرا

وايد ينصحوني اني لا اصير عصبيه وياهم

والا يسوون مشكله للابله لا لها اول ولا تالي

ما لاحظتي ان الوكيله دايما تصير اقوى من الناظره! هذا معناه لازم نكسب ود الوكيله لووول

 

[ذكريات عشاق]

اي تصدقين احس ما ينفع معاهم
وانا دايما يقولون لي من اول يوم تدخلين على البنات خلييج حيل جدية ولاتعطينهم ويه من اول يوم

واي دايما الوكيلة اقوى من الناظرة
وخاصة الوكيلة اللي تكون خاصة للطالبات
لان مثل ما انتوا عارفين في وكيلتين وحده للمعلمات ووحده للطالبات
ودايما اللي على الطالبات عصبية وشخصيتها قوية

 

[fri2010]

انا بطبق نفس اللي قالته بنت حوا اتفق معاهم من البدايه اللي بتمشي معاي سيدا بمشي معاها سيدا

واذا لف ودوران تعاملي بالدرجات

عاد بعدين لما اخذ عليهم ارخي وياهم

انا اشوف جذي احسن تكون في شخصيه قويه عشان تنضبط المدرسه

 

[ذكريات عشاق]

اي اي لازم نكون بين اللين والشده
بس الشده اول شي بعدين نعطيهم وجه

الله يعينا عليهم

 

[fri2010]

ان شاء الله يكونون بنات حليوين

 

[miss shouq]

مشكوره جنان عالموضوع ويعطيج العافيه
انا شفت المسلسل وبصراحه وايد فيه مبالغه باللبس والميك اب حتا طريقه المدرسه واهي حامل بصراحه على ايامنا ماكان في جذي

 

[ذكريات عشاق]

اي يا صح سالفه الحمال

هههههه واله تضحك شدعوا عليج

 

[fri2010]

لوووووول يمكن يبون يسون موقف فكاهي يعني هههههههههههه

بس شايفين تفكير البنات حب وخرابيط ههههههه

اتذكر قبل كنا بهالمرحله هابين هبه بالممثلين والمغنيين ولا نستحي نتكلم جدام احد عنهم هههههه

 

[ذكريات عشاق]

اي لووووول
اهم شي جيكتو على البوية وين قاعدين لوووووول
قبل ماعندنا هالسوالف بس والله صج ترى انا اشوف انه احسن عشان نعرف شنو قاعد يصير
بالمدارس بالوقت هذا ححيل صار ينخاف منه والله

 

[حنين السعودية]

والله هالجيل هذا .. من دون مبالغه هالسوالف فيه ومو بس بالكويت .. حتى بالسعودية وغيرها

 

[fri2010]

على ايامي كان فيه استغفر الله وكانت توها الظاهره باديه

بنات عماتي حذروني منهم وايد

بس مثل ما قلتي خل نتابع اشلون المعلمه تتعامل معاهم

 

[ذكريات عشاق]

اي والله انا بتاببع وبشوف شنو اخرتهم

 

[fri2010]

بس غثونا بسالفه بنات خيطان وما ادري شنو وين قاعدين!

 

[ذكريات عشاق]

اي صح ليش حددو هالمنطقة بالذات اول مرة يسوونها

 

[Freakya]

شفت أول حلقة بس

أحسهم وايد مبالغين بشخصيات الابلات شدعوة !! اللي من اول يوم فصل اسبوع و الابلة اللي عاقبت البنات ليش مو يايبين لبس البدنية !!

المسلسل اييب المرض

 

[زيتونه مرت باباي]

الله يهديهم​

 

[جيتك تعال]

انا ادرس مرحلة ثانوية ....

وبصراحة ما صادفت بنات لسانهم طويل معااى ابدا

ولا ادخل بحوار معهم يخليهم يمدون لسانهم

ولفت نظري اليوم تعامل انتصار معهم والغلط الي سوته وطلعت اثناء الحصة

بس هالمسلسل لفت نظرنا لاهتمامات وسوالف البنات مع بعضهم والشي مخفي علينا نوعا ما لانهم ما يسولفون جدامنااا

يمكن احنا سيدا نطيح عالغلط بس مسار الغلط مخفي عليناااا

بس هالمسلسل فيه اشياء صادفناهاا وفيه لاااا

للحين ما نقدر نحكم علييه يبيلنا وقت لحد ما نشوف نفسية الطالبات

بس الاهم انه المعلمة مو لازم توصل عمرها للاحتكاك المباشر مع الطالبة

لانه مثل ما شفتوو البنت تقوول الكلمتين وتنسى عادي والابلة تحتر وتعصب

البنات في هالمرحلة يبيلهم تعامل بااارد جدا واعصاب ثلااجة عشان تسيطرين علييهم

 

[om mariam]

اول شي مبارك عليكم الشهر يارب
وموفقين يارب
انا كنت بنين 5 سنين بعدين بنات 4 ونص
تعامل الصبيان احسن بس البنات اهدى
والله مااقدر اتابع وياكم
نشوفه بعد رمضان ان شاء الله

 

[اريج الجوري]

ماشفت المسلسل لكن من كلامكم خذيت فكره ,,,

بالعكس في معلمات لبسهم اوفر وقصير ومكياااااج حتى برمضان هذا اللي شفته بمدارس المتوسط ,,,

 

[بخـــارى]

انا ادرس ثانويه والله حبيت التدريس منهم الله يوفقهم