مسلسل بنات الثانويه

[وحدة من الناس *]

شفت المسلسل

بصراحه مو بس الطالبات مو هينات حتى المدرسات

فمن عذر لي صارو الطالبات جذي !

وشفت انتصار الشراح واهيا تسولف مع المدرسات لا يكون جذي بتكون القعده !!

امبيه ما احب جذي وعلى قولتهم الناس اللي حولي غصب تطلع منج الكلمه لووول

خوش موضوع جنان ومتابعين الحلقات اليايه من المسلسل لووول

 

[بنات حواء2]

عمومن من تجربتي بالمتوسط للاسف الدريس ماعاد مثل قبل
كنه من خزه وحده نسكت و نستحي و نخاف
بس الحين لا ماكو فايده
نصيحتي اول اسابيع خليج حازمه بالصف و لا غلطه تمر و تطوفينها و الا راح تتعبين لي نهاية الكورس
و انا كنت جذي بالضبط و بالبدايه محد من البنات يحبني
بس بعدين صرت حبيبتهم لانهك عرفوا نضامي و اعرفوا الي ابيه و الي اهمه يبونه
يبون احترام بالمقابل احترام
يبون وحده بدشه و اطلعه تزف و تصارخ بالمقابل اللف و الدوران
و هلحجي قلته لهم من اول مادشيت و خيرتهم
قلت لهم ان لي طريقتين في التامل وحده راح حبونها و راح نستانس كلنه وي بعض و مشروطه باحترام قوانين الصف و هني تبدين توضحين لهم شنو الي تبينه و الي ماتبينه مثل الاكل بالصف الاحاديث الجانبيه الخ
و الطريقه الثانيه انا ما احبها بس اضطر اتعامل وياكم فيها لمن وحده فيكم تبدي تصير ياهل في تصرفاتها و تقلل من احترامها لنفسها و لغيرها سواء انا و لا زميلاتها
هني خيرتهم اي اسلوب تعامل تبون قالوا الاول قلت حلو الاول شروطه كيت كيت
في بنات التزمو و في بنات مالتزمو و هني اضطريت اقلب طريقتي وياهم اي غلطه قومي وقفي
اي حركه اطردها اقولها روحي حق رئيسة القسم
اصلن من تجربين تطردين وحده من الصف مع صرخه و خزه هني كل الصف بيخاف لانهم بيشوفون انج قول و فعل مو قول علفاضي وذيج الساعه الكل بينضبط
الا اني ما احب استخدم هلاسلوب وي الثانوي لعدة اسباب اولها انهم كبار و حريم ثانيها ان بعضهم السانهم يلوط اذانهم فليش اعرض نفسي لموقف مثل هذا
من البدايه بتفق وياهم ان كل شي بدرجات من غير صريخ و لا عوار قلب و بس
بنسبه للمسلسل ماشفته بصراحه انا هشهر ما اطوفه بمسلسلات لانه صج حرام يضيع علينه هشهر الفضي بمسلسلات ماتمثلنه اصلن
وباجر يدشون يقولون هذا انتو يالكويتيات
بصراحه مالومهم لانه الاعلام و المسلسلات هي تمثل مجتمع ما فإلي مايه لكويت و لا عرف اهلها راح ياخذ فكره بسبة هلمسلسل و غيره علينه انا اشوف ان كل الدول فيها عيوب لاكن اليوم المسلسلات الكويتيه هي الوحيده الي تتفنن في نشر غسيلها للغير للاسف

و موفقين جميعن و شكرا جنان فتحتي لنه مجال لتبادل الاراء و الخبرات

 

[وحدة من الناس *]

بنت حواء جنان قالت من خلال ردودها انها مو حاطه الموضوع عشان نتكلم عن المسلسل قالت بنتكلم عن علاقه المعلمه مع الطلبه من خلال هالمسلسل مع ان الحلقه الاولى للحين ما شفنا فيها شي مو زين!

 

[بنات حواء2]

وحده من الناس انا فاهمه المقصود من الموضوع حبيبتي و لاحظي اني في اول ردي تكلمت مطولا في خصوص التعامل وي الطالبات
لاكن هذا مايمنع اني اقول رايي بهلمسلسل و غيره دام ان العنوان يتكلم عنه ولو كان هلمسلسل فيه خير مامنعوا عرضه صح و لا لا
و انا قلت رايي فقط بينما الموضوع نفسه حلو لتبادل الخبرات و طريقة التعامل و هي الطلبه

 

[كويتيه مزيونه....]

في شي باط جبدي
من متى المدرسات عندنا يلبسون قصير
ومن متى عندنا بنات يلبسون ملفع ابيض بالمدرسه يعني مو حجاب ابي
ومن متى عندنا العقاب توقف على الطوفه وترفع ايدها شخباري منو باجي يسوي جذي ​

 

[وحدة من الناس *]

خنشوف اذا المسلسل صج فيه شي مو زين او لا كبدايه لحد الحين ماكو شي

 

[بنات حواء2]

وحده من الناس انا من قريت اسم المسلسل قلبي نغزني
و من شفتهم منعوا علوطن عرفت النغزه الي يتني من شنو و على قولتح كلشي راح يتظح بعد ايام

 

[محتآجۂ قربگ ~]

،


بذمتكم بذمتكم آتركو الطلبات شوي وخل نشوف المدرسات
امانه من متى الابلات يلبسون جذي بذات سوسن حشى لابسه بدلت عيد !!
وفوق الركبهه خوش قدوهه والله
اللهه لايهينكم اختارو ناس سنعه تمثل دور مربيات الاجيال مو سوسن وطقتهآ
حمداللهه والــشكر !
بس صراحهه عجبتني سالفهه الطوفه الي يعبرون عن مشاعرهم فيهآ
احنـا بمدرسستنا حاطين سسبورآت
تششكرآت حببوبهه ع آلموضوع / موفقهه

-

 

[حنين السعودية]

للأسف انقلب اللحين التعليم 99 درجة
سواءا كان بالكويت او بالسعودية او بقطر او البحرين
خليجنا واحد

 

[ذكريات عشاق]

موضووع روووعه

لي عودة

واب اب اب لعيونج

 

[وحدة من الناس *]

انا سمعت ان انرفض المسلسل من قناه الوطن لان على بالهم ان مقتبس من الروايه!

 

[jod.q8]

انا شفت الحلقه الاولى , بس في اخطاء شكثر

اول شي , اول يوم دراسي مافي حصة تربيه بدنيه و منو بيكون لابس لبس الالعاب ؟
ثاني شي , الابلات ما يلبسون قصير و هالكشخه كلها .. !!

و وايد غلطات فيه , بس نشوف بالحلقات الجايه شنو الاخطاء الواضحه .

وحدة من الناس * : اي المسلسل ممنوع من العرض على قناة الوطن ,
لانه يقولون يسيء لنا و انه مو هذي عاداتنا و تقاليدنا ,

 

[وحدة من الناس *]

وايد مسلسلات حطوها ما تناسب عاداتنا وتقاليدنا

 

[ام عفاف الكويت]

اقوي شي البرودكاست اللى وصلني
يقول عزيزتي مؤلفه بنات الثانويه
بخصوص البنات لابسين لبس الرياضه من اول يوم دازين لهم الجدول برودكاست مثلا لووووول

وبعدين وايد نلقى مخالفات ترى نفس طريقتهم احنا بالمتوسطه
واسلوب الابلات زوين كان بس وايد شديدين يعني من اول يوم بره خو وقفيها بره
وبصراحه مدرستهم تهبل احنا مدراسنا قديمه

 

[maya4no1]

انا ابلة ثانوية من 23 سنه
وكل هاللي قاعدين تشوفونه في المسلسل من خيال الكاتب المريض
ايه عندنا بويات و ليديات و دلوعات وماصخات و عندنا من كل لون و شكل
بس مو بهالشكل المريض
ولبس المدرسات عمره ما كان جذيه لأن معروف ان الثانويه هي من اشد المدارس في النظام و تطبيق القانون
خل وحده تلبس قصير و تشوف تصرف الإداره شلون
ثانيا... فصل اسبوع؟؟
عشان يصير فصل لازم محضر نظام من المديرة و الاخصائيه و 2 رئيسات اقسام وولي أمر الطالبه
هالمسلسل ما يسىء للتربيه ...هالمسلسل يسىء لبناتنا..وانا ما ارضى عليهم... صج مشاكلهم وايد بس هذا الشي من خضائص فئتهم العمريه
مادري شلون تصور المسلسل دون الرجوع لأهل الميدان عالأقل لتلافي الأخطاء...

 

[fri2010]

انا شفت المسلسل صج قويه سالفه الفصل ولبس المدرسه وسالفه حصه الالعاب

اما مشاهد البويات وهالسوالف ما شفتها!

وبعدين حتى المدرسه اشلون تتكلم مع الطالبه بطريقه مو حلوه مع ان البنيه كلمتها بأدب

يعني مو كل شي نحمله على الطالبه

حتى المعلمه

ومشكورة جنان على الموضوع لتبادل الخبرات وعلاقه المعلمه بالطالبه

 

[درة أهل الطولات]

ما اتابعه وان شاء الله محد يتابعه

 

[fri2010]

اب لعيووونج جنوووون

 

[fri2010]

ههههههههههه الظاهر مو بس البنات يتدلعون حتى الابلات لووول

بس ليش شكل البنات خاصه المتحجبات بالطابور شكلهم متبهذل !!

 

[ذكريات عشاق]

انا شفت المسلسل حلقة امس واليوم وبصراحه مبالغه فيه بطريقة مو طبيعيه
خاصة بالابلات واللبس والمكياج وكذلك تعامل المعلمات مع الطالبات
والفصل ولبس البدنية من اول يوم يعني شي خيال مو طبيعي

اللي عجبني انه مع اسلوب العصبية قدرت الابله انها تتحكم وتضبط الصف
يعني يمشون بالعين الحمرا